Филипын оліссезлӧ 4:1 - Бур Юӧр 2019

¹ Менам воннэзӧ, ме тіянӧс ёна радейта. Пыр видзчися тіянкӧт пантасьны. Тійӧ эд менам гажӧ да ошшасян юркытшӧ. Донаэзӧ, ёна видзсьӧ Дӧсвидзисьыс бердӧ!

Филипын оліссезлӧ 4:1 Referans Kwoze

Филипын оліссезлӧ 1:27

Мый бы эз вӧв, лоӧ Кристослӧ туяна отирӧн, олӧ Сы Бур Юӧр сьӧрті. Локта тіян дынӧ, ог я лок, адззыла тіянӧс, ог я ─ ась ме кыла тіян йылісь бурсӧ: тійӧ пӧ ӧтлаын, ӧтік сьӧлӧмӧн кутчисит дорйыны Бур Юӧрсӧ да ассиныт веритӧмнытӧ

1 Коринфын оліссезлӧ 16:13

Лоӧ лӧсьӧтчӧмӧсь, веритӧмнаныт видзсьӧ, эд полӧ, чорыта сулалӧ!

Филипын оліссезлӧ 2:16

Тійӧ видзсят олан сетан Кыв бердӧ. Сійӧн ме понда ошшасьны Кристослӧн локтан лунӧ: ме ассим олан туйӧс эг мун весись, эг весись мырсьы.

1 Коринфын оліссезлӧ 15:58

Менам дона воннэзӧ, сідзкӧ, ёна сулалӧ, эд вӧрзьӧ. Дугдывтӧг керӧ Дӧсвидзисьлісь уджсӧ. Тӧдӧ, абу весись Дӧсвидзись понда керӧм уджныт.

Филипын оліссезлӧ 1:8

Еныс эд тӧдӧ: ме Кристос Исусыс моз ёна радейта тіянӧс.

Еврейезлӧ 10:23

Дугдывтӧг пондам видзсьыны сія надея бердӧ, кӧда йылісь висьтасям. Миянлӧ Кӧсйисисьыс эд надейнӧй.

Римын оліссезлӧ 2:7

Пырся олансӧ Сія сетас бурсӧ дугдывтӧг керись отирлӧ. Нія эд кошшӧны ошкӧмсӧ, бурӧ пуктӧмсӧ да пырсясӧ.

Иоан 8:31

Сэк Исусыс висьталіс Сылӧ веритісь иудейеслӧ: «Пондат кӧ овны Менам кыв сьӧрті, сэк тійӧ былись Менам велӧтчиссез.

2 Тимофейлӧ 2:1

Менам зонӧ, вынсяв Кристос Исуслӧн бурсетӧмын.

Филипын оліссезлӧ 2:26

Сія ӧддьӧн мӧдіс тіянӧс быдӧннытӧ адззывны. Тіянлӧ пӧ кывсьӧм сы шогалӧм йылісь, сійӧн сія тӧждісис.

2 Коринфын оліссезлӧ 1:14

А ӧні тійӧ эстісь мымдакӧ вежӧртіт ни. Сідзкӧ, миян Дӧсвидзись Кристос Исуслӧн бертан лунӧ пондам ошшасьны ӧтамӧднаным.

Ап. керӧммез 11:23

Сэтчин локтікӧ сія казяліс Енсянь бурсетӧмсӧ. Варнаваыс сысянь гажмис. Сія велӧтіс отирсӧ быдсӧн сьӧлӧмнаныс кутчисьны Дӧсвидзисьлӧ веритӧмас.

Ап. керӧммез 2:42

Веритіссес пыр олісӧ апостоллэз велӧтӧм сьӧрті, ӧксьывлісӧ чеглавны нянь да кеймыны.

2 Петра 3:17

Донаэзӧ, тійӧ эта йылісь пондіт тӧдны одзжык. Сідзкӧ, видзӧтчӧ, медбы умӧльсӧ кериссес ылалӧмсянь асьныт эдӧ ылалӧ да эдӧ кежӧ сэтісь, мыйын тійӧ чорыта сулалат.

Еврейезлӧ 4:14

Миян эм ыджыт Аркирей ─ Исус, Енлӧн Зон. Сія лэбтісис енӧжся вылынжыка. Сідзкӧ, бура пондам видзсьыны Сылӧ веритӧманым.

Еврейезлӧ 3:14

Кристослӧ лӧсьӧтӧм пайыс дӧнзяс и миянлӧ, пондам кӧ бура веритны медбӧрӧдз, кыдз и пондім.

2 Фессалоникаын оліссезлӧ 2:15

Сідзкӧ, воннэзӧ, олӧ велӧтӧмыс бердӧ ёна видзсьӧмӧн! Сэтчӧ тійӧ велаліт миян висьталӧмсянь да ысталӧм гижӧттэзсянь.

Колосын оліссезлӧ 4:12

Пым юӧр ыстӧ тіян Епафрас, Кристос Исуслӧн раб. Сія дугдывтӧг кеймӧ, пессьӧ тіян понда, медбы тійӧ вынсяліт да лоит быдсӧн бурӧсь и медбы тіян быдӧс вӧлі Еныс сьӧрті.

Галатияын оліссезлӧ 5:1

Кристосыс миянӧс мездӧтіс. Сідзкӧ, бура видзсьӧ мездӧтчӧмас. Бӧр эдӧ пырӧ Туйдӧтлӧн домӧттэзӧ.

Ап. керӧммез 14:22

Сэтчинісь веритіссесӧ нія вынсьӧтісӧ, велӧтісӧ нійӧ видзсьыны веритӧмас. Нія висьталісӧ: «Уна пессьӧм-мырсьӧм пыр эд колас мунны, медбы пырны Енлӧн Юраланінӧ».

1 Фессалоникаын оліссезлӧ 3:13

Сія ась вынсьӧтас тіянлісь сьӧлӧммезнытӧ, медбы вӧліт сӧстӧммезӧн да вежаэзӧн Ен Айным одзын, кӧр миян Дӧсвидзись Кристос Исусным локтас быдӧс вежаэскӧт. Аминь.

Матвей 10:22

Ме понда быдӧнныслӧ тійӧ син вылӧ одӧ пондӧ ковны. Кин медбӧрӧдз вермас видзсьыны, сія мезмас.