1 Тимофейлӧ 1:15 - Бур Юӧр 2019

¹⁵ Быдыслӧ колӧ босьтны этнӧ веськыта висьталӧм кыввесӧ: Кристос Исусыс локтіс му вылас мездыны умӧльӧ кериссесӧ. Ны коласісь медумӧльыс ме.

1 Тимофейлӧ 1:15 Referans Kwoze

Марк 2:17

Исусыс кыліс нылісь баитӧмсӧ да висьталіс: «Веськӧтісьыс колӧ шогаліссезлӧ, оз ков шогӧттӧммезлӧ. Ме эг лок корны Ен сьӧрті веськыта оліссесӧ, локті корны умӧльсӧ кериссесӧ».

Лука 19:10

Морт Зон эд локтіс адззыны да мездыны ӧшӧммесӧ».

Иоан 12:47

Менчим кыввезӧс мортыс кыліс кӧ да оз верит, Ме сійӧ ог судит. Ме локті му вылісь отирсӧ мездыны, эг лок судитны.

Иоан 1:12

А нылӧ, кӧдна лэдзисӧ Сійӧ сьӧлӧманыс да веритісӧ Сылӧ, шуис лоны Енлӧн челядьӧн.

Лука 5:32

Ме эг лок корны Ен сьӧрті веськыта оліссесӧ, локті корны Еныс дынӧ умӧльсӧ кериссесӧ».

1 Иоан 3:5

Тійӧ эд тӧдат, Ачыс Кристосыс эз кер нем умӧльсӧ. Сія локтіс босьтны миянлісь умӧль керӧммезнымӧс.

1 Тимофейлӧ 1:13

Ме одзжык Кристоссӧ видлі, Сылісь отирсӧ вашӧтлі, нылӧ умӧльсӧ кери. Но Кристосыс вӧлі ме дынӧ небыт сьӧлӧма. Ме эд сідз кери тӧдтӧг, Сылӧ эг верит да.

Матвей 20:28

Морт Зон эд эз лок, медбы Сылӧ кысъялісӧ. Сія локтіс кысъявны мӧдіккезлӧ да Аслас оланӧн вештісьны уна отирӧс небӧм понда».

1 Коринфын оліссезлӧ 15:9

Апостоллэс коласісь ме медбӧрьяыс. Да и апостолнас менӧ нем понда шуны. Ме эд Еныслісь вичкусӧ одзжык вашӧтлі.

Иоан 1:29

Мӧд лунас Иоаныс казяліс сы дынӧ локтісь Исуссӧ да шуис: «То Енлӧн Дзельыс! Сія босьтӧ отирлісь умӧль керӧммесӧ Ас вылас.

Матвей 9:13

Мунӧ, вежӧртӧ этнӧ кыввесӧ: "Меным тіянсянь озӧ колӧ езъялан козиннэзныт, небыт сьӧлӧммезныт колӧны". Ме эг лок корны Ен сьӧрті веськыта оліссесӧ, локті корны умӧль кериссесӧ».

Матвей 1:21

Марияыс ваяс зонӧс, сетан тэ Сылӧ нимсӧ Исус. Ассис отирсӧ Сія мездас умӧль керӧммезсиныс».

Еврейезлӧ 7:25

Сійӧн Сія вермӧ мездыны Еныс дынӧ Сы пыр быд локтісьсӧ. Сія эд пыр олӧ, медбы Еныс одзын кеймисьны ны понда.

1 Тимофейлӧ 4:9

Этна кыввес быльӧсь. Бур лоас, босьтан кӧ нійӧ сьӧлӧмат.

Римын оліссезлӧ 5:6

Мийӧ асьным нем эгӧ вермӧ. Сэк Енӧн висьталӧм кадӧ Кристосыс куліс Ентӧг оліссез понда.

1 Иоан 3:8

Умӧльсӧ керисьыс кульсянь. Медодз кадсянь ӧнӧдз сія керӧ умӧльсӧ. А Ен Зон локтіс, медбы разьны сылісь уджсӧ.

1 Тимофейлӧ 3:1

Веськыта висьтала: кин лӧсьӧтчӧ сувтны вичкуын веськӧтлісьӧ, сія мӧдӧ керны бур удж.

Ефесын оліссезлӧ 3:8

Ме вежа отирыс коласісь медучӧтыс, но меным сетӧм эта бурыс: ентӧдтӧммезлӧ висьтасьны Кристослӧн донася-дона бурсетӧм йылісь Бур Юӧрсӧ.

