1 Тимофейлӧ 1:18 - Бур Юӧр 2019

¹⁸ Тимофей зонӧ, видза тӧдвылам тэ йылісь Енсянь юӧртіссезлісь висьталӧммезнысӧ. Кора тэнӧ: нылӧн висьталӧм сьӧрті пессьы бур воин моз.

1 Тимофейлӧ 1:18 Referans Kwoze

1 Тимофейлӧ 4:14

Видз тӧдвылат тэныт сетӧм верман-кужан козинсӧ. Сія сетӧм Енсянь юӧртісь кыв сьӧрті, вичкуын веськӧтліссеслӧн ки пуктӧм пыр.

1 Тимофейлӧ 6:20

Тимофей! Видз тэныт сетӧмсӧ. Эн кутчы ковтӧмсӧ баитны да етшасьны уна тӧдіссезкӧт, кӧдналӧн тӧдӧмныс абутӧм туйӧ.

Филипын оліссезлӧ 2:22

Тимофейыслісь уджалӧмсӧ тійӧ эд тӧдат. Бур Юӧрсӧ висьтасьӧмӧ коста сія меным отсасис зон моз.

2 Тимофейлӧ 4:7

Ме бура песси, ассим олан туйӧс муні, веритӧмӧс эг ӧшты.

1 Тимофейлӧ 1:2

Гижа Тимофейлӧ. Тэ меным веритӧмным кузя былись зон туйӧ. Ен Айным да Дӧсвидзись Кристос Исусным ась козьналасӧ тэныт небыт сьӧлӧмсянь бурсетӧмсӧ да лӧнь олансӧ.

2 Тимофейлӧ 1:2

Гижа тэныт, Тимофей, менам дона зонӧ. Ен Ай да Дӧсвидзись Кристос Исусным ась козьналасӧ тэныт небыт сьӧлӧмныссянь бурсетӧмсӧ да лӧнь олансӧ!

1 Тимофейлӧ 4:4

Еныслӧн эд быд аркмӧтӧмыс бур. Енсӧ буркывтӧмӧн кӧ сёян, сэк верман быд сёян сёйны повтӧг.

Филимонлӧ 1:10

Кора аслам Онисим зон понда. Сія лоис меным зонӧн пукавтӧнням.

Титлӧ 1:4

Гижа Титлӧ. Миян ӧтлаын веритӧмсянь тэ меным былись зон туйӧ. Ен Айным да Мездӧтісь Кристос Исусным ась козьналасӧ тэныт небыт сьӧлӧмныссянь бурсетӧмсӧ да лӧнь олансӧ!

Ап. керӧммез 16:1

Павел локтіс Дервия да Листра каррезӧдз. Листраын вӧлі Тимофей нима велӧтчись. Мамыс сылӧн вӧлі иудей отирись, Кристослӧ веритісь морт. Айыс сылӧн вӧлі грек.

1 Коринфын оліссезлӧ 4:17

Эта понда ысті тіян дынӧ Тимофейсӧ. Дӧсвидзиськӧт ӧтлаасьӧм кузя сія менам надейнӧй дона зон. Сія тіянлӧ вайӧтас тӧдвыланыт Кристос Исусыс сьӧрын менчим мунӧмӧс. Ме сідз велӧта быдлаын, быд вичкуын.

1 Коринфын оліссезлӧ 9:7

Кытшӧм воин олӧ аслас сьӧм вылӧ? Кытшӧм виноград быдтісь оз сёй воӧм ягӧдсӧ? Кытшӧм пода вӧдитісь оз сёй нылісь йӧвсӧ?

1 Тимофейлӧ 1:5

Ме сеті этнӧ тшӧктӧммесӧ, медбы тіян вӧлі радейтӧм. Радейтӧмыс петӧ сӧстӧм сьӧлӧмсянь, умӧльсӧ кертӧг олӧмсянь да былись веритӧмсянь.