2 Тимофейлӧ 2:19 - Бур Юӧр 2019

¹⁹ Но Еныслӧн пуктӧм ён увтыс сулалӧ. Сы вылын сувтӧтӧм пас сэтшӧм кыввезӧн: «Еныс Ассис отирсӧ тӧдӧ» и «Дӧсвидзисьлісь нимсӧ быд висьтавлісьыс ась дугдӧ керны умӧльсӧ».

2 Тимофейлӧ 2:19 Referans Kwoze

Иоан 10:14

Ме ─ баляэз сьӧрын бур видзӧтісь: Ме тӧда Ассим баляэзӧс, а Менам баляэзӧ тӧдӧны Менӧ.

1 Коринфын оліссезлӧ 8:3

Кин радейтӧ Енсӧ, сійӧ Еныс тӧдӧ.

Лука 13:27

Сія сэк висьталас: "Тіянлӧ баита: кытісь тійӧ? Ог тӧд тіянӧс. Умӧльсӧ кериссез, мунӧ Ме дынісь быдӧнныт".

Галатияын оліссезлӧ 4:9

Ӧні тійӧ Енсӧ тӧдат. Буржык шуны, Еныс тӧдӧ тіянӧс. Мыйлӧ нӧ тійӧ бӧр бертат му вылісь ковтӧм выннэс дынӧ, кӧднасянь нем абу бурыс? Мыйлӧ бӧра мӧдат асьнытӧ домавны?

Осьтӧм 3:8

Ме тӧда тэнчит уджтӧ. То, Ме осьті тэ одзын ыбӧссӧ. Сійӧ некин оз вермы игнавны. Тэнат выныт абу и уна, а тэ видзсин Менам кыв сьӧрті. Тэ эн суськись Менӧ тӧдӧмись.

Осьтӧм 22:4

Нія казяласӧ Сылісь чужӧмсӧ. Еныслӧн нимыс лоас гижӧм нылӧн кымӧссэз выланыс.

Ефесын оліссезлӧ 4:30

Еныслісь Вежа Ловсӧ эд вайӧтӧ тӧждісьӧмӧдз. Вежа Лолыс ─ мездан лун кежӧ тіянлӧ сетӧм пас.

1 Коринфын оліссезлӧ 1:2

Гижам Коринфӧ Енлӧн вичкулӧ. Еныс корис тіянӧс лоны вежа отирӧн. Вежаэзӧн тійӧ лоит Кристос Исускӧт ӧтлаасьӧмсянь. Гижам и мӧдіккезлӧ, кӧдна быдлаын миян моз корӧны Дӧсвидзись Кристос Исуссӧ нимнас.

2 Петра 3:14

Сідзкӧ, донаэзӧ, видзчисьӧмныт коста вынсьӧтчӧ Сы одзӧ локны сӧстӧмӧсь, медбы тіян сайын эз ло некытшӧм умӧль керӧм, а сьӧлӧм выланыт вӧлі лӧнь.

2 Коринфын оліссезлӧ 7:1

Донаэзӧ, сымда бурсӧ Еныс кӧсйӧм миянлӧ сетны! Сідзкӧ, дзимлялам быдӧс, мый сэрпӧсьтӧ вывтырнымӧс да ловнымӧс. Пондам овны Енсис полӧмӧн, медбы миян оланным быдсӧн вӧлі вежа.

Осьтӧм 2:13

Ме тӧда: тэ олан сотаналӧн юралан пукӧс дынын. Ме тӧда тэнчит уджтӧ: тэ бура видзсян Менам ним бердӧ. Меным веритӧмись тэ эн суськись и нія луннэзӧ, кӧр тіянын, сотана оланінын, вийисӧ Антипсӧ, Менчим надейнӧй висьтасисьсӧ.

Матвей 7:23

Сэк Ме нылӧ висьтала: "Ме тіянӧс ог тӧд. Мунӧ Ме дынісь, умӧльсӧ кериссез!"».