Осьтӧм 22:6

Ангелыс меным висьталіс: «Этна кыввес былись веськыта висьталӧмӧсь. Вежа юӧртіссеслӧн Дӧсвидзись Еныс иньдіс Ассис ангелсӧ мыччавны Аслас раббезлӧ, мый чожа лоас».

Осьтӧм 5:9

Нія сьылісӧ виль сьыланкыв: ─ Тэныт позьӧ босьтны серакусӧ, жугдыны пассэсӧ да осьтны сійӧ, Тэ эд вӧлін начкылӧм. Еныслӧ Тэ небин отирсӧ Аслат Вир вылӧ быд увтырись, быд кылісь, быд чужан вужись, да быд йӧзісь.

Титлӧ 3:8

Этна кыввес быльӧсь. Кора тэнӧ пыр баитны эта быль йылісь, медбы Енлӧ веритіссес вынсьӧтчисӧ керны бурсӧ. Сія отирлӧ бур да колана.

2 Тимофейлӧ 2:11

Этна кыввес веськыта висьталӧны: ─ Мийӧ Кристосыскӧт кӧ кулім, Сыкӧт и ловзям.

Ап. керӧммез 3:26

Ассис Исус Зонсӧ Еныс ловзьӧтіс. Сійӧ ыстіс медодз бласлӧвитны тіянӧс, быдӧннытӧ бергӧтны лёк керӧммезныт дынісь».

Иоан 3:36

Зонлӧ веритісьлӧн эм пырся олан. Кин оз верит Зоныслӧ, сія пырся олансӧ оз адззыв. Сы вылын Енлӧн лӧгыс кольччас».

Осьтӧм 21:5

Сэк юралан пукӧс вылас Пукалісьыс висьталіс: «То, Ме быдӧс вились аркмӧта!» Меным Сія висьталіс: «Гиж сійӧ. Этна кыввес былись веськыта висьталӧмӧсь».

1 Иоан 5:11

Сія висьталӧмыс сэтшӧм: Еныс козьналіс миянлӧ пырся олан. Сія оланыс Сы Зонын.

1 Тимофейлӧ 1:19

Быдӧс кер ёна веритӧмӧн да ов сідз, медбы сьӧлӧмытлӧ нем вӧлі висьтавны умӧльсӧ. Мукӧдыс сьӧлӧмныслісь висьталӧмсӧ пуктісӧ абутӧм туйӧ, сійӧн нылӧн веритӧмныс косьмӧм шор моз ӧшис.

Матвей 18:10

«Видзӧтӧ, этна учӧттэз коласісь ӧтікӧс эдӧ пуктӧ абутӧм туйӧ! Висьтала тіянлӧ: нылӧн ангеллэзныс пыр адззӧны чужӧмсӧ енӧжись Айӧлісь.

Ап. керӧммез 11:18

Петрасӧ кывзӧм бӧрын нія лӧньсисӧ да ошкисӧ Енсӧ. Нія баитісӧ: «Тыдалӧ, и мӧдік отирлӧ Еныс сетіс бергӧтчыны умӧль керӧмныс дынісь Сыланьӧ, медбы и нылӧн вӧлі оланыс».

Ап. керӧммез 11:1

Апостоллэзлӧ да Иудеяись воннэзлӧ кывсис: и мӧдік отир босьтӧмась пӧ сьӧлӧманыс Еныслісь Кывсӧ.

Лука 15:2

Фарисейес Туйдӧтӧ велӧтіссескӧт лӧгӧн баитісӧ: «Сія сибӧтӧ дынас умӧльсӧ кериссесӧ да сёйӧ ныкӧт».

Римын оліссезлӧ 11:14

Видзчися, ог я вермы аслам отирлісь ӧзйӧтны мӧдік отирлӧ завидуйтӧмсӧ? Ог я мезды ны коласісь мукӧдсӧ?

1 Тимофейлӧ 6:13

Мийӧ сулалам быдӧслӧ олан сетісь Ен одзын да Кристос Исус одзын, Кӧда Ачыс висьтасис быльсӧ Понтий Пилатлӧ. Ны одзын ме и кора, и тшӧкта тэнӧ:

Матвей 18:11

Морт Зон эд локтіс адззыны да мездыны ӧшӧммесӧ.