Филипын оліссезлӧ 1:20 - Бур Юӧр 2019

²⁰ Ме быд вынісь надейтча: меным немись оз понды ковны гӧрдӧтны, и ӧні ме верма, кыдз и пыр, овны повтӧг. Понда овны али кула, ме аслам вывтырӧн вая ошкӧмсӧ Кристослӧ.

Филипын оліссезлӧ 1:20 Referans Kwoze

1 Петра 4:16

Ковсяс кӧ тіянлӧ пессьыны-мырсьыны кыдз Кристос отирлӧ, то эдӧ гӧрдӧтӧ, а ошкӧ Енсӧ.

1 Коринфын оліссезлӧ 6:20

Тіянӧс небӧм понда уна сетӧм. Сійӧн асланыт лолӧн, вывтырӧн вайӧ Еныслӧ ошкӧмсӧ. Тійӧ эд быдсӧн Еныслӧн.

1 Фессалоникаын оліссезлӧ 5:23

Лӧньсӧ сетісь Еныс ась керас тіянӧс быдсӧн вежаэзӧн. Дӧсвидзись Кристос Исусным локтік кежӧ ась видзас тіянӧс сӧстӧммезӧн: и ловнытӧ, и оланнытӧ, и вывтырнытӧ.

1 Иоан 2:28

Челядь, сідзкӧ олӧ Кристоскӧт ӧтлаасьӧмӧн, медбы Сы локтӧм коста мийӧ вермим повтӧг сувтны Сы одзӧ и Сы одзын эз ковсьы гӧрдӧтны.

Филипын оліссезлӧ 2:17

Ме уджала тіян веритӧм понда. И ковсяс кӧ меным тіян понда нельки кисьтны ассим вирӧс да вайны ачымӧс езъялан козин туйӧ, ме и сэк гажма. Понда гажӧтчыны тіянкӧт ӧтлаын.

Римын оліссезлӧ 8:19

Быдӧс аркмӧтӧмыс оз ни вермы видзчисьны, кӧр Еныс мыччалас Ассис челядьсӧ.

2 Коринфын оліссезлӧ 10:8

Меным эз бы вӧв рожа кулян, кӧбы понді ошшасьны миянлӧ сетӧм юралан вынӧн. Сійӧ юралан вынсӧ миянлӧ сетіс Дӧсвидзисьыс, медбы тіянӧс вынсьӧтны, а не разьны.

2 Коринфын оліссезлӧ 4:10

Вывтыраным мийӧ пыр новйӧтам Дӧсвидзись Исуслісь кулӧмсӧ, медбы и оланыс Сылӧн тыдаліс миян вывтырын.

1 Коринфын оліссезлӧ 7:34

Жӧниктӧмыс тӧждісьӧ Дӧсвидзисьыс понда, кыдз керны Сы сьӧрті. Тӧждісьӧ сӧстӧма видзны вывтырсӧ, ловсӧ. А инь тӧждісьӧ му вылісьыс понда, медбы керны жӧникыс сьӧрті.

Римын оліссезлӧ 5:5

Мийӧ огӧ видзчисьӧ бурсӧ весись. Еныс эд сетіс миянлӧ Вежа Ловсӧ да Сы пыр кисьтіс миян сьӧлӧммезӧ Ассис радейтӧмсӧ.

Колосын оліссезлӧ 1:24

Ӧні, тіян понда пессьӧмӧ коста, менам сьӧлӧм вылам гаж. Му вылас менам пессьӧм-мырсьӧмӧ лоӧ содтӧтӧн Кристослӧн пессьӧм-мырсьӧм дынӧ. Ме мырся Кристослӧн вывтыр понда, а Сылӧн вывтырыс ─ вичкуыс.

Римын оліссезлӧ 12:1

Воннэзӧ, Еныс миян дынӧ небыт сьӧлӧма. Сійӧн кора тіянӧс: быдсӧн вывтырнаныт сетӧ асьнытӧ Еныслӧ ловья да вежа езъялан козин туйӧ. Сія козиныс Еныс сьӧрті. Сідз тійӧ бур мывкыдӧн вермат керны Сылісь вежа уджсӧ.