Ефесын оліссезлӧ 3:15

Сія сетӧ ним быд увтырлӧ енӧжас да му вылас.

Римын оліссезлӧ 15:20

Ме эг керлы сетӧм уджӧс мӧдіккезӧн увтсӧ пуктӧм вылын. Бур Юӧрсӧ пыр висьтасьлі сэтчин, кытӧн Кристос ним йылісь эзӧ на кывлӧ.

Ап. керӧммез 15:17

Сэк пондасӧ кошшыны Дӧсвидзисьсӧ и мӧдік отирыс, быдпӧлӧс йӧзыс. Ме нійӧ шуа Аслам отирӧн. Сідз баитӧ быдӧс Аркмӧтісь Дӧсвидзисьыс,

Матвей 7:25

Кыдз ведра понісь зэрмис, юэс содісӧ, тӧввес ӧдззисӧ пӧльтны. Тӧвнырыс васӧ вайӧтіс сія керку вылӧ. Сылӧн керкуыс эз пӧр, сія эд из вылӧ лэбтӧм.

1 Иоан 2:19

Нія петісӧ миян дынісь, а миянкӧт ӧтдор нія эзӧ вӧлӧ. Вӧлісӧ бы нія мияніссезӧн, сэк кольччисӧ бы миянкӧт. Ны петӧм сьӧрті казялім: абу быдӧнныс миянкӧт ӧтвылісь.

Римын оліссезлӧ 12:9

Радейтӧмныт ась оз ло дзир мыччалӧм могись. Умӧльсӧ керӧм дынісь бергӧтчӧ, кутчисьӧ бурыс бердӧ.

Марк 13:22

Сэк локтасӧ отир, кӧдна асьнысӧ пондасӧ пуктыны Кристосӧ да Енсянь юӧртіссезӧ. Нія ыджыт пассэз да адззывлытӧммез пондасӧ керны, медбы и бӧрйӧммесӧ ылӧтны, вермасӧ кӧ.

Римын оліссезлӧ 9:11

Зонкаэс абу керӧмась бурсӧ, абу керӧмась умӧльсӧ, абу на вӧлі шогмӧмась да. Эшӧ сэк Еныс вӧлі висьталӧм Ревеккаыслӧ: «Ыджытжыкыс лоас учӧтжыкыс кипод увтын». Сідз висьталӧмнас Еныс мыччалӧм: бӧрйӧмыс Сы сайын. Сія мортсӧ оз кор сылӧн керӧммез сьӧрті, корӧ Аслас бӧрйӧм сьӧрті.

1 Тимофейлӧ 6:19

Сідз нія ӧктасӧ донася-донасӧ. Сія лоас одзланься кад кежас пуктӧм ён увтыс, медбы сюрны пырся оланас.

Римын оліссезлӧ 8:28

Мийӧ тӧдамӧ: Енсӧ радейтіссеслӧ, Сылӧн висьталӧм сьӧрті корӧммеслӧ, оланын быдӧс керсьӧ бур вылӧ.

Ап. керӧммез 9:14

Сія локтіс аркирейезсянь гижӧтӧн, медбы и татӧн вермис кутны Тэнӧ нимнат быд корисьсӧ».

Иоан 13:18

Ог висьтав быдӧнныт йылісь. Ме тӧда Ассим бӧрйӧммесӧ. Но ась лоас Вежа Гижӧтас висьталӧм сьӧрті: "Мекӧт няньсӧ сёйисьыс лэбтісис Ме вылӧ".

Матвей 24:24

Сія кадӧ локтасӧ асьнысӧ Кристосӧ да Енсянь юӧртіссезӧ пуктіссез. Нія ыджыт пассэз да адззывлытӧммез пондасӧ керны, медбы и бӧрйӧммесӧ ылӧтны, вермасӧ кӧ.

