Филипын оліссезлӧ 2:14 - Бур Юӧр 2019

¹⁴ Быдӧс керӧ норасьтӧг, етшасьтӧг.

Филипын оліссезлӧ 2:14 Referans Kwoze

1 Петра 4:9

Ӧтамӧднытӧ кокнит сьӧлӧмӧн норасьтӧг рочалӧ горттэзаныт.

1 Коринфын оліссезлӧ 10:10

Ны коласісь мукӧдыс моз эд норасьӧ. Норасьӧмыс понда нійӧ вийӧм кулӧтісь ангел.

Филипын оліссезлӧ 2:3

Нем эдӧ керӧ асьнытӧ мыччалӧм-лэбтӧм могись. Рам сьӧлӧмсянь мӧдікӧс пуктӧ асся вылынжыка.

Яков 5:9

Воннэзӧ, ӧтамӧдныт вылӧ эд норасьӧ, медбы Еныс эз судит тіянӧс. Судитісьыс эд сулалӧ ыбӧс дорас.

Римын оліссезлӧ 12:18

Позьӧ кӧ, вынсьӧтчӧ быд морткӧт овны лӧсялӧмӧн.

1 Фессалоникаын оліссезлӧ 5:15

Видзӧтӧ, медбы некинлӧ эд вештісьӧ умӧль понда умӧльӧн. Ӧтамӧднытлӧ да и быдӧнныслӧ пыр кошшӧ керны бурсӧ.

Яков 1:20

Лӧгувьяныт тійӧ одӧ вермӧ Ен сьӧрті веськыта керны.

Галатияын оліссезлӧ 5:26

Огӧ пондӧ асьнымӧс лэбтыны, ӧтамӧднымӧс дозыляйтны да ӧтамӧднымлӧ завидуйтны.

Галатияын оліссезлӧ 5:15

Видзӧтӧ, тійӧ ӧтамӧднытӧ вермат кувтӧдз воштыны, пондат кӧ пурсян поннэз моз ӧтамӧднытӧ сёйны.

Яков 3:14

Но мӧдік вылӧ видзӧттӧн тіян завид кутӧмнытсянь кӧ сьӧлӧмныт пизьӧ, тійӧ кӧ дзир асьнытӧ радейтат, сэк эд ошшасьӧ. Асланыт бӧбӧтчӧмӧн быльсӧ мӧдӧрӧ эд бергӧтӧ.

Римын оліссезлӧ 14:1

Веритӧмас вынтӧм мортсӧ дынаныт босьтӧ сэтшӧмӧн, кытшӧм сія эм. Сыкӧт эд етшасьӧ мӧдмоза вежӧртӧмыс кузя.

Иуда 1:16

Нія пыр боньгӧны да норасьӧны. Керӧны дзир асланыс ӧзйӧтчӧм сьӧрті: Ентӧг олӧны, Сылісь Туйдӧтсӧ абутӧм туйӧ пуктӧны, баитӧмнаныс асьнысӧ лэбтӧны. Колӧ кӧ мыйкӧ мортыссянь, сійӧ бура ошкӧны. Нысянь эд эм мый босьтны.

1 Петра 3:11

Ась оз кер умӧльсӧ, а керӧ бурсӧ, кошшӧ отиркӧт лӧсялӧмсӧ да быдӧс керӧ лӧнь олан понда.

Еврейезлӧ 12:14

Вынсьӧтчӧ быдӧнныскӧт овны лӧсялӧмӧн, лоӧ вежа отирӧн. Вежа олантӧг эд некин оз вермы адззывны Дӧсвидзисьсӧ.

Римын оліссезлӧ 16:17

Кеймися тіян одзын. Воннэзӧ, видзӧтлӧ вичкусӧ янсӧтліссез, ылӧтліссез сьӧрын. Нія эд отирсӧ кежӧтӧны веритӧмсис. Ны дынсянь видзсьӧ ылынжыка.

Ап. керӧммез 15:2

Павел да Варнава сувтісӧ нылӧ паныт, уна вермасисӧ мӧдмоза велӧтӧмныс кузя. Сэк Павелсӧ Варнаваыскӧт да ас колассиныс мукӧдсӧ иньдісӧ Ерусалимӧ. Сэтчин тшӧктісӧ эта йылісь баитны апостоллэзкӧт да вичкуын веськӧтліссезкӧт.

Ап. керӧммез 6:1

Апостоллэз гӧгӧр лунісь лунӧ содіс уна велӧтчись. Сэк грек кыв вылын баитісь иудейез пондісӧ норасьны еврей кыв вылын баитісь иудейез вылӧ, дӧваэзныслӧ пӧ быд лунся коланасӧ етшажык сетавлӧны.

1 Фессалоникаын оліссезлӧ 5:13

Бурӧ пуктӧ да радейтӧ нійӧ уджалӧмныс понда. Ас коласаныт лӧсялӧ.

2 Коринфын оліссезлӧ 12:20

Ме пола эд, локтӧмӧ кежӧ тійӧ одӧ лоӧ сэтшӧмӧсь, кытшӧмӧсь колат меным. Сэк и ме ог ло сэтшӧм, кытшӧм кола тіянлӧ. Ась оз ло тіян коласын вермасьӧм, завид кутӧм, лӧгалӧм, видчӧм, весись морт вылӧ баитӧм, норасьӧм, асьӧс вылына лэбтӧм. Ась тіян быдӧс лоӧ арта.

Ап. керӧммез 15:39

Сідз Иоаныс кузя Павел да Варнава лӧгасисӧ да янсӧтчисӧ. Варнаваыс босьтіс Марксӧ да сыкӧт уйис Кипрӧ.

Ап. керӧммез 15:7

Нія дыркодь баитісӧ. Сэк Петраыс чеччис да висьталіс нылӧ: «Воннэзӧ, тійӧ тӧдат: миян коласісь важынсянь ни Еныс бӧрйис менӧ висьтасьны Бур Юӧрсӧ мӧдік отирлӧ, медбы и нія кылісӧ да пондісӧ веритны.

Марк 14:5

Позис эд сійӧ вузавны куимсёся унажык динарий вылӧ да сетавны кориссезлӧ». Нія инькасӧ видісӧ.

Матвей 20:11

Сійӧн нія пондасӧ норасьны, кӧзяиныслӧ шуасӧ:

Марк 9:14

Исус, Петра, Яков да Иоан локтісӧ мӧд велӧтчиссес дынӧ. Ны дынӧ ӧксьӧм вӧлі уна отир. Сэтӧн вӧлісӧ Туйдӧтӧ велӧтіссез, кӧдна етшасисӧ ныкӧт.

Лука 5:30

Туйдӧтӧ велӧтіссес фарисейескӧт Исуслӧн велӧтчиссезлӧ лӧгӧн висьталісӧ: «Мыля тійӧ сёят вот ӧктіссезкӧт да умӧльсӧ кериссезкӧт?»