Ап. керӧммез 1:3 - Бур Юӧр 2019

³ Кулӧм бӧрас Исусыс Аслас велӧтчиссезлӧ унаись мыччасьӧмнас сетіс тӧдны: Сія былись ловзис. Нёльдас лун сьӧрна мыччасьӧммес коста Исусыс висьтасис нылӧ Енлӧн Юралӧм йылісь.

Ап. керӧммез 1:3 Referans Kwoze

Ап. керӧммез 13:31

Уна лун сьӧрна Сія мыччасьліс Галилеясянь Ерусалимӧ Сыкӧт тшӧтш локтіссезлӧ. Нія ӧні Исусыс йылісь висьтасьӧны Израиль отирлӧ.

Иоан 20:26

Чулаліс кыкьямыс лун. Исуслӧн велӧтчиссес бӧра ӧксисӧ керкуӧ. Ныкӧт вӧлі и Фомаыс. Керку ыбӧссэс вӧлісӧ пӧданаӧсь. Сэтчӧ локтіс Исусыс, сувтіс ны коласӧ да шуис: «Лӧнь олан тіянлӧ!»

1 Иоан 1:1

Мийӧ висьтасям сы йылісь, мый вӧлі одззасянь, мый мийӧ кылім, мый адззылім асланым синнэзӧн, мый видзӧтім, мый бердӧ киэзнаным павкӧтчылім. Висьтасям Олан Кыв йылісь.

Иоан 21:14

Сэтӧн Исусыс куимӧтісь мыччасис велӧтчиссеслӧ ловзьӧм бӧрас.

Иоан 21:1

Сыбӧрын Исусыс бӧра мыччасис Аслас велӧтчиссезлӧ Тивериада ты дорын.

Матвей 28:9

Велӧтчиссез дынӧ мунтӧн видзчисьтӧг нылӧ пантасис Исусыс. Сія шуис: «Лӧнь олан тіянлӧ!» Нія сибӧтчисӧ, уськӧтчисӧ Сы одзӧ да кутчисисӧ коккез бердас.

Ап. керӧммез 28:31

Сія повтӧг висьтасис Енлӧн Юралӧм йылісь да Дӧсвидзись Кристос Исус йылісь. Сійӧ эзӧ падмӧтӧ.

1 Фессалоникаын оліссезлӧ 2:12

Мийӧ тіянӧс туйдӧтім, ӧзйӧтім, кеймисьӧмӧн корим овны сідз, кыдз колӧ Енлӧ. Сія тіянӧс корӧ эд Аслас Юраланінӧ да югьяланінӧ.

Колосын оліссезлӧ 1:13

Пемытыс ыждаліс миян вылын, а Еныс миянӧс мездіс да пыртіс Аслас дона Зонлӧн Юраланінӧ.

Римын оліссезлӧ 14:17

Енлӧн Юралӧмыс эд абу сёян да юан. Сія эд Вежа Ловсянь Ен сьӧрті веськыта олӧм, лӧнь да гаж.

Матвей 21:43

Сійӧн ме тіянлӧ висьтала: Енлісь Юралӧмсӧ тіянлісь мырддясӧ. Сійӧ сетасӧ отирлӧ, кӧдна вайӧны Ен Юралӧмлісь воӧмсӧ.

Матвей 4:2

Исусыс кӧслуналіс нёльдас лун, нёльдас ой да ӧддьӧн тшыгьяліс.

Матвей 3:2

Сія юӧртіс: «Бергӧтчӧ умӧль керӧммезныт дынісь! Енӧжись Юралӧмыс эд матын ни».

Марк 16:19

Сідз висьталӧм бӧрын Дӧсвидзисьыс лэбтісис енӧжӧ да пуксис Енкӧт веськыт ладорас.

Ап. керӧммез 8:12

Филипыссянь отирыс кылісӧ Енлӧн Юралӧм йылісь да Кристос Исус йылісь Бур Юӧрсӧ. Филипыслӧ веритісӧ да ай-инь йӧз быдӧнныс пыртчисӧ.

Ап. керӧммез 19:8

Павелыс локтіс синагогаӧ. Сія куим тӧлісь сьӧрна сёрнитіс отиркӧт: повтӧг висьтасис, велӧтіс-осьтіс Енлӧн Юралӧм йылісь.

Ап. керӧммез 28:23

Иудейес висьталісӧ сылӧ пантасян лун. Сія лунӧ унаӧн локтісӧ Павеллӧн олан керкуӧ. Павелыс асывсянь рытӧдз нылӧ висьтасис Енлӧн Юралӧм йылісь велӧтӧмсӧ. Осьтіс нылӧ Моисейлӧн Туйдӧт сьӧрті да Енсянь юӧртіссез сьӧрті Исус йылісь гижӧмсӧ.