Филипын оліссезлӧ 1:7 - Бур Юӧр 2019

⁷ Меным сідз и колӧ тіянӧс быдӧннытӧ видзны юрам. Кристосыс понда пукавтӧнням пыр тіянӧс видза сьӧлӧмам. Тійӧ мекӧт и сэк, кӧр ме дорья Бур Юӧрсӧ да Сійӧ висьтасикам отирсӧ веритӧмӧдз вайӧта. Сідз жӧ мекӧт ӧтлаын босьтат и Еныслісь бурсетӧмсӧ.

Филипын оліссезлӧ 1:7 Referans Kwoze

2 Коринфын оліссезлӧ 7:3

Ог баит осудитны тіянӧс. Ме эд одзжык висьтавлі ни: тійӧ миян сьӧлӧммезын. Оламӧ, куламӧ я, тійӧ пыр миянкӧт.

Филипын оліссезлӧ 1:5

Тійӧ эд одзза лунсянь ӧнӧдз отсалат нуӧтны Бур Юӧрсӧ.

2 Тимофейлӧ 2:9

Бур Юӧрыс понда ме ӧні и песся-мырся, лёк керись моз пукала домӧттэзын. Но Еныслісь Кывсӧ оз позь домавны.

Колосын оліссезлӧ 4:18

Ме, Павел, медбӧрья кыввесӧ гижа аслам киӧн. Месянь тіянлӧ пым юӧр. Тӧдвыланыт видзӧ менчим Кристос понда пукалӧмӧс. Еныслӧн бурсетӧмыс ась лоас тіянкӧт быдӧнныткӧт! Аминь.

Филипын оліссезлӧ 4:14

Тійӧ эд бурӧ керит: кокньӧтіт менчим мырсьӧмӧс сьӧкыт кадӧ.

Ефесын оліссезлӧ 6:20

Висьтасьны менӧ ыстіс Кристосыс, ӧні ме сы понда и пукала. Кеймӧ, медбы ме повтӧг верми висьтасьны Бур Юӧрсӧ, кыдз колӧ.

Ефесын оліссезлӧ 3:1

Ме, Павел, Кристос Исуслӧн раб, сійӧн и пукала тіян понда, ентӧдтӧм отир.

Ап. керӧммез 20:23

Вежа Лолыс тай быд карын висьталӧ: пуксьӧтӧм да пессьӧм-мырсьӧм пӧ видзчисьӧ менӧ.

1 Иоан 3:14

Мийӧ тӧдам: мийӧ кулӧмсис вуджим оланас. Мийӧ радейтам воннэзнымӧс. Мортыс оз кӧ радейт вонсӧ, сія кольччӧ кулан выныс кипод увтын.

2 Петра 1:13

Эта вывтырись лолӧ петтӧдз ме тіянлӧ ог сет сунасьны, казьмӧтлӧммезнам саймӧта. Ме шуа, меным сідз и колӧ керны.

1 Петра 4:13

Тіян вылӧ усьӧ Кристосыслӧн пессьӧм-мырсьӧмыс, сысянь гажмӧ. Тійӧ эд ёна пондат гажӧтчыны, кӧр мыччисяс Сылӧн югьялӧмыс.

Еврейезлӧ 3:1

Воннэзӧ, тійӧ ─ вежа отир, енӧжись Енӧн корӧммез. Видзӧтӧ Енлӧн Ыстӧм вылӧ, миян Аркирей Кристос Исус вылӧ, Кӧдалӧ мийӧ веритам.

2 Тимофейлӧ 1:8

Сідзкӧ, ась оз ло тэныт рожа кулян висьтасьны Дӧсвидзись Кристос Исусным йылісь. Ась оз ло тэныт рожа кулян и тӧдчыны мекӧт, Кристос понда пукаліськӧт. Еныс вынӧн пессьы-мырсьы да висьтась Кристослісь Бур Юӧрсӧ.

1 Фессалоникаын оліссезлӧ 5:5

Тійӧ быдӧнныт югытлӧн да лунлӧн челядь. Мийӧ абу пемытлӧн да ойлӧн челядь.

