1 Тимофейлӧ 1:17 - Бур Юӧр 2019

¹⁷ Пыр олісь да юралісь Ӧксулӧ ─ ыджыт мывкыда тыдавтӧм ӧтка Енлӧ ─ вылына лэбтӧмыс да югьялӧмыс пырся-пыр! Аминь.

1 Тимофейлӧ 1:17 Referans Kwoze

Иуда 1:25

Ошкӧ адззывлытӧм мывкыда ӧтка Енсӧ! Сія эд миянӧс мездіс Дӧсвидзись Кристос Исусным пыр. Сылӧ ошкӧм-сьылӧтӧмыс! Сылӧн выныс да юралӧмыс кадыс пондӧтчӧмсянь, ӧні да пырся-пыр! Аминь.

Осьтӧм 19:1

Сыбӧрын енӧжсис ме кылі гора шы, жыв баитісӧ уна отир. Нія шувлісӧ: ─ Аллилуйя! Мезмӧмыс, югьялӧмыс, ошкӧмыс да выныс миян Енлӧн.

Осьтӧм 17:14

Нія пондасӧ тышкасьны Дзельыскӧт. Дзельыс нійӧ вермас. Сія эд юраліссез вылын Юралісь, ӧксуэз вылын Ӧксу. Сыкӧт ӧтлаын Сылӧн корӧммес, бӧрйӧммес, надейнӧйес».

Колосын оліссезлӧ 1:15

Зоныс быдӧсын тыдавтӧм Еныс кодь. Быдӧс аркмӧтӧмӧдз Сія вӧлӧм ни.

Осьтӧм 19:16

Сылӧн нимыс вӧлі гижӧм паськӧм вылас да викляч вылас: «Ӧксуэзлӧн Ӧксу да юраліссезлӧн Юралісь».

Римын оліссезлӧ 1:23

Пырся Енсӧ коліс ошкыны. Нія Сы туйӧ асьныс аслыныс керисӧ еннэсӧ: кулан морт да кай коддезӧ, нёль кокаэз да виклясись коддезӧ. Нылӧ пондісӧ копрасьны.

Осьтӧм 19:6

Сэк ме кылі жыв уна отирлісь шы. Сія вачкисис уна ва усянлӧн шы вылӧ, горӧн гымалан шы вылӧ. Нія шувлісӧ: ─ Аллилуйя! Дӧсвидзись Еныс, Дӧсвермисьыс, ӧні пондіс юравны Ӧксуӧн!

1 Иоан 4:12

Енсӧ некӧр некин эз адззыв. Радейтам кӧ ӧтамӧднымӧс, сэк Еныс олӧ миян пытшкын. Сэк и Сылӧн радейтӧмыс поздісьӧм ни миян пытшкын.

Иоан 1:18

Енсӧ отирыс некӧр эзӧ адззывлӧ. Сійӧ миянлӧ мыччаліс Айыскӧт ӧтлаын олісь ӧтка Зоныс.

Матвей 6:13

Видз миянӧс ылалӧмись, ылӧтлісь дынісь миянӧс мезды. Тэнат Юралӧмыт, выныт да югьялӧмыт пыр кежӧ. Аминь.

Осьтӧм 15:3

Нія сьылісӧ Енлӧн Моисей раблісь да Дзельыслісь сьыланкывсӧ: ─ Дӧсвидзись, Дӧсвермись Енӧ! Вынаӧсь Тэнат керӧммет, диво кутӧ! Веськытӧсь да быльӧсь Тэнат туйезыт, вежа отирлӧн Ӧксу!

Осьтӧм 7:12

Нія шуисӧ: ─ Аминь! Ошкӧм да югьялӧм, мывкыд, буркывтӧм, вылына лэбтӧм, вын да юралӧм миян Енлӧ пырся-пыр. Аминь!

2 Петра 3:18

Зорамӧ миянлісь Дӧсвидзисьсӧ, Кристос Исус Мездӧтісьсӧ тӧдӧмын да Сылӧн бурсетӧмын. Сылӧ ӧні да и Пырся Лунӧ ошкӧм! Аминь.

1 Петра 5:11

Сылӧн эд югьялӧмыс да юралӧмыс пырся-пыр! Аминь.

Еврейезлӧ 11:27

Веритӧмӧн Моисейыс петӧм Египетсис. Нельки абу повзьӧм ӧксуыс лӧгасьӧмись. Сія видзсьӧм чорыта, жыв адззӧм одзсис Тыдавтӧмсӧ.

Римын оліссезлӧ 11:36

Быдӧс эд локтӧ Сысянь, быдӧс аркмӧ Сы пыр, быдӧс бертӧ Сылӧ. Сылӧ пырся-пыр ошкӧм! Аминь.

Римын оліссезлӧ 2:7

Пырся олансӧ Сія сетас бурсӧ дугдывтӧг керись отирлӧ. Нія эд кошшӧны ошкӧмсӧ, бурӧ пуктӧмсӧ да пырсясӧ.

Римын оліссезлӧ 1:20

Отирыслӧ Еныслӧн бырсьывлытӧм выныс мыччалӧм мусӧ керӧмсянь ни. Сія тыдалӧ быдӧс аркмӧтӧмын. Отирыслӧ оссьӧ тыдавтӧмыс: Аркмӧтісьыс и эм былись Еныс. Сідзкӧ, отирыс асьнысӧ озӧ вермӧ дорйыны Еныс одзын.

Матвей 28:20

Велӧтӧ нійӧ овны Менам тшӧктӧм сьӧрті. Тӧдӧ: Ме пыр тіянкӧт векпонӧдз». Аминь.

Матвей 25:34

Сэк веськытланьын сулаліссеслӧ Ӧксуыс шуас: "Локтӧ, Менам Айлӧн бласлӧвитӧммез. Тіянлӧ вуджас Енлӧн Юраланіныс. Сія тіянлӧ лӧсьӧтӧм быдӧс аркмӧтӧмсянь ни.

Иоан 5:44

Кыдз тійӧ вермат Меным веритны, тійӧ эд ӧтамӧднытсянь видзчисят ошкӧмсӧ, а ӧтка Еныслісь ошкӧмсӧ одӧ кошшӧ?

Римын оліссезлӧ 2:10

Бурӧ пуктӧм, ошкӧм да лӧнь олан босьтасӧ бурсӧ кериссес: медодз ─ иудейес, сэсся ─ мӧдіккес.

Еврейезлӧ 2:7

Ангеллэзся лажмытжыка Тэ сійӧ сувтӧтін недыр кежӧ. Югьялӧмнас да вылына лэбтӧмнас Тэ сійӧ юркытшалін. Аслат киэзӧн быд керӧмсӧ сетін сы кипод увтӧ.