1 Фессалоникаын оліссезлӧ 5:15 - Бур Юӧр 2019

¹⁵ Видзӧтӧ, медбы некинлӧ эд вештісьӧ умӧль понда умӧльӧн. Ӧтамӧднытлӧ да и быдӧнныслӧ пыр кошшӧ керны бурсӧ.

1 Фессалоникаын оліссезлӧ 5:15 Referans Kwoze

1 Петра 3:9

Умӧльыс понда умӧльнас эд вештісьӧ. Тіянӧс видасӧ кӧ, эд видчӧ, а бласлӧвитӧ. Тійӧ эд сідз керны корӧмӧсь. Сэк и тіянлӧ Еныс сетас лӧсьӧтӧм пайсӧ ─ бласлӧвитӧмсӧ.

Галатияын оліссезлӧ 6:10

Кытчӧдз эм эшӧ кадыс, пондам керны бурсӧ быдӧнныслӧ. Ӧддьӧнжык пондам отсасьны миянкӧт веритіссезлӧ.

3 Иоан 1:11

Донаӧ, эн кер лёк кериссес моз, кер бурсӧ кериссес моз. Бурсӧ керисьыс Енсянь. Умӧльсӧ керисьыс эз адззыв Енсӧ.

Еврейезлӧ 12:14

Вынсьӧтчӧ быдӧнныскӧт овны лӧсялӧмӧн, лоӧ вежа отирӧн. Вежа олантӧг эд некин оз вермы адззывны Дӧсвидзисьсӧ.

1 Петра 1:22

Быльсӧ кывзісьӧмӧн да Лов отсӧтӧн тійӧ сӧстӧммит, медбы воннэзнытӧ быдӧннысӧ радейтны ӧтмоза. Сӧстӧм сьӧлӧмсянь ӧтамӧднытӧ радейтӧмныт ась оз кус.

2 Тимофейлӧ 2:24

Дӧсвидзисьлӧн раблӧ оз ков видчыны. Колӧ быдыскӧт лоны небытӧн, колӧ кужны велӧтны да видзсьыны ыджыт мылаӧн,

1 Тимофейлӧ 6:11

Тэ Енлӧн морт, этаись пышшы. Тэ вынсяв Ен сьӧрті веськыта олӧмат, Енлӧ юрбитӧмат, веритӧмат, радейтӧмат, ыджыт мылаӧн да рама видзсьӧмат.

Титлӧ 3:2

Некинӧс ась озӧ умӧльтӧ, озӧ етшасьӧ. Быд морткӧт ась лӧсялӧны, рам сьӧлӧмӧн олӧны.

1 Фессалоникаын оліссезлӧ 2:12

Мийӧ тіянӧс туйдӧтім, ӧзйӧтім, кеймисьӧмӧн корим овны сідз, кыдз колӧ Енлӧ. Сія тіянӧс корӧ эд Аслас Юраланінӧ да югьяланінӧ.

Ефесын оліссезлӧ 5:15

Сідзкӧ, видзӧтӧ ас сьӧраныт. Быдӧс керӧ бур мывкыдӧн, эд керӧ мывкыдтӧммес моз.

1 Коринфын оліссезлӧ 14:1

Вынсьӧтчӧ зорамны радейтӧмас. Корӧ Лолыслісь верман-кужан козиннэсӧ. Буржыка корӧ, медбы вермит Енсянь юӧртны.

1 Коринфын оліссезлӧ 6:7

Тійӧ кӧ ӧтамӧд коласаныт судитчат, этӧн ни эд аслыныт умӧльсӧ керат. Абу я буржык тіянлӧ умӧльсӧ нуӧтны? Тіянлісь мыйкӧ мырддясӧ кӧ, абу разь буржык кольччыны сідз, бӧрйисьтӧг?

Римын оліссезлӧ 14:19

Сідзкӧ, пондам кошшыны сійӧ, мый вайӧтӧ ас коласаным лӧсявны да ӧтамӧднымӧс вынсьӧтны.

Римын оліссезлӧ 12:9

Радейтӧмныт ась оз ло дзир мыччалӧм могись. Умӧльсӧ керӧм дынісь бергӧтчӧ, кутчисьӧ бурыс бердӧ.

Лука 6:35

А тійӧ радейтӧ тіян вылӧ лэбтісиссесӧ, отсалӧ, одзӧсӧн сеталӧ, нем эд видзчисьӧ нысянь. Сэк лоас тіянлӧ ыджыт козин. Тійӧ Медвылісьыслӧ лоатӧ челядьӧн. Сія эд небыт сьӧлӧма и честь тӧдтӧммескӧт да лӧггескӧт.

Матвей 5:39

А Ме висьтала тіянлӧ: тэныт лёк керӧм понда эн вештісь. Веськыт пельбокат сӧтас кӧ, бергӧт шульгатӧ.

1 Петра 2:17

Быдӧннысӧ бурӧ пуктӧ, воннэзнытӧ радейтӧ, Енсис полӧ, ӧксусӧ кывзӧ.

Ефесын оліссезлӧ 5:33

Сідзкӧ, быд ай морт, радейт ассит иньтӧ асьтӧ моз. Инь, бурӧ пукты ассит жӧниктӧ.

1 Коринфын оліссезлӧ 16:10

Локтас кӧ тіян дынӧ Тимофейыс, сы сьӧрын видзӧтӧ, медбы некин сылӧ умӧльсӧ эз кер. Сія эд ме моз керӧ Дӧсвидзисьыслісь уджсӧ.

Осьтӧм 22:9

Сія тай шуис меным: «Эн кер сідз. Ме тіян кодь Енлӧ кысъялісь: тэ кодь, Енсянь юӧртісь воннэт кодь, да ны кодь, кӧдна олӧны эта небӧгын гижӧм сьӧрті. Еныслӧ копыртчы».

Осьтӧм 19:10

Сэк ме уськӧтчи сылӧ коккезас копыртчыны. Сія меным висьталіс: «Видзӧт, эн кер сідз! Ме эд Енлӧн уджалісь, кыдз тэ да тэнат воннэт, кӧдна висьтасьӧны Исусыс йылісь. Еныслӧ копыртчы! Исусыс йылісь висьтасиссес эд баитӧны Енсянь юӧртан Ловсянь».

1 Фессалоникаын оліссезлӧ 5:21

Быдӧс тӧдмалӧ-видзӧтӧ, бурыс бердӧ видзсьӧ.

Ап. керӧммез 16:28

Павелыс горӧтіс: «Эн кер умӧльсӧ аслыт, мийӧ эд быдӧнным татӧн!»