Филипын оліссезлӧ 1:14

Менам пукалӧм кузя унажык воннэзлӧн Дӧсвидзисьлӧ веритӧмныс вынсяліс. Нія повтӧг пондісӧ ӧддьӧнжык висьтасьны Еныслісь Кывсӧ.

2 Коринфын оліссезлӧ 7:14

Ме Титыс одзын ошки тіянӧс и меным сы понда эз ковсьы гӧрдӧтны. Мийӧ эд тіян одзын эгӧ висьталӧ ӧтік бӧбӧтана кыв. Сідз и Титыслӧ миян ошшасьӧмным эз вӧв бӧбӧтчӧм.

2 Коринфын оліссезлӧ 5:15

Быдӧнныс понда куліс Кристосыс, медбы оліссес эзӧ ни олӧ ас пондасиныс, а олісӧ Кристосыс понда. Сія эд ны понда куліс да ловзис.

1 Коринфын оліссезлӧ 15:31

Воннэзӧ, висьтала быльсӧ: ме ошшася тіянӧн Дӧсвидзись Кристос Исус одзын. И сія быль: ме быд лун кулӧм одзын.

Римын оліссезлӧ 9:33

Эта йылісь Гижӧтас сідз висьталӧм: ─ Сион вылас сувтӧта падмӧтан из. Сэтчӧ унаӧн чужйисясӧ. Сы кузя унаӧн усясӧ. А быд мортлӧ, кин Сылӧ веритӧ, оз понды ковны гӧрдӧтны.

Римын оліссезлӧ 6:19

Ме баита быд лунся сёрниӧн умӧля вежӧртӧмныт кузя. Одзжык тійӧ лэдзліт вывтырсиныт быд торлӧ керны умӧльсӧ, сэрпӧсьсӧ да ковтӧмсӧ. Ӧні вывтырсиныт быд торныт ась олӧ Ен сьӧрті веськыта да керӧ вежа уджсӧ.

Римын оліссезлӧ 6:13

Вывтырсиныт ӧтік торлӧ эд лэдзӧ керны умӧльсӧ. Тійӧ эд кулӧммезісь ловзьӧмӧсь. Асьнытӧ быдсӧн сетӧ Еныслӧ. Вывтырсиныт быд торныт ась керӧ Ен сьӧрті веськыта.

Ап. керӧммез 21:13

Сэк Павелыс висьталіс: «Мый тійӧ керат? Мый горзат? Мыйлӧ сьӧлӧмӧс дойдат? Кутӧмсис да пуксьӧтӧмсис ме ог пов, лӧсьӧтчи нельки кувны Ерусалимас Дӧсвидзись Исус ним понда».

Ап. керӧммез 20:24

Ме эд нем вылӧ ог видзӧт, ог видзсьы оланӧ бердӧ. Дзир гаж сьӧлӧмӧн бы медбӧрӧдз мунны олан туйӧс да ештӧтны Дӧсвидзись Исуссянь босьтӧм уджӧс: висьтасьны Енлӧн бурсетӧм йылісь Бур Юӧрсӧ.

Иоан 21:19

Исусыс сідз висьталіс одзланьсясӧ: кыдз Петраыс аслас кулӧмӧн ваяс ошкӧмсӧ Еныслӧ. Сідз висьталӧм бӧрын шуис: «Лок Ме бӧрсянь!»

Ап. керӧммез 4:31

Ӧксьӧммеслӧн кеймӧм бӧрсянь ӧксяніныс зэгаліс. Быдӧнныс тырисӧ Вежа Лолӧн да повтӧг висьтасисӧ Енлісь Кывсӧ.

2 Коринфын оліссезлӧ 3:12

Пырсясӧ мийӧ надейтчӧмӧн видзчисям, сійӧн керам сетӧм уджсӧ повтӧг.

2 Коринфын оліссезлӧ 7:4

Ме надейтча тіян вылӧ да ошшася тіянӧн. Ёна тӧждісьӧмным коста тійӧ менӧ вынсьӧтіт, и ме ӧддьӧн гажми.