Филипын оліссезлӧ 1:17 - Бур Юӧр 2019

¹⁷ Мӧддэс юӧртӧны, радейтӧны да. Нія эд тӧдӧны: ме эстӧн пукала Бур Юӧрсӧ дорйӧмӧ понда.

Филипын оліссезлӧ 1:17 Referans Kwoze

Филипын оліссезлӧ 2:3

Нем эдӧ керӧ асьнытӧ мыччалӧм-лэбтӧм могись. Рам сьӧлӧмсянь мӧдікӧс пуктӧ асся вылынжыка.

Филипын оліссезлӧ 1:7

Меным сідз и колӧ тіянӧс быдӧннытӧ видзны юрам. Кристосыс понда пукавтӧнням пыр тіянӧс видза сьӧлӧмам. Тійӧ мекӧт и сэк, кӧр ме дорья Бур Юӧрсӧ да Сійӧ висьтасикам отирсӧ веритӧмӧдз вайӧта. Сідз жӧ мекӧт ӧтлаын босьтат и Еныслісь бурсетӧмсӧ.

2 Тимофейлӧ 4:16

Медодзза суд вылас, кӧр ме дорйи ачымӧс, мекӧт некин эз вӧв. Менӧ быдӧнныс колисӧ. Ась озӧ пуктӧ сійӧ нылӧ умӧль керӧмӧ.

1 Тимофейлӧ 2:7

Сійӧн Еныс менӧ сувтӧтіс Бур Юӧр висьтасисьӧн да апостолӧн. Быд кыв вылын баитісь отирсӧ ме велӧта быляс да вайӧта веритӧмӧдз. Этӧ ме веськыта висьтала, ог бӧбӧт.

Ап. керӧммез 26:24

Сідз Павелыс дорйис асьсӧ. Сэк Фестыс горӧн висьталіс: «Павел, тэ бӧбсорӧн баитан! Уна велӧтчӧмыт тэнӧ бӧбмытӧдз вайӧтӧ».

Ап. керӧммез 26:1

Агриппаыс висьталіс Павелыслӧ: «Тэ верман ас йывсит висьтасьны». Сэк Павелыс лэбтіс кисӧ да асьсӧ дорйӧм могись пондіс баитны:

Ап. керӧммез 22:1

Павелыс пондіс баитны: «Айез, воннэз! Ӧні кывзӧ тіян одзын дорйисян кылӧс».

Лука 21:14

Юраныт одзлань эд видзӧ, кыдз пондат асьнытӧ дорйыны.

Римын оліссезлӧ 2:8

А лёкыс да лӧгыс дӧнзясӧ асьнысӧ вылына лэбтіссеслӧ. Нія озӧ кывзісьӧ Еныслісь быльсӧ, лэдзчисьӧмась ылӧтчыны.

Филипын оліссезлӧ 1:18

Мый меным сэтісь, кытшӧм могӧн нія висьтасьӧны Кристосыс йылісь: асьнысӧ мыччалӧм могись, сӧстӧм сьӧлӧмсянь я? Кристосыс йылісь юӧрыс эд паськалӧ. Меным сысянь гаж, да и одзлань понда гажӧтчыны.

2 Тимофейлӧ 2:9

Бур Юӧрыс понда ме ӧні и песся-мырся, лёк керись моз пукала домӧттэзын. Но Еныслісь Кывсӧ оз позь домавны.