Филипын оліссезлӧ 2:1 - Бур Юӧр 2019

¹ Кристосыс тіянӧс вынсьӧтӧ, а Сылӧн радейтӧмыс бурӧтӧ, Вежа Лолыс тіянӧс ӧтлаӧтӧ. Тійӧ отсасят да тӧждісят ӧтамӧдныт понда.

Филипын оліссезлӧ 2:1 Referans Kwoze

Колосын оліссезлӧ 3:12

Тійӧ Енлӧн бӧрйӧммез, тійӧ ─ вежа отир. Сія тіянӧс радейтӧ. Сідзкӧ, лоӧ небыт сьӧлӧмаӧсь, бура отсасьӧ, лоӧ бур мывкыдаӧсь, рамӧсь, мыла быртӧг кужӧ видзсьыны,

1 Иоан 4:12

Енсӧ некӧр некин эз адззыв. Радейтам кӧ ӧтамӧднымӧс, сэк Еныс олӧ миян пытшкын. Сэк и Сылӧн радейтӧмыс поздісьӧм ни миян пытшкын.

Колосын оліссезлӧ 2:2

Песся, медбы нылӧн радейтӧмнас ӧтлаӧтӧм сьӧлӧммезныс вынсялісӧ. Ась унажык пондӧны тӧдны да буржыка вежӧртӧны Ен Айнымлісь тӧдлытӧм сетӧмсӧ ─ Кристоссӧ.

1 Коринфын оліссезлӧ 12:13

Мийӧ: иудейез, греккез, раббез, абу я раббез ─ быдӧнным пыртчим ӧтік Лолӧн, медбы вӧвны Кристоскӧт ӧтік вывтырӧн. Быдӧнным юим ӧтік Ловсянь.

Галатияын оліссезлӧ 5:22

А Ловлӧн воӧмыс ─ радейтӧм, гаж, лӧнь, уна мылаӧн видзсьӧм, бурсӧ керӧм, отсасьӧм, веритӧм,

Галатияын оліссезлӧ 4:6

Тійӧ Енлӧн челядь, сійӧн Еныс ыстіс тіян сьӧлӧммезӧ Аслас Зонлісь Ловсӧ. Сія Енсӧ кытсалӧ: «Авва, Айӧ!»

Ап. керӧммез 4:32

Веритіссеслӧн быдӧнныслӧн сьӧлӧммезныс да ловвезныс вӧлісӧ ӧтлаасьӧмӧсь. Ассиныс пажытьсӧ нія эзӧ шуӧ асланысӧн, быдӧс вӧлі ӧтласа.

1 Иоан 3:24

Мортыс олӧ кӧ Енлӧн тшӧктӧммез сьӧрті, сэк сія олӧ Енкӧт ӧтлаасьӧмӧн, а Еныс олӧ сы пытшкын. Олӧ я Еныс миян пытшкын, тӧдам Лолыссянь, Кӧдӧ миянлӧ сетіс Еныс.

Иоан 17:13

Ӧні Ме муна Тэ дынӧ. Кытчӧдз Ме му вылас, нылӧ быдӧс этӧ висьтала, медбы Менам гажӧ тыртіс и нылісь сьӧлӧммезнысӧ.

1 Иоан 4:16

Мийӧ пондім тӧдны да веритны: Еныс миянӧс радейтӧ. Еныс ─ радейтӧм. Радейтӧмын олісьыс олӧ Еныс пытшкын, а Еныс олӧ сы пытшкын.

Филипын оліссезлӧ 3:3

Былись вундыштыштӧммес ─ этӧ мийӧ: копрасям Еныслӧ, кыдз велӧтӧ миянӧс Сылӧн Лолыс. Ошшасям Кристос Исусӧн, огӧ надейтчӧ ас выланым.

1 Коринфын оліссезлӧ 3:16

Тійӧ одӧ разь тӧдӧ: тійӧ ─ Енлӧн оланін? Тіян пытшкын олӧ Еныслӧн Лолыс.

Римын оліссезлӧ 8:26

Миян вынным оз кӧ тырмы, сэк Ачыс Лолыс отсалӧ миянлӧ. Мийӧ эд огӧ тӧдӧ, кыдз да мый понда колӧ кеймыны. Ышлолалӧммезӧн, кыввез висьтавтӧг Ачыс Лолыс корӧ миян понда.

Римын оліссезлӧ 5:5

Мийӧ огӧ видзчисьӧ бурсӧ весись. Еныс эд сетіс миянлӧ Вежа Ловсӧ да Сы пыр кисьтіс миян сьӧлӧммезӧ Ассис радейтӧмсӧ.

Ап. керӧммез 2:46

Ӧтікӧ юрын видзӧмӧн быд лун ӧксьывлісӧ Вежа Керкуын. Горттэзын ӧтлаӧ ӧксьӧмӧн чеглавлісӧ нянь да сёйисӧ осьта гаж сьӧлӧмӧн.

1 Петра 1:2

Ен Айным тіянӧс одззасянь ни вӧлі бӧрйӧм. Аслас Лолӧн Сія тіянӧс керис вежа отирӧн, медбы тійӧ кывзісит Кристос Исуссӧ да Сы Вирӧн сӧстӧммит. Еныслӧн бурсетӧмыс да лӧнь оланыс тіян ась содасӧ!

Еврейезлӧ 6:18

Еныслӧн кык моз висьталӧмыс ─ кӧсйӧмыс да кыв сетӧмыс ─ озӧ вежсьӧ. Сія эд оз вермы бӧбӧтны. Сылӧн кӧсйӧмыс да кыв сетӧмыс миянӧс, Ен дынӧ локтӧммесӧ, вынсьӧтӧны. Нія отсалӧны миянлӧ видзсьыны Енсянь сетӧм надея бердӧ.

Филипын оліссезлӧ 1:8

Еныс эд тӧдӧ: ме Кристос Исусыс моз ёна радейта тіянӧс.

Ефесын оліссезлӧ 4:4

Тійӧ ӧтік вывтырын, ӧтік Ловсянь, да и корӧмӧсь тійӧ ӧтік вылӧ надейтчыны.

2 Коринфын оліссезлӧ 2:14

Ошкам Енсӧ! Миянӧс, Кристоскӧт ӧтлаасьӧммесӧ, Сія нуӧтӧ, пыр сетӧ быдӧс вермавны. Миян отсӧтӧн Сія сетӧ отирыслӧ тӧдны Ас йывсис. Сія Бур Юӧрыс паськалӧ чӧскыт ру моз.

1 Коринфын оліссезлӧ 15:31

Воннэзӧ, висьтала быльсӧ: ме ошшася тіянӧн Дӧсвидзись Кристос Исус одзын. И сія быль: ме быд лун кулӧм одзын.

Иоан 14:27

Ме тіянлӧ коля лӧньсӧ. Ассим лӧньӧс сета тіянлӧ. Менам лӧньӧ не сэтшӧм, кыдз му вылісь отирлӧн. Сідзкӧ, ась оз ло сьӧлӧманыт некытшӧм тӧждісьӧм. Эд полӧ!

Иоан 14:18

Ог коль тіянӧс ӧтнанытӧ, локта тіян дынӧ.

Лука 2:25

Сія кадӧ Ерусалимас вӧлі Симеон нима морт. Сія юрбитіс Енлӧ да оліс Сы сьӧрті веськыта. Видзчисис Сійӧ, кин бурӧтас Израильсӧ. Вежа Лолыс вӧлі Сы вылын.