1 Тимофейлӧ 5:17 - Бур Юӧр 2019

¹⁷ Вичкуын веськӧтліссесӧ, кӧдна бура уджалӧны, бурӧ пуктӧ да вештӧ уджныс понда, ӧддьӧнжык Ен Кыв висьтасиссезлӧ да велӧтіссезлӧ.

1 Тимофейлӧ 5:17 Referans Kwoze

Еврейезлӧ 13:17

Кывзісьӧ тіян вылын сувтӧтӧммесӧ. Керӧ висьталӧмныс сьӧрті. Нія дугдывтӧг эд тӧждісьӧны тіян понда. Нылӧ быдӧнныт понда ковсяс Еныс одзын кыв видзны. Тіянкӧт нія ась уджалӧны кокнит сьӧлӧмӧн. Пондасӧ кӧ нія сьӧкыта ышлолавны, тіянлӧ сэтісь оз ло бурыс.

Галатияын оліссезлӧ 6:6

Кинӧс Ен Кылас велӧтӧны, сія ась быдӧсісь, мый сылӧн эм, янсӧтӧ велӧтісьыслӧ.

Лука 10:7

Сія керкуын кольччӧ, юӧ, сёйӧ, мый сетасӧ. Уджалісьлӧ керӧм удж понда вештӧны. Керкуись керкуӧ эд ветлӧтӧ.

Еврейезлӧ 13:7

Видзӧ тӧдвыланыт ассиныт велӧтіссезнытӧ, кӧдна висьтасисӧ тіянлӧ Енлісь Кывсӧ. Видзӧтӧ, кыдз нія олісӧ, да ны моз веритӧ.

2 Тимофейлӧ 2:6

Да и ыб вылас уджалісьлӧ воӧмсис медодз аслыс колӧ босьтны, мымда колӧ.

Филипын оліссезлӧ 2:29

Сійӧ, Дӧсвидзисьсянь воннытӧ, гажӧн панталӧ. Сэтшӧммес понда тӧждісьӧ, нійӧ бурӧ пуктӧ.

Римын оліссезлӧ 12:8

Кужан кӧ мӧдіккезӧс вынсьӧтны, вынсьӧт. Верман кӧ отсӧт сетавны, сетав сӧстӧм сьӧлӧмӧн. Верман кӧ керны удж веськӧтлісьлісь, веськӧтлы бур мывкыдӧн. Верман кӧ бурсӧ керны, кер гаж сьӧлӧмӧн.

Ап. керӧммез 28:10

Отирыс миянӧс бурӧ пуктісӧ, сійӧн туйӧ петіканым сетісӧ быдӧс коланасӧ.

2 Коринфын оліссезлӧ 6:1

Мийӧ Еныскӧт ӧтвыв уджаліссез. Сійӧн кеймисям тіян одзын: Енлісь бурсетӧмсӧ босьтӧ сьӧлӧманыт, медбы сія эз вӧв тіянлӧ весись сетӧм.

Римын оліссезлӧ 16:12

Юӧр висьталӧ Трифена да Трифоса сойезлӧ, Дӧсвидзисьлӧн уджаліссезлӧ. Пым юӧр дона Персида сойнымлӧ. Сія эд уна вын пуктіс Дӧсвидзисьлӧн уджӧ.

Римын оліссезлӧ 15:27

Нія сьӧлӧмсянь отсасьӧны, да и колӧ нылӧ сідз керны. Енӧжсянь бурсетӧмыс локтіс мӧдік отирлӧ иудейез пыр. Сідзкӧ, мӧдік отирыс ась отсасьӧ иудейеслӧ му вылісьнас.

Филипын оліссезлӧ 4:3

Ме кора и тэнӧ, мекӧт сьӧлӧмсянь уджалісь вонӧ, отсав нылӧ. Климентыскӧт да мӧдік уджаліссескӧт Бур Юӧрсӧ висьтасьӧмным коста сойезным пыр отсалісӧ миянлӧ. Нылӧн быдӧнныслӧн эд ниммезныс гижӧмась Олан небӧгас.

1 Коринфын оліссезлӧ 16:16

бурӧ пуктӧ сэтшӧммесӧ да и быд отсасисьсӧ да уджалісьсӧ.

Ап. керӧммез 11:30

Сідз и керисӧ. Ӧктӧмсӧ ыстісӧ Варнавакӧт да Савлкӧт вичкуын веськӧтліссезлӧ.

