2 Тимофейлӧ 3:15 - Бур Юӧр 2019

¹⁵ Да тэ и челядь кадсянь ни тӧдан Вежа Гижӧттэсӧ. Нія мывкыдсьӧтасӧ тэнӧ мезмыны Кристос Исуслӧ веритӧмыт пыр.

2 Тимофейлӧ 3:15 Referans Kwoze

Лука 24:45

Сія велӧтіс нійӧ вежӧртны Вежа Гижӧттэзын висьталӧмсӧ.

Лука 24:27

Сэк Исусыс Моисейлӧн да Енсянь юӧртіссезлӧн гижӧттэзсянь пондӧтчӧмӧн вежӧртӧтіс нійӧ, мый Сы йылісь гижӧм быдӧс Вежа Гижӧттэзын.

Матвей 22:29

Исусыс нылӧ висьталіс: «Енлісь вынсӧ да Вежа Гижӧттэсӧ тійӧ одӧ тӧдӧ, сійӧн мӧдӧрӧ и ылалат.

2 Тимофейлӧ 1:5

Касьтывла тэнчит сьӧлӧмсянь веритӧмтӧ. Сідз веритісӧ тэнат Лоида бабыт да Евника мамыт. Тӧда, и тэ веритан ны моз.

Лука 2:40

Кагаыс зорамис, вынсяліс ловнас, мывкыдсяліс. Енлӧн бурсетӧмыс вӧлі Сы вылын.

Римын оліссезлӧ 1:2

Сійӧ Юӧрсӧ Еныс одзжык кӧсйӧм вӧлі Аслас юӧртіссез пыр. Нылӧн висьтавлӧммес гижӧмась Вежа Гижӧттэзын.

Ап. керӧммез 10:43

Енсянь юӧртіссес быдӧнныс висьтавлӧмась Исусыс йылісь: "Быдӧнныслӧн, кӧдна веритӧны Исуслӧ, умӧль керӧммезныс Исусыс нимӧн лоасӧ проститӧмӧсь"».

Лука 24:32

Сэк нія висьталісӧ ӧтамӧдныслӧ: «Туй вылӧттяс мунтӧн Сылӧн баитӧмыс эз разь вӧрзьӧт миянлісь сьӧлӧммезнымӧс Вежа Гижӧтсӧ вежӧртӧтӧм коста?»

Ап. керӧммез 17:2

Павел одззамоз пырис синагогаас. Куим шоччисян лун сьӧрна сія отирыслӧ баитіс Вежа Гижӧттэз сьӧрті.

Осьтӧм 19:10

Сэк ме уськӧтчи сылӧ коккезас копыртчыны. Сія меным висьталіс: «Видзӧт, эн кер сідз! Ме эд Енлӧн уджалісь, кыдз тэ да тэнат воннэт, кӧдна висьтасьӧны Исусыс йылісь. Еныслӧ копыртчы! Исусыс йылісь висьтасиссес эд баитӧны Енсянь юӧртан Ловсянь».

Ап. керӧммез 13:29

Сы йылісь быдӧс гижӧмсӧ нія керисӧ. Лэдзисӧ Сійӧ пу вывсис да пуктісӧ дзебсянінӧ.

2 Петра 3:16

Эта йылісь сія быд гижӧтын баитӧ. Сы гижӧттэзісь мукӧдсӧ сьӧкыт вежӧртны. Етша тӧдіссес да етшаӧ велалӧммес сійӧ гижӧмсӧ бергӧтӧны мӧдӧрӧ. Нія и мӧдік Вежа Гижӧттэзкӧт сійӧ керӧны. Сідз асланыс юр вылӧ кулӧмсӧ вайӧтӧны.

Лука 1:15

Ыджыт морт сія лоас Дӧсвидзись одзын. Оз понды юны вина да кодззӧтан юаннэз. Мам кынӧмсянь сія лоас тырӧм Вежа Лолӧн.

Иоан 5:47

Тійӧ одӧ кӧ веритӧ сы гижӧттэзын висьталӧмӧ, кыдз сэк пондат веритны Менам кыввезӧ?»

Ап. керӧммез 16:1

Павел локтіс Дервия да Листра каррезӧдз. Листраын вӧлі Тимофей нима велӧтчись. Мамыс сылӧн вӧлі иудей отирись, Кристослӧ веритісь морт. Айыс сылӧн вӧлі грек.

Ап. керӧммез 26:24

Сідз Павелыс дорйис асьсӧ. Сэк Фестыс горӧн висьталіс: «Павел, тэ бӧбсорӧн баитан! Уна велӧтчӧмыт тэнӧ бӧбмытӧдз вайӧтӧ».

Римын оліссезлӧ 2:27

Мортыс абу вундыштыштӧм, а олӧ Туйдӧтыс сьӧрті. Тэ тай колан кадӧ вундыштыштӧм, тӧдан Туйдӧтсӧ, а ачыт он ов сы сьӧрті. Оз я вермы сія мортыс осудитны тэнӧ?

1 Коринфын оліссезлӧ 1:21

Му вылісь отирыс асланыс мывкыдӧн эзӧ вежӧртӧ Еныслісь мывкыда керӧмсӧ. Сэк Еныслӧ ковсис висьтасьӧм юӧр пыр мездыны нійӧ, кӧдна веритасӧ. А отирыс шуӧны, сія юӧрыс пӧ бӧбсорӧн баитӧм.

Ефесын оліссезлӧ 6:4

Айез, ассиныт челядьнытӧ эд лӧгӧтлӧ. Быдтӧ нійӧ Дӧсвидзисьыс сьӧрті велӧтӧмӧн да туйдӧтӧмӧн.

1 Тимофейлӧ 4:13

Локтытӧдззам лыддьӧт Вежа Гижӧттэсӧ, веритіссесӧ велӧт да туйдӧт.

2 Тимофейлӧ 1:1

Гижӧ Павел, Кристос Исуслӧн апостол. Апостолнас менӧ сувтӧтіс Еныс, медбы висьтасьны отирыслӧ оланыс йылісь, кӧдӧ Сія кӧсйис. Эта оланыс ─ Кристос Исускӧт ӧтлаасьӧмын.