Ефесын оліссезлӧ 2:20

Тійӧ сувтӧтӧмӧсь сія увт вылын, кӧдӧ пуктісӧ апостоллэз да Енсянь юӧртіссез. Сійӧ быдӧс лэбтӧмсӧ видзан изыс ─ Ачыс Кристос Исусыс.

Римын оліссезлӧ 11:2

Эз коль Еныс Ассис отирсӧ. Сія эд одззасянь нійӧ вӧлі бӧрйӧм. Одӧ разь тійӧ тӧдӧ Вежа Гижӧтсӧ, сэтӧн Илляыс йылісь висьтасьӧмсӧ? Сія тай Израиль отирыс вылӧ норасьӧм Еныслӧ:

Лука 6:48

Сія керку лэбтісь морт кодь, кӧда керку лэбтанінсӧ гарйис-пыдынсьӧтіс изӧдз. Из вылас тэчис керку увтсӧ, лэбтіс керкусӧ. Ваыс паськаліс, локтіс сія керку вылӧ, эз вермы сійӧ вӧрзьӧтны. Керкуыс эд вӧлі лэбтӧм из вылӧ.

Римын оліссезлӧ 15:9

Сія локтіс и мӧдік отир понда, медбы и нія ошкисӧ Енсӧ нылӧ небыт сьӧлӧмсянь керӧм понда. Эта йылісь Вежа Гижӧтас тай висьталӧм: ─ Понда ошкыны Тэнӧ мӧдік отир коласын. Понда сьылӧтны Тэнчит нимтӧ.

Осьтӧм 21:14

Карыслӧн и йӧр увттэс вӧлісӧ лэбтӧмӧсь даскыка. Ны вылын вӧлісӧ гижӧмӧсь Дзельыслӧн даскык Апостоллӧн ниммез.

Еврейезлӧ 11:10

Авраамыс видзчисьӧм сэтшӧм кар, кӧдалӧн пуктӧм увтыс ён. Сэтӧн Лэбтісь-Лӧсьӧтісьыс ─ Еныс.

Матвей 28:19

Сідзкӧ, мунӧ, велӧтӧ быдӧс отирсӧ. Пыртӧ нійӧ Ай, Зон да Вежа Лов нимӧн.

Осьтӧм 17:8

Вӧрпаыс, кӧдӧ тэ адззылін, кӧркӧ вӧлі, но ӧні сія абу. Пыдӧстӧминсис сія лӧсьӧтчӧ петны. Сія петас да лоас вийӧм. Сэк му вылын оліссесӧ, кӧдналӧн ниммезныс быдӧс аркмӧтӧмсянь ӧнӧдз абу гижӧмӧсь Олан Небӧгас, вӧрпасӧ казялӧмсянь диво кутас. Сія эд кӧркӧ вӧлі, ӧні абу, да бӧра локтас.

Ап. керӧммез 11:26

Сэтӧн во гӧгӧр нія ӧксьывлісӧ веритіссескӧт да велӧтісӧ уна отирӧс. Антиокияас велӧтчиссесӧ медодз пондісӧ шуны Кристос отирӧн.

Иоан 3:33

Сылісь висьталӧмсӧ кывзісьыс мыччалӧ: Еныс быльсӧ висьталӧ.

1 Тимофейлӧ 3:15

падмӧтча кӧ локны, сэк тэ пондан тӧдны, кыдз да мый керны Еныс керкуын, ловья Енлӧн вичкуын. Вичкуыс вынсьӧтӧ-видзӧ Енлісь быльсӧ, кыдз видзан столб да ён увт вынсьӧтӧны-видзӧны керкусӧ.

Марк 12:16

Нія вайисӧ динарий. Исусыс юаліс: «Кинлӧн сы вылын чужӧмыс да гижӧм нимыс?» Мӧддэс Сылӧ висьталісӧ: «Римись ӧксулӧн».