2 Тимофейлӧ 4:2

юӧрт Енлісь Кывсӧ, висьтась сійӧ быд кадӧ. Позьӧ я висьтасьны, оз я позь, тэ пыр висьтась. Быдӧс кер мыла быртӧг: отирсӧ туйдӧт, веськыта висьтавлы умӧль керӧмныс йылісь, ӧмав да велӧтӧмӧн вынсьӧт.

1 Тимофейлӧ 4:16

Видзӧт ас сьӧрат: кыдз олан да велӧтан. Пыр сідз кер. Сідз керӧмнат мездан асьтӧ да и тэнӧ кывзіссесӧ.

1 Тимофейлӧ 3:5

Мортыс оз кӧ куж видзны киын ассис гортсӧ, вермас я сія тӧждісьны Енлӧн вичку понда?

Филипын оліссезлӧ 2:16

Тійӧ видзсят олан сетан Кыв бердӧ. Сійӧн ме понда ошшасьны Кристослӧн локтан лунӧ: ме ассим олан туйӧс эг мун весись, эг весись мырсьы.

Матвей 24:25

Видзӧтӧ, Ме тіянлӧ одзланься лоӧмсӧ висьталі.

Еврейезлӧ 13:24

Миянсянь юӧр сетӧ велӧтіссезнытлӧ да быдӧс вежа отирлӧ. Тіянлӧ юӧр ыстӧны Италиясис Кристос отирыс.

1 Тимофейлӧ 4:10

Мийӧ эд сы понда и уджалам, миян вылӧ усьӧм видӧмсӧ нуӧтам. Мийӧ эд ловья Еныс вылӧ надейтчам. Сія ─ быдӧннысӧ Мездӧтісь, ӧддьӧнжык мездӧ веритіссесӧ.

1 Коринфын оліссезлӧ 15:10

Енлӧн бурсетӧмсянь ме ӧні сэтшӧм, кытшӧмӧн менӧ тӧдат. Сылӧн меным козьналӧм бурсетӧмыс эз вӧв весись. Ме кери мӧдік апостоллэзся унажык. Висьтавны кӧ, ме эг кер ачым. Еныслӧн бурсетӧмыс мекӧт, сія керис.

Ап. керӧммез 20:35

Быдӧсын ме тіянлӧ мыччалі, кыдз колӧ уджавны да отсавны вынтӧммеслӧ. Тӧдвыланыт видзӧ Дӧсвидзись Исуслісь кыввесӧ. Сія эд Ачыс висьталіс: сетавны босьтӧмысся буржык».

Иоан 4:38

Ме тіянӧс ысті вундыны сэтчин, кытӧн тійӧ эдӧ мырсьӧ. Мырсисӧ мӧдіккез, а тійӧ ныкӧт ӧтвыв вундат».

Лука 12:42

Дӧсвидзисьыс сылӧ висьталіс: «Лоӧ надейнӧй, мывкыда раб кодьӧсь. Кӧзяиныс аслас керкуын сувтӧтас сійӧ аскадӧ сетавны уджаліссеслӧ сёян.

1 Тимофейлӧ 5:3

Отсав дӧваэслӧ, кӧдна ӧтнаныс олӧны.

1 Тимофейлӧ 4:6

Пондан кӧ этаӧ воннэтӧ велӧтны, сэк тэ лоан Кристос Исусыслӧ бур уджалісьӧн. Вынсьӧт асьтӧ веритӧм йылісь кыввезнас да бур велӧтӧмнас. Тэ сія велӧтӧм сьӧрті и пондін овны.

1 Коринфын оліссезлӧ 3:9

Мийӧ Енкӧт ӧтвыв уджаліссез. Тійӧ ─ Еныслӧн ыбыс, Еныслӧн лэбтӧм керкуыс.

1 Тимофейлӧ 4:14

Видз тӧдвылат тэныт сетӧм верман-кужан козинсӧ. Сія сетӧм Енсянь юӧртісь кыв сьӧрті, вичкуын веськӧтліссеслӧн ки пуктӧм пыр.

1 Тимофейлӧ 5:19

Вичкуын веськӧтлісь йылісь умӧль висьталӧмсӧ кывзы дзир сэк, висьталасӧ кӧ кык, куим я морт.