2 Тимофейлӧ 4:16 - Бур Юӧр 2019

¹⁶ Медодзза суд вылас, кӧр ме дорйи ачымӧс, мекӧт некин эз вӧв. Менӧ быдӧнныс колисӧ. Ась озӧ пуктӧ сійӧ нылӧ умӧль керӧмӧ.

2 Тимофейлӧ 4:16 Referans Kwoze

Ап. керӧммез 7:60

Сія усис пидзӧссэз вылас да горӧтіс: «Эн вайӧт ны вылӧ этӧ лёк керӧмнысӧ». Сідз висьталӧм бӧрын Стефаныс куліс.

Иоан 16:32

Локтӧ кад, да и эта кадыс локтіс ни. Тійӧ рознитчат, Менӧ ӧтнамӧс колят. Но Ме абу ӧтнам, Айӧ эд Мекӧт.

Марк 14:50

Сэк быдӧнныс колисӧ Исуссӧ да пышшисӧ.

1 Петра 3:15

Асланыт сьӧлӧммезын Енсӧ лыддьӧ вежа Дӧсвидзисьӧн. Кин юалас кӧ надеяныт йылісь, пыр лоӧ лӧсьӧтчӧмӧсь мортыслӧ висьтавны очакыв. Баитӧ рама видзсьӧмӧн, Енсис полӧмӧн.

2 Тимофейлӧ 4:10

Димас тай сьӧлӧмнас лякасис му вылас олӧм бердӧ. Сія менӧ колис, муніс Фессалоникаӧ. Крискент муніс Галатияӧ, Тит ─ Далматияӧ. Мекӧт дзир Лукаыс.

2 Тимофейлӧ 1:15

Тэ тӧдан, Асиясис веритіссес быдӧнныс ме дынісь бергӧтчисӧ, нельки и Фигелл Ермогенкӧт.

Филипын оліссезлӧ 1:17

Мӧддэс юӧртӧны, радейтӧны да. Нія эд тӧдӧны: ме эстӧн пукала Бур Юӧрсӧ дорйӧмӧ понда.

Филипын оліссезлӧ 1:7

Меным сідз и колӧ тіянӧс быдӧннытӧ видзны юрам. Кристосыс понда пукавтӧнням пыр тіянӧс видза сьӧлӧмам. Тійӧ мекӧт и сэк, кӧр ме дорья Бур Юӧрсӧ да Сійӧ висьтасикам отирсӧ веритӧмӧдз вайӧта. Сідз жӧ мекӧт ӧтлаын босьтат и Еныслісь бурсетӧмсӧ.

2 Коринфын оліссезлӧ 7:11

Тіянӧс гажтӧмыс кутіс Еныс понда. Видзӧтӧ, мый сія аркмӧтіс тіянын: тійӧ вынсьӧтчит асьнытӧ дорйыны, умӧльсӧ керисьыс вылӧ быдӧнныт лӧгасит. Тійӧ повзит, пондіт тӧждыны, видзчисит пантасьны миянкӧт да быдӧсын мыччаліт: тійӧ ─ сӧстӧмӧсь.

1 Коринфын оліссезлӧ 9:3

Этадз ачымӧс дорья ме вылӧ умӧльсӧ баитіссез одзын.

Ап. керӧммез 25:16

Ме нылӧ висьталі: Рим отир бӧрйисьтӧг мортсӧ вийны озӧ сетӧ. Морт вылӧ баитіссеслӧ колӧ баитны мортыс одзын. А мортыс суд вылас асьсӧ вермас дорйыны.

Ап. керӧммез 22:1

Павелыс пондіс баитны: «Айез, воннэз! Ӧні кывзӧ тіян одзын дорйисян кылӧс».

Лука 12:11

Кӧр тіянӧс вайӧтасӧ синагогаэзӧ, юраліссез да веськӧтліссез одзӧ, эдӧ тӧждісьӧ, кыдз пондат асьнытӧ дорйыны, мый пондат баитны.

1 Коринфын оліссезлӧ 13:5

Сія оз мыччав умӧль мывкыдсӧ, оз тӧждісь дзир ас пондасис, оз лӧгась, умӧльсӧ оз касьтывлы,

2 Тимофейлӧ 4:15

Сія ёна паныт сувтӧ миян кыввезлӧ. Сыкӧт и тэ видзсьы видзӧтчӧмӧн.