Филипын оліссезлӧ 1:18 - Бур Юӧр 2019

¹⁸ Мый меным сэтісь, кытшӧм могӧн нія висьтасьӧны Кристосыс йылісь: асьнысӧ мыччалӧм могись, сӧстӧм сьӧлӧмсянь я? Кристосыс йылісь юӧрыс эд паськалӧ. Меным сысянь гаж, да и одзлань понда гажӧтчыны.

Филипын оліссезлӧ 1:18 Referans Kwoze

Лука 9:50

Исусыс сылӧ висьталіс: «Эд падмӧтӧ: кин тіян вылӧ оз лэбтісь, сія тіян дор».

1 Коринфын оліссезлӧ 15:11

Сідзкӧ, мый сэтісь, ме али нія висьтасьӧны? Мийӧ эд ӧтік йылісь висьтасям, и тійӧ пондіт веритны.

1 Коринфын оліссезлӧ 14:15

Мый нӧ сэк керны? Понда кеймыны ловнам, понда кеймыны и вежӧрнам. Понда сьывны ловнам, понда сьывны и вежӧрнам.

Марк 12:40

Нія куштӧны дӧваэзлісь керкуэсӧ да асьнысӧ мыччалӧм могись дыр кеймӧны. Суд Лунас нія лоасӧ ӧддьӧн сьӧкыта мыжйӧмӧсь».

Матвей 23:13

«Ӧддьӧн умӧль лоас тіянлӧ, Туйдӧтӧ велӧтіссез да фарисейез! Ылӧтлісь отир! Енӧжись Юраланінӧ пыранінсӧ тійӧ отирыс одзын пӧдналат. Тійӧ асьныт одӧ пырӧ, и кин мӧдіс пырны, сійӧ одӧ лэдзӧ.

1 Коринфын оліссезлӧ 10:19

Мый ме этӧн мӧда висьтавны? Ас керӧм еныс да сылӧ вайӧм сёяныс ваясӧ разь мыйкӧ бурсӧ?

Римын оліссезлӧ 6:15

Ӧні мийӧ олам Енлӧн бурсетӧмӧн, мийӧ абу Туйдӧт увтын. Мый сэк, пондам я керны умӧльсӧ? Огӧ пондӧ.

Римын оліссезлӧ 3:9

Мый нӧ сэк петӧ? Мийӧ, иудейес, мӧдіккезся буржыкӧсь? Абу эд. Мийӧ эта одзын висьталім тай: иудейес да и мӧдік отирыс быдӧнныс умӧль керӧмыс кипод увтын.

Лука 9:45

Нія висьталӧмсӧ эзӧ вежӧртӧ, сія эд нылӧ вӧлі пӧдана. Сылӧн висьталӧмыс эз лок ны дынӧдз. Юавны жӧ висьталӧмыс йылісь полісӧ.

Филипын оліссезлӧ 1:19

Ме эд тӧда: тіян кеймӧмныт да Кристос Исуслӧн Лолыс меным отсаласӧ мезмыны.