Колосын оліссезлӧ 4:3

Кеймӧ и миян понда. Еныс ась осьтӧ ыбӧссэсӧ, медбы вермим висьтасьны Енлісь Кывсӧ, Кристос йылісь тӧдлытӧмсӧ. Ӧні ме эд сы понда и пукала.

Ефесын оліссезлӧ 4:1

Ме, Дӧсвидзись понда пукалісь, кеймися тіянлӧ: олӧ сідз, кыдз колӧ овны Енлӧн корӧммезлӧ.

Галатияын оліссезлӧ 5:6

Вундыштыштӧм тэ, абу я, Кристос Исускӧт ӧтлаасьӧммеслӧ сія нем оз сет. Эстӧн медколанаыс веритӧм, кӧда тыдалӧ радейтӧм пыр.

2 Коринфын оліссезлӧ 3:2

Миян гижӧтыс ─ тійӧ, гижӧмась миян сьӧлӧммезын. Тіянӧс быд мортыс вермӧ тӧдны, жыв гижӧтсӧ лыддьӧтӧ.

1 Коринфын оліссезлӧ 13:7

Радейтӧмыс быдӧс терпитӧ, оз дугды веритны, пыр видзчисьӧ бурсӧ, сы вылӧ быд сьӧкыт локтӧмсӧ нуӧтӧ.

1 Коринфын оліссезлӧ 9:23

Быдӧс этӧ кера Бур Юӧр понда, медбы и ме вылын вӧлі сылӧн бласлӧвитӧмыс.

Ап. керӧммез 21:33

Сюрс воинӧн веськӧтлісьыс сибӧтчис, кутіс Павелсӧ да тшӧктіс дорны кык цепӧн. Сія юасис: «Кин сія? Мый сія керис?»

1 Петра 5:1

Гижа вичкуын веськӧтліссезлӧ. Ме и ачым тіян кодь веськӧтлісь. Ачым адззылі Кристослісь пессьӧм-мырсьӧмсӧ. Ме лоа Сыкӧт ӧтлаын югьялӧмас, кӧда чожа оссяс. Ме кеймися тіянлӧ:

Филипын оліссезлӧ 1:12

Воннэзӧ, тӧдӧ, висьтала тіянлӧ: мекӧт эта лоӧмыс отсалӧ унажыклӧ висьтасьны Бур Юӧрсӧ.

Филипын оліссезлӧ 1:13

Ме эстӧн пукала Кристосыс понда. Эта йылісь пондісӧ тӧдны ӧксуыслӧн воиннэс да и уна мӧдіккез.

Филипын оліссезлӧ 1:14

Менам пукалӧм кузя унажык воннэзлӧн Дӧсвидзисьлӧ веритӧмныс вынсяліс. Нія повтӧг пондісӧ ӧддьӧнжык висьтасьны Еныслісь Кывсӧ.

Филипын оліссезлӧ 2:22

Тимофейыслісь уджалӧмсӧ тійӧ эд тӧдат. Бур Юӧрсӧ висьтасьӧмӧ коста сія меным отсасис зон моз.

Филипын оліссезлӧ 4:3

Ме кора и тэнӧ, мекӧт сьӧлӧмсянь уджалісь вонӧ, отсав нылӧ. Климентыскӧт да мӧдік уджаліссескӧт Бур Юӧрсӧ висьтасьӧмным коста сойезным пыр отсалісӧ миянлӧ. Нылӧн быдӧнныслӧн эд ниммезныс гижӧмась Олан небӧгас.

Филипын оліссезлӧ 4:15

Филипын оліссез, тійӧ тӧдат: уджӧс пондӧтікам ме петі Македонияись. Сы коста ӧтік вичку меным эз отсав сьӧмнас, дзир тійӧ ӧтнаныт.

Филимонлӧ 1:13

Ме сійӧ мӧді кольны дынам, медбы сія тэ туйӧ вермис меным отсасьны Бур Юӧрсӧ висьтасьӧм понда пукалӧмӧ коста.