1 Тимофейлӧ 1:5 - Бур Юӧр 2019

⁵ Ме сеті этнӧ тшӧктӧммесӧ, медбы тіян вӧлі радейтӧм. Радейтӧмыс петӧ сӧстӧм сьӧлӧмсянь, умӧльсӧ кертӧг олӧмсянь да былись веритӧмсянь.

1 Тимофейлӧ 1:5 Referans Kwoze

1 Тимофейлӧ 1:19

Быдӧс кер ёна веритӧмӧн да ов сідз, медбы сьӧлӧмытлӧ нем вӧлі висьтавны умӧльсӧ. Мукӧдыс сьӧлӧмныслісь висьталӧмсӧ пуктісӧ абутӧм туйӧ, сійӧн нылӧн веритӧмныс косьмӧм шор моз ӧшис.

Галатияын оліссезлӧ 5:22

А Ловлӧн воӧмыс ─ радейтӧм, гаж, лӧнь, уна мылаӧн видзсьӧм, бурсӧ керӧм, отсасьӧм, веритӧм,

2 Тимофейлӧ 2:22

Том кадся быдкодь ӧзйӧтчӧммез дынісь пышшав. Дӧсвидзисьсӧ сӧстӧм сьӧлӧмсянь кориссезкӧт вынсьӧтчы овны Ен сьӧрті веськыта, веритӧмӧн, радейтӧмӧн да лӧня.

2 Тимофейлӧ 1:5

Касьтывла тэнчит сьӧлӧмсянь веритӧмтӧ. Сідз веритісӧ тэнат Лоида бабыт да Евника мамыт. Тӧда, и тэ веритан ны моз.

2 Тимофейлӧ 1:3

Ме сӧстӧм сьӧлӧмӧн айезным моз уджала Еныслӧ. Ой и лун кеймикам дугдывтӧг касьтывла тэнӧ, ошка Енсӧ тэ понда.

1 Петра 3:21

Сія шогмӧмыс висьталӧ ӧнняся пыртчӧм йылісь. Сія абу нятьӧсь вывтыр миссьӧтӧм, а сӧстӧм сьӧлӧмӧн овны Енлӧ кӧсйисьӧм. Пыртчӧмным пыр мийӧ ӧні мезмам Кристос Исуслӧн ловзьӧм кузя.

1 Петра 3:16

Пыр олӧ сӧстӧм сьӧлӧмӧн. Сэк тіян йылісь умӧля баитіссеслӧ ковсяс гӧрдӧтны асланыс кыввезсянь. Нія эд умӧльтӧны Кристоскӧт бытшӧма олӧмнытӧ.

1 Петра 1:22

Быльсӧ кывзісьӧмӧн да Лов отсӧтӧн тійӧ сӧстӧммит, медбы воннэзнытӧ быдӧннысӧ радейтны ӧтмоза. Сӧстӧм сьӧлӧмсянь ӧтамӧднытӧ радейтӧмныт ась оз кус.

2 Петра 1:7

Енлӧ юрбитӧмныт ─ воннэзӧс радейтӧмнытӧ, воннэзнытӧ радейтӧмныт ─ быдӧннысӧ радейтӧмнытӧ.

Римын оліссезлӧ 10:4

Кытшӧм могӧн вӧлі сетӧм Туйдӧтыс, сійӧ быдӧс керис Кристосыс. Сідзкӧ, Сылӧ быд веритісь лоӧ Ен сьӧрті веськыта олісьӧн.

Титлӧ 1:15

Сӧстӧммеслӧ быдӧс сӧстӧм. Сэрпӧсьмӧммеслӧ да веритӧмнысӧ ӧштӧммеслӧ абу нем сӧстӧмыс. Нылӧн мывкыдныс сьӧлӧмнаныс быдсӧн сэрпӧсьмӧм.

1 Тимофейлӧ 3:9

Веритӧмыслісь тӧдлытӧмсӧ нія видзӧны сӧстӧм сьӧлӧмын.

2 Коринфын оліссезлӧ 1:12

Миян сьӧлӧммезным висьталӧны: мийӧ асьнымӧс эгӧ лэбтӧ. Быд морткӧт мийӧ вӧлім осьта сьӧлӧмаӧсь, ӧддьӧнжык тіянкӧт. Миян ладорсянь умӧльыс нем эз вӧв. Сійӧн мийӧ вермам ошшасьны. Асланым морт мывкыдсянь нем эгӧ керӧ, миянӧс туйдӧтіс Еныслӧн бурсетӧмыс.

