2 Тимофейлӧ 2:7 - Бур Юӧр 2019

⁷ Вежӧрт менчим висьталӧмӧс. Дӧсвидзисьыс ась отсалӧ тэныт быдӧс вежӧртны.

2 Тимофейлӧ 2:7 Referans Kwoze

Яков 1:5

Кинлӧнкӧ тіян коласісь оз кӧ тырмы мывкыдныт, корӧ Еныслісь. Сія сетас. Еныс эд сетӧ ӧмавтӧг быд корисьлӧ.

1 Иоан 5:20

Мийӧ тӧдам: Еныслӧн Зоныс локтіс, югдӧтіс миянӧс да сетіс мывкыдсӧ, медбы пондім тӧдны былись Енсӧ да ӧтлаасим Сылӧн былись Зонкӧт, Кристос Исускӧт. Сія и эм эд былись Еныс да пырся оланыс.

Лука 24:45

Сія велӧтіс нійӧ вежӧртны Вежа Гижӧттэзын висьталӧмсӧ.

Иоан 14:26

Дорйисьыс ─ Вежа Лов. Сійӧ Айӧ ыстас Менам нимӧн. Вежа Лолыс велӧтас тіянӧс быдӧсӧ. Менчим быдӧс висьталӧмӧс Сія пондас уськӧтлыны тӧдвыланыт.

Яков 3:17

Вылісянь сетӧм мывкыдыс сӧстӧм, лӧнь, рам, кывзісьӧ, небыт сьӧлӧмсянь бурсӧ керӧ, оз лыддьы ӧтіккезӧс мӧддэзся буржыккезӧн, оз ылӧтлы.

1 Тимофейлӧ 4:15

Быдӧс эта йылісь тӧждісь, сы сьӧрті ов. Сэк быдӧнныс казяласӧ тэнчит кужӧм-вермӧмытлісь вынсялӧмсӧ.

Колосын оліссезлӧ 1:9

Эта йылісь кылӧм бӧрын мийӧ орӧттӧг кеймам тіян понда. Сія лунсянь корам, медбы тіян вӧлі Ловсянь мывкыд вежӧртны быдӧс, мый Еныс сьӧрті.

Иоан 16:13

Быльыслӧн Лолыс локтас да велӧтас тіянӧс быдӧс быляс. Сія оз понды баитны Ассяняс. Пондас баитны кылӧмсӧ да юӧртас одзланьсясӧ.

Лука 21:15

Ме сета тіянлӧ мывкыдсӧ да кывсӧ. Тіян вылӧ лэбтісиссеслӧ нем лоас висьтавны паныт, нія озӧ вермӧ тіянкӧт етшасьны.

Еврейезлӧ 13:7

Видзӧ тӧдвыланыт ассиныт велӧтіссезнытӧ, кӧдна висьтасисӧ тіянлӧ Енлісь Кывсӧ. Видзӧтӧ, кыдз нія олісӧ, да ны моз веритӧ.

Еврейезлӧ 12:3

Эд вынтӧмсялӧ, эд ӧшӧтӧ юрнытӧ. Видзӧ тӧдвыланыт Исуссӧ, Кӧдалӧ сымда сьӧкытыс усис умӧльсӧ кериссезсянь.

Еврейезлӧ 7:4

Адззат, кытшӧм вылына пуктӧмась Мелкиседексӧ. Сылӧ Авраам айным сетӧм дасӧт торсӧ, тышкасьӧм коста шедӧмись медбурсӧ.

Еврейезлӧ 3:1

Воннэзӧ, тійӧ ─ вежа отир, енӧжись Енӧн корӧммез. Видзӧтӧ Енлӧн Ыстӧм вылӧ, миян Аркирей Кристос Исус вылӧ, Кӧдалӧ мийӧ веритам.

Филипын оліссезлӧ 4:8

Воннэзӧ, медбӧрын кора, авйӧ дзир сы йылісь, мый быль, мый туйӧ, мый веськыта, мый сӧстӧм, мый морт сьӧлӧм сьӧрті да мыйсянь долыт. Авйӧ дзир сы йылісь, мыйсянь бур петӧ да мый понда позьӧ ошкыны.

1 Коринфын оліссезлӧ 12:8

Ӧтіклӧ Лолыс сетӧ мывкыда кыв, мӧдіклӧ ─ тӧдӧмӧн сёрнитӧм.

Ап. керӧммез 7:10

Сьӧкытісь-шогсьӧмись Еныс Ӧсипсӧ мездӧм. Еныс козьналӧм сылӧ мывкыд, сійӧн фараонлӧ, Египетісь ӧксулӧ, сія лоӧм сьӧлӧмви. Ӧксуыс Ӧсипсӧ сувтӧтӧм Египет муын да аслас керкуын юралісьӧн.

Яков 3:15

Сэтшӧм мывкыдыс абу сетӧм вылісянь. Сія му вылісь отирсянь да сэрпӧсь ловвезсянь.

Лука 9:44

«Босьтӧ тӧдвыланыт энӧ кыввесӧ: Морт Зонсӧ сетасӧ отир киэзӧ».

2 Тимофейлӧ 2:6

Да и ыб вылас уджалісьлӧ воӧмсис медодз аслыс колӧ босьтны, мымда колӧ.

2 Тимофейлӧ 2:8

Видз тӧдвылат Давид увтырись Кристос Исуссӧ, кулӧмись Ловзьӧмсӧ. Ме Сы йылісь висьтаси Бур Юӧрсӧ.