11 Поди, сэк и кулӧм бӧрам ловзя.
Но мӧд кулӧммес эзӧ ловзьӧ, кытчӧдз эз чулав сюрс воыс. Сія медодзза ловзьӧтӧм.
Кӧсйӧмыслісь лоӧмсӧ надейтчӧны адззывны миян даскык увтырным. Видзчисьтӧнняныс нія лун и ой кысъялӧны Еныслӧ. Кӧсйӧмыс вылӧ надейтчӧмӧ понда, Агриппа ӧксу, иудейес и висьтавлӧны ме вылӧ умӧльсӧ.
Павелыс казяліс: ӧксьӧммес ӧт джыныс вӧлісӧ садукейез, мӧд джыныс ─ фарисейез. Сэк сія горӧн висьталіс: «Воннэзӧ! Ме фарисей, фарисейлӧн зон. Менӧ судитӧны кулӧммезісь ловзьӧмӧ веритӧм понда».
Мукӧд инькаэзлӧн кулӧммезныс ловзьывлӧмась. Мукӧдсӧ быдмоза дойдӧмӧн кувтӧдз вайӧтлісӧ. Нійӧ кӧсйисисӧ лэдзны, но нія эзӧ босьтӧ отирсянь мезмӧмсӧ, а лӧсьӧтчисӧ ловзьыны буржык оланӧ.
Ась некин тіянӧс немӧн оз ылӧт. Кристослӧн локтан Лунӧдз отирыс ылаласӧ, бергӧтчасӧ Еныс дынісь, и локтас умӧль керӧмнас тырӧм морт, кулӧмас мунісь.
Ме эг ни вермы видзсьыны, сійӧн ысті Тимофейсӧ тӧдны тіян веритӧм йылісь. Ме полі, ылӧтлісьыс эз жӧ бы ылӧт тіянӧс, да миян уджным эз ло весись.
Кыйыс тай аслас ылӧтлӧмӧн Евасӧ бӧбӧтӧм. Ме пола, медбы сідз жӧ эз тшык тіян мывкыдныт. Кристосыскӧт тійӧ олат осьта сьӧлӧмӧн. Сія оланісь мӧдӧрӧ эдӧ ылалӧ.
Ме ассим вывтырӧс видза, тшӧкта уджавны, медбы мӧдіккезлӧ висьтасьӧмӧ коста ачым вӧлі туяна мортӧн да эг кольччы козинтӧг.
Вынтӧммескӧт ме вӧлі вынтӧм кодь. Сідз ачымӧс видзи, медбы вынтӧммесӧ вайӧтны Кристос дынӧ. Ме быдӧнныс понда кери быдӧс, медбы ны коласісь мукӧдсӧ вайӧтны мезмӧмӧдз.
Видзчися, ог я вермы аслам отирлісь ӧзйӧтны мӧдік отирлӧ завидуйтӧмсӧ? Ог я мезды ны коласісь мукӧдсӧ?
Марфаыс шуис Сылӧ: «Тӧда: сія ловзяс медбӧрья лунас, ловзян лунас».
Тэ лоан шуда, нія эд немӧн озӧ вермӧ тэныт вештісьны. Тэныт вештасӧ Ен сьӧрті веськыта оліссезлӧн ловзьӧм коста».
Сувтчаніныс абу вӧлі лӧсьӧтӧм тӧвйыны. Сійӧн унаӧн шуисӧ сэтісь мунны. Нія баитісӧ: позяс кӧ, мунам Критыс пӧлӧн Финик сувтчанінӧдз да сэтӧн тӧвьям. Финикыс куйліс лун-рыт да ой-рыт тӧввез паныт.
Быдыс ловзяс аскадӧ: одзлань Кристосыс, сэсся Сы локтӧм коста Кристослӧн отирыс.
Ӧні меным лӧсьӧтӧм веськыта олӧмлӧн юркытш. Сійӧ юркытшсӧ меным сетас Дӧсвидзисьыс, Сія эд веськыта Судитісьыс. Аслас локтан Лунӧ Сія сетас юркытшсӧ меным да и быдӧнныслӧ, кӧдна радейтӧмӧн видзчисьӧны Сылісь локтӧмсӧ.
