Филипын оліссезлӧ 2:11 - Бур Юӧр 2019

¹¹ Ен Айсӧ ошкӧм могись ась быд морт висьталӧ: «Кристос Исусыс ─ Дӧсвидзись!»

Филипын оліссезлӧ 2:11 Referans Kwoze

1 Иоан 4:15

Мортыс шуӧ кӧ Исуссӧ Енлӧн Зонӧн, сэк Еныс олӧ сія морт пытшкын, а сія ─ Еныс пытшкын.

Римын оліссезлӧ 14:11

Вежа Гижӧтас висьталӧм: ─ Дӧсвидзись шуӧ: кыв сета, Ме одзын пидзӧс вылас сувтас быд мортыс. Быд ӧмись петас Енсӧ ошкӧмыс.

Иоан 13:13

Тійӧ шуат Менӧ Велӧтісьӧн, Дӧсвидзисьӧн. Веськыта висьталіт: Ме былись Сія.

1 Иоан 4:2

Ен Ловсӧ тӧдны позьӧ сідз: висьтасьӧ кӧ кин Кристос Исусыс йылісь ─ Сія локтіс пӧ морт вывтырын, то сія лолыс Енсянь.

Римын оліссезлӧ 14:9

Кристосыс эд сы понда и куліс да ловзис, медбы юравны кулӧммез да ловьяэз вылын.

1 Коринфын оліссезлӧ 12:3

Сійӧн висьтала тіянлӧ: мортсӧ баитны ӧзйӧтӧ кӧ Енлӧн Лов, сэк сія оз вермы висьтавны Исусыс вылӧ ёрдан кывсӧ. Мортыс вермас пуктыны Исуссӧ Дӧсвидзисьӧ дзир сэк, ӧзйӧтӧ кӧ сійӧ Вежа Лов.

Иоан 14:13

Коратӧ кӧ мый Айӧлісь Менам нимӧн, Ме сійӧ кера, медбы отирыс ошкисӧ Айсӧ Зоныс понда.

1 Петра 1:21

Тійӧ Кристосыс пыр пондіт веритны Еныслӧ. Сія Кристоссӧ ловзьӧтіс да сетіс Сылӧ Ассис югьялӧмсӧ, медбы и тійӧ веритіт да надейтчит Еныс вылӧ.

1 Коринфын оліссезлӧ 8:6

Миян эд ӧтік Ен ─ Ен Айным. Быдӧс Сысянь аркмис. Мийӧ и асьным Сы понда олам. Миян ӧтік Дӧсвидзисьыс ─ Кристос Исус. Быдӧс эд керӧм Сы пыр. Сы пыр и мийӧ босьтім олансӧ.

Осьтӧм 3:5

Вермалісьыс пасьтасяс чочком паськӧмӧ. Ме ог чышкы сылісь нимсӧ Олан небӧгсис. Аслам Айӧ одзын да Сы ангеллэз одзын Ме висьтала: сія ─ Менам.

Матвей 10:32

Кин отир одзын оз повзьы Менӧ тӧдӧм йылісь висьтасьны, сійӧ Ме пукта Аслам мортӧ енӧжись Айӧ одзын.

Ап. керӧммез 10:36

Сія ыстіс Израиль отирлӧ Ассис Кывсӧ, лӧнь олан йылісь Бур Юӧрсӧ, кӧдӧ вайис Кристос Исус. А Сія ─ Дӧсвидзисьыс быдӧнныс вылын.

Ап. керӧммез 2:36

Сідзкӧ, Израильын быд морт бура тӧд: Еныс сувтӧтіс Дӧсвидзисьӧн да Кристос-Мездӧтісьӧн сійӧ Исуссӧ, Кӧдӧ тійӧ дорит пу бердӧ!»

Иоан 9:22

Ай-мамыс сідз висьталісӧ, нія полісӧ иудейезісь да. Иудейес эд вӧлі баитчӧмась, кин пондас пӧ Сійӧ мортсӧ пуктыны Кристос-Мездӧтісьӧ, сійӧ мортсӧ нія синагогасис вашӧтасӧ.

Иоан 5:23

медбы Айсӧ моз быдӧнныс бурӧ пуктісӧ Зонсӧ. Мортыс оз кӧ бурӧ пукты Зонсӧ, сэк оз бурӧ пукты и Айсӧ, Кӧда ыстіс Зонсӧ.

2 Иоан 1:7

Уна эд ылӧтліссес ӧні отирыс коласын лэбтісисӧ. Нія озӧ веритӧ Кристос Исуслӧн морт вывтырын локтӧмӧ. Сэтшӧм мортыс отирсӧ ылӧтлісь, Кристос вылӧ лэбтісись.

1 Коринфын оліссезлӧ 15:47

Одзза мортыс аркмӧтӧм муись, сія му вылісь. Мӧд мортыс ─ Дӧсвидзись. Сія локтіс енӧжсянь.

Римын оліссезлӧ 15:9

Сія локтіс и мӧдік отир понда, медбы и нія ошкисӧ Енсӧ нылӧ небыт сьӧлӧмсянь керӧм понда. Эта йылісь Вежа Гижӧтас тай висьталӧм: ─ Понда ошкыны Тэнӧ мӧдік отир коласын. Понда сьылӧтны Тэнчит нимтӧ.

Иоан 20:28

Сэтчӧ Фомаыс шуис: «Менам Дӧсвидзисьӧ, менам Енӧ!»

Иоан 17:1

Сійӧ висьталӧм бӧрын Исусыс видзӧтіс енӧжӧ да шуис: «Айӧ! Локтіс кад мыччавны Зонытлісь югьялан вынсӧ, медбы Зоныт вермис мыччавны Тэнчит югьялӧмтӧ.

Иоан 12:42

Нельки веськӧтліссез коласісь унаӧн пондісӧ веритны Исусыслӧ. Фарисейес кузя нія эзӧ лысьтӧ висьтасьны веритӧмныс йылісь, медбы нійӧ эзӧ вашӧтӧ синагогасис.

Лука 2:11

Ӧні Давид карын чужис Мездӧтісь. Сія ─ Дӧсвидзись Кристос.

Иоан 14:23

Исусыс сылӧ висьталіс: «Кин Менӧ радейтӧ кӧ, сія олӧ Менам кыввез сьӧрті. И Менам Айӧ пондас радейтны сійӧ. Мийӧ локтамӧ сы дынӧ да пондам овны сы ордын.

Иоан 13:14

Сідзкӧ, Ме кӧ тіян Дӧсвидзись да Велӧтісь миссьӧті коккезнытӧ, сідз и тіянлӧ колӧ ӧтамӧднытлісь миссьӧтны коккезнытӧ.