1 Тимофейлӧ 1:14 - Бур Юӧр 2019

¹⁴ Дӧсвидзисьным тырмӧмви козьналіс меным бурсетӧмсӧ, Кристос Исус пыр сетіс веритӧм да радейтӧм.

1 Тимофейлӧ 1:14 Referans Kwoze

2 Тимофейлӧ 1:13

Быдӧс кер бур велӧтӧмыс сьӧрті. Тэ сійӧ кылін месянь. Ов веритӧмӧн да радейтӧмӧн, Кристос Исускӧт ӧтлаасьӧмӧн.

1 Коринфын оліссезлӧ 15:10

Енлӧн бурсетӧмсянь ме ӧні сэтшӧм, кытшӧмӧн менӧ тӧдат. Сылӧн меным козьналӧм бурсетӧмыс эз вӧв весись. Ме кери мӧдік апостоллэзся унажык. Висьтавны кӧ, ме эг кер ачым. Еныслӧн бурсетӧмыс мекӧт, сія керис.

1 Петра 1:3

Ошкам Енсӧ, миян Дӧсвидзись Кристос Исуслісь Айсӧ! Еныс Кристоссӧ ловзьӧтіс, сідз Аслас небыт сьӧлӧмсянь козьналіс миянлӧ виль олан. Сійӧн мийӧ олам Сы вылӧ надейтчӧмӧн.

Римын оліссезлӧ 16:20

Лӧньсӧ сетісь Еныс чожа уськӧтас сотанасӧ тіян коккез увтӧ. Миян Дӧсвидзись Кристос Исуслӧн бурсетӧмыс тіянкӧт! Аминь.

1 Иоан 4:10

Енсӧ миян радейтӧмным абу радейтӧм. Былись радейтӧмыс то мыйын: Еныс миянӧс радейтӧ. Сія ыстіс Ассис Зонсӧ вештісьны миян умӧль керӧммез понда.

1 Фессалоникаын оліссезлӧ 1:3

Ен Айным одзын мийӧ пыр касьтывлам тіянлісь веритӧмсянь керӧмнытӧ, радейтӧмсянь уджалӧмнытӧ да мыла быртӧг миян Дӧсвидзись Кристос Исус вылӧ надейтчӧмнытӧ.

2 Коринфын оліссезлӧ 8:9

Миян Дӧсвидзись Кристос Исуслісь радейтӧмсӧ тійӧ тӧдат. Сылӧн вӧлі быдӧс. Но тіян понда Сія быдӧс колис, медбы Сылӧн быдӧс кольӧмсянь тіян быдӧс вӧлі.

Осьтӧм 22:21

Миян Дӧсвидзись Кристос Исуслӧн бурсетӧмыс ась лоас тіянкӧт быдӧнныткӧт! Аминь.

1 Фессалоникаын оліссезлӧ 5:8

Мийӧ лунлӧн челядь. Сідзкӧ, пондам овны садь юрӧн. Эта ась лоӧ миян паськӧмным: вывтыр выланым кӧрт кышӧтыс миян ─ веритӧмным да радейтӧмным, юр сайӧвтанным ─ мезмӧм вылӧ надеяным.

Ап. керӧммез 15:11

Мийӧ эд веритам: Дӧсвидзись Кристос Исуслӧн бурсетӧмсянь мийӧ мезмам. Миян моз и мӧдік отирыс мезмас».

1 Коринфын оліссезлӧ 3:10

Енлӧн бурсетӧмсянь ме, кыдз мывкыда керку лэбтісь, пукті увтсӧ. Сы вылын мӧдік тэчӧ. Но быдыс ась видзӧтӧ, кыдз лэбтӧ.

2 Коринфын оліссезлӧ 4:15

Быдӧс эта керсьӧ тіян понда, медбы Еныслӧн унася-уна бурсетӧмыс йиджис быд сьӧлӧмӧ. Сэк и ошкыны да буркывтны Енсӧ унажыкӧн пондасӧ.

Галатияын оліссезлӧ 1:13

Тійӧ эд кывлітӧ иудейезлӧн велӧтӧммез сьӧрті менам одззася олӧм йылісь. Ме лёка вашӧтлі Еныслісь Вичкусӧ, мӧді пӧдтыны сійӧ.

1 Тимофейлӧ 2:15

Но инька мезмас кага вайӧмӧн, пондас кӧ веритны, радейтны, овны сӧстӧма, вежа оланӧн да бур мывкыдӧн.

1 Тимофейлӧ 4:12

Тэ том, но некинлӧ эн лэдз пуктыны тэнӧ абутӧм туйӧ. Ов сідз, медбы тэ вылӧ видзӧттӧн веритіссес керисӧ тэ моз: тэ моз баитісӧ, олісӧ, радейтісӧ, вынсьӧтісӧ ловнысӧ, веритісӧ, видзсисӧ сӧстӧма.

1 Тимофейлӧ 6:11

Тэ Енлӧн морт, этаись пышшы. Тэ вынсяв Ен сьӧрті веськыта олӧмат, Енлӧ юрбитӧмат, веритӧмат, радейтӧмат, ыджыт мылаӧн да рама видзсьӧмат.

2 Тимофейлӧ 2:22

Том кадся быдкодь ӧзйӧтчӧммез дынісь пышшав. Дӧсвидзисьсӧ сӧстӧм сьӧлӧмсянь кориссезкӧт вынсьӧтчы овны Ен сьӧрті веськыта, веритӧмӧн, радейтӧмӧн да лӧня.

Титлӧ 2:2

Пӧрись ай отирсӧ велӧт, медбы кужисӧ асьнысӧ киын видзны, вӧлісӧ бур мывкыдаӧсь, веритісӧ бур велӧтӧмыс сьӧрті, радейтісӧ, видзсисӧ ыджыт мылаӧн и медбы позис нійӧ шуны бур морттэзӧн.

Матвей 20:9

Локтасӧ вит часас медалӧммес. Нылӧ вештасӧ ӧтік динарийӧн.