1 Петра 4:8

Сьӧлӧмсянь радейтӧ ӧтамӧднытӧ. Радейтӧмыс эд медколана, сія уна умӧль керӧм вевттьӧ.

Яков 4:8

Сибӧтчӧ Еныс дынӧ, и Сія сибӧтчас тіян дынӧ. Умӧльсӧ кериссез, миссьӧтӧ киэзнытӧ! Ылӧтчиссез, сӧстӧмтӧ сьӧлӧммезнытӧ!

Ап. керӧммез 23:1

Павелыс видзӧтӧв-керис Судитан чукӧр вылӧ да висьталіс: «Воннэз! Ме Ен одзын ӧння лунӧдз олі сӧстӧм сьӧлӧмӧн».

1 Иоан 3:3

Быдыс, кин сідз надейтчӧ Сы вылӧ, асьсӧ сӧстӧмтӧ, медбы лоны Сы кодь сӧстӧмӧн.

Еврейезлӧ 10:22

Сійӧн сибӧтчам Еныс дынӧ осьта сьӧлӧмӧн, ёна веритӧмӧн, быдӧс умӧльсис сӧстӧммӧм сьӧлӧммезӧн, сӧстӧм ваӧн миссьӧтӧм вывтырӧн.

1 Коринфын оліссезлӧ 13:1

Ме кӧ баита отир кыв вылын, нельки ангеллэз кыв вылын, но аслам радейтӧмӧ абу кӧ, сэк ме тронган джыннян кодь, сильӧтан орсан кодь.

Римын оліссезлӧ 14:15

Тэнат сёяныт вонтӧ тӧждісьӧмӧдз кӧ вайӧтӧ, сэк тэнат абу радейтӧмыт. Аслат сёянӧн эн уськӧт сійӧ, кин понда куліс Кристосыс.

Римын оліссезлӧ 9:1

Ме, Кристослӧн морт, висьтала быльсӧ и менам сьӧлӧмӧ ӧтлаын Вежа Ловкӧт висьталӧ: ме ог бӧбӧт.

Ап. керӧммез 24:16

Сійӧн Ен да отир одзын ме пыр вынсьӧтча овны сӧстӧм сьӧлӧмӧн.

Ап. керӧммез 15:9

Сія миянӧс ны дынісь немӧн эз янсӧт. Нылісь сьӧлӧммезнысӧ сӧстӧмтіс веритӧмныс пыр.

Матвей 12:35

Бур мортыс бурсӧ видзанінсис петкӧтӧ бурсӧ. Лӧг мортыс лӧгсӧ видзанінсис лӧгсӧ и петкӧтӧ.

Матвей 5:8

Сӧстӧм сьӧлӧмаэс шудаӧсь: нія Енсӧ адззасӧ.

1 Иоан 3:23

Еныс тшӧктіс, медбы мийӧ веритім Сылӧн Кристос Исус Зонлӧ да радейтім ӧтамӧднымӧс.

Еврейезлӧ 13:18

Кеймӧ миян понда. Мийӧ тӧдамӧ, миян сьӧлӧммезным сӧстӧмӧсь, мийӧ эд быдӧс вынсьӧтчам керны веськыта.

Еврейезлӧ 9:14

Сэк мымдаись буржыка сӧстӧмтӧ Кристосыслӧн Вирыс! Сія Ачыс Асьсӧ Вежа Лолыс вынӧн вайис Еныслӧ сӧстӧм бур козинӧн. Сылӧн вирыс сӧстӧмтас миянлісь сьӧлӧммезнымӧс кулӧмас вайӧтан умӧль керӧммезісь, медбы кысъявны ловья да былись Енлӧ.

Галатияын оліссезлӧ 5:6

Вундыштыштӧм тэ, абу я, Кристос Исускӧт ӧтлаасьӧммеслӧ сія нем оз сет. Эстӧн медколанаыс веритӧм, кӧда тыдалӧ радейтӧм пыр.

Римын оліссезлӧ 12:9

Радейтӧмныт ась оз ло дзир мыччалӧм могись. Умӧльсӧ керӧм дынісь бергӧтчӧ, кутчисьӧ бурыс бердӧ.

1 Тимофейлӧ 1:18

Тимофей зонӧ, видза тӧдвылам тэ йылісь Енсянь юӧртіссезлісь висьталӧммезнысӧ. Кора тэнӧ: нылӧн висьталӧм сьӧрті пессьы бур воин моз.

1 Иоан 3:10

Мортыс оз кӧ кер веськыта да оз радейт вонсӧ, сія абу Енсянь. Сы сьӧрті позьӧ тӧдны кульыслісь да Еныслісь челядьсӧ.