Филипын оліссезлӧ 2:9 - Бур Юӧр 2019

⁹ Сійӧн и лэбтіс Сійӧ Еныс медвылӧ. Сетіс Сылӧ мӧддэс сьӧрті медбур ним,

Филипын оліссезлӧ 2:9 Referans Kwoze

Осьтӧм 19:16

Сылӧн нимыс вӧлі гижӧм паськӧм вылас да викляч вылас: «Ӧксуэзлӧн Ӧксу да юраліссезлӧн Юралісь».

Матвей 28:18

Исусыс сибӧтчис велӧтчиссес дынӧ да шуис: «Му вылын да енӧжын быдӧс вылын Ме сувтӧтӧм юравны.

1 Петра 3:22

Кристосыс лэбтісис енӧжас да Еныскӧт пуксис веськыт ладорас. Сійӧ кывзісьӧны ангеллэс, енӧжсис юраліссес да выннэс.

Еврейезлӧ 2:9

Но мийӧ адззам Исуссӧ: Сія ангеллэзся лажмытжыка вӧлі сувтӧтӧм недыр кежӧ. Сылӧ ковсис кувны быдӧнныс понда. Сідз локтіс отирлӧ Енлӧн бурсетӧмыс. Пессьӧмӧн-мырсьӧмӧн кулӧмыс понда Сія ӧні юркытшалӧм вылына лэбтӧмнас да югьялӧмнас.

Осьтӧм 5:12

Нія быдӧнныс горӧн шувлісӧ: ─ Начкылӧм Дзельыслӧ позьӧ босьтны юралӧмсӧ, дона берсясӧ, мывкыдсӧ, вынсӧ, югьялӧмсӧ да лэбтӧм-ошкӧмсӧ!

Еврейезлӧ 1:4

Зоныс ангеллэзся вылынжыка сувтӧтӧм. Сылӧн и нимыс ны ниммезся вылынжыка пуктӧм.

Еврейезлӧ 12:2

Пондам видзӧтны Исусыс вылӧ. Сія ─ веритӧмсӧ Сетісь да быдсӧн бура веритӧмӧдз Вайӧтісь. Локтан гажыс понда Сія куліс крест вылын. Сія эз видзӧт и отирлӧн сералӧм вылӧ. Ӧні Сія пукалӧ Енлӧн юралан пукӧскӧт веськыт ладорас.

Иоан 17:5

Айӧ, ӧні босьт Менӧ дынат, сет Меным Ассит югьялӧмтӧ. Сія югьялӧмыс Менам вӧлі Тэ дынын эшӧ быдӧс аркмӧтӧмӧдз.

Осьтӧм 3:21

Ме эд верми да пукси ордчӧн Айӧкӧт Сылӧн юралан пукӧс вылӧ. Сідз и вермалісьсӧ Ме пуксьӧта ордчӧн Аслам юралан пукӧс вылӧ.

Лука 10:22

Велӧтчиссеслӧ Сія висьталіс: «Айӧ быдӧс сетіс Меным. Дзир Айыс тӧдӧ, кин Зоныс. Дзир Зоныс тӧдӧ, кин Айыс. Тӧдӧ и сія, кинлӧ Зоныс осьтас».

Осьтӧм 11:15

Сизимӧт ангел пондіс пӧльтны аслас буксанӧ. Сэк енӧжас кылісӧ гора шыэз. Нія баитісӧ: ─ Быдӧс вылын Юралісьнас сувтіс миян Дӧсвидзисьным да Сылӧн Мавтӧмыс. Сія пондас юравны пырся-пыр.

Осьтӧм 1:5

да Кристос Исуссянь. Сія Висьталісьыс надейнӧй. Медодз Сія ловзис кулӧммес коласісь да юралӧ му вылас юраліссез вылын. Сія радейтӧ миянӧс. Аслас вирӧн Сія мездіс миянӧс умӧль керӧммезсиным,

2 Петра 1:17

Ен Айыс вылына лэбтіс Зонсӧ да сетіс Сылӧ югьялан вын. Еныс Аслас югьяланінсянь юӧртіс сэтшӧм кыввезӧн: «Сія Менам дона Зонӧ, сьӧлӧм гажӧ».

Колосын оліссезлӧ 1:18

Сія вывтырыслӧн, вичкуыслӧн, Юрыс. Сія ─ быдӧс Пондӧтісь, кулӧмись медодзза Ловзись, медбы быдӧсын Сія вӧлі медодззаӧн.

Ап. керӧммез 5:31

Еныс Сійӧ пуксьӧтіс веськыт ладорас Юралісьӧн да Мездӧтісьӧн, медбы Израильыс бергӧтчис умӧль керӧммес дынісь да вӧлі проститӧм.

Иоан 13:3

Исусыс тӧдіс: Айыс быдӧс сетіс Сы киэзӧ. Сія локтіс Еныс дынісь, Еныс дынӧ и бертӧ.

Матвей 11:27

Менам Айӧ быдӧс сетіс Меным. Некин оз тӧд Зонсӧ, тӧдӧ дзир Айыс. Айсӧ некин оз тӧд, дзир Зоныс тӧдӧ. Тӧдӧ и сія, кинлӧ Зоныс осьтас.

Иоан 17:11

Ме абу ни татӧн му вылас, Ме муна Тэ дынӧ. Но нія кольччӧны татчӧ. Вежа Айӧ! Видз Меным сетӧмметӧ Аслат ним понда. Мийӧ Тэкӧт ӧтік, ась и нія миян моз йитчӧны, лоӧны ӧтік.

Иоан 17:12

Му вылас ӧтлаын ныкӧт овтӧн Ме видзи нійӧ Тэнат ним понда. Меным сетӧммет коласісь некин эз ӧш, дзир сія, кӧдалӧ коліс ӧшны. Керсис Вежа Гижӧтын висьталӧм сьӧрті.

Ефесын оліссезлӧ 1:10

Колан кадӧ Еныс лӧсьӧтчӧм енӧжисьсӧ ӧтлаӧтны му вылісьыскӧт. Быдӧс вылын Юралісьнас Сія шуӧм сувтӧтны Кристоссӧ.

2 Фессалоникаын оліссезлӧ 1:12

Сэк тіян пыр локтас ошкӧмыс миян Дӧсвидзись Кристос Исус нимлӧ, а тіянлӧ ─ Сы пыр, миян Енлӧн да Дӧсвидзись Кристос Исуслӧн бурсетӧмсянь.

Еврейезлӧ 1:9

Тэ радейтан веськыта керӧмсӧ. Синӧн он вермы видзӧтны лёк керӧм вылӧ. Сійӧн Тэнат Еныт гаж елейнас мавтіс Тэнӧ, Енӧ, мӧдіккезся буржыка.

3 Иоан 1:7

Нія эд туйӧ петісӧ Кристос ним понда и Енсӧ тӧдтӧм отирлісь нем эзӧ босьтӧ.