1 Тимофейлӧ 5:1 - Бур Юӧр 2019

¹ Пӧрисьсӧ эн ӧмав, айкӧт моз баит, туйдӧт сійӧ. Томжыккесӧ велӧт воннэзӧс моз.

1 Тимофейлӧ 5:1 Referans Kwoze

Титлӧ 2:2

Пӧрись ай отирсӧ велӧт, медбы кужисӧ асьнысӧ киын видзны, вӧлісӧ бур мывкыдаӧсь, веритісӧ бур велӧтӧмыс сьӧрті, радейтісӧ, видзсисӧ ыджыт мылаӧн и медбы позис нійӧ шуны бур морттэзӧн.

1 Петра 5:1

Гижа вичкуын веськӧтліссезлӧ. Ме и ачым тіян кодь веськӧтлісь. Ачым адззылі Кристослісь пессьӧм-мырсьӧмсӧ. Ме лоа Сыкӧт ӧтлаын югьялӧмас, кӧда чожа оссяс. Ме кеймися тіянлӧ:

Галатияын оліссезлӧ 6:1

Воннэзӧ, керас кӧ мортыс мыйкӧ умӧльӧ, сэтшӧм мортсӧ рам сьӧлӧмӧн туйдӧтӧ. Тійӧ эд Лов сьӧрті оліссез. Быдыс тіян коласісь ась видзӧтӧ ас сьӧрас, медбы асьныт эдӧ ылалӧ.

Титлӧ 2:6

Сідз и том зоннэсӧ велӧт асьнысӧ киын видзны.

Матвей 23:8

А тійӧ эд пуксьӧ велӧтіссезас. Тіян ӧтік Велӧтісьныт ─ Кристос, а тійӧ ӧтамӧднытлӧ воннэз.

1 Тимофейлӧ 5:17

Вичкуын веськӧтліссесӧ, кӧдна бура уджалӧны, бурӧ пуктӧ да вештӧ уджныс понда, ӧддьӧнжык Ен Кыв висьтасиссезлӧ да велӧтіссезлӧ.

Римын оліссезлӧ 13:7

Сідзкӧ, быдыслӧ сетӧ, мый колӧ: кинлӧ вот вештыны ─ вештӧ вотсӧ, кинӧс бурӧ пуктыны ─ бурӧ пуктӧ.

Ап. керӧммез 15:4

Ерусалимӧ локтӧм бӧрын вичкусис апостоллэс, веритіссес да веськӧтліссес бура панталісӧ нійӧ. Локтіссес висьтасисӧ ны пыр Енлісь керӧмсӧ. Нія висьтасисӧ, кыдз мӧдік отирлӧ Еныс осьтіс ыбӧссӧ веритӧмас.

Ап. керӧммез 14:23

Быд вичкуын нія сувтӧтісӧ веськӧтліссезӧс. Кӧслуналӧм да кеймӧм бӧрын веритіссес сетісӧ нійӧ Дӧсвидзись киӧ. Сылӧ эд нія и пондісӧ веритны.

Осьтӧм 4:4

Сы гӧгӧр сулалісӧ кыкдас нёль юралан пукӧс. Ны вылын пукалісӧ кыкдас нёль пӧрись, кӧднӧ пасьтӧтӧмась чочком паськӧмӧ. Юр выланыс нылӧн вӧлісӧ зарниись юркытшшез.

3 Иоан 1:1

Вичкуын веськӧтлісьсянь менам дона Гайлӧ. Ме тэнӧ былись радейта.

2 Иоан 1:1

Ме, вичкуын веськӧтлісь, гижа сойӧлӧ да сы челядьлӧ. И тэ Еныслӧн бӧрйӧмыс. Ме тіянӧс сьӧлӧмсянь радейта. Тіянӧс радейтӧны и Еныслісь быльсӧ быдӧс тӧдіссес.

Яков 5:14

Тіян коласісь кин шогалӧ кӧ, ась корӧ Вичкусис веськӧтліссесӧ. Нія Дӧсвидзись нимӧн мавтыштасӧ шогалісьсӧ виӧн да кеймасӧ сы понда.

Яков 3:17

Вылісянь сетӧм мывкыдыс сӧстӧм, лӧнь, рам, кывзісьӧ, небыт сьӧлӧмсянь бурсӧ керӧ, оз лыддьы ӧтіккезӧс мӧддэзся буржыккезӧн, оз ылӧтлы.

Ап. керӧммез 20:17

Милитсяняс Павелыс ыстіс Ефесӧ юӧр, корис локны вичкуись веськӧтліссесӧ.

Ап. керӧммез 15:6

Апостоллэз да вичкуын веськӧтліссез ӧксисӧ баитны эта йылісь.

1 Тимофейлӧ 5:2

Пӧрись инькаэсӧ туйдӧт мамӧс моз. Нывкаэсӧ велӧт сӧстӧм сьӧлӧмсянь сойезӧс моз.