1 Фессалоникаын оліссезлӧ 5:13 - Бур Юӧр 2019

¹³ Бурӧ пуктӧ да радейтӧ нійӧ уджалӧмныс понда. Ас коласаныт лӧсялӧ.

1 Фессалоникаын оліссезлӧ 5:13 Referans Kwoze

Марк 9:50

Солыс ─ буртор. Но лоас кӧ солыс дуб, мыйӧн сійӧ керан соланас? Солыс ась лоӧ тіян пытшкын, ас коласаныт олӧ лӧсялӧмӧн».

Еврейезлӧ 12:14

Вынсьӧтчӧ быдӧнныскӧт овны лӧсялӧмӧн, лоӧ вежа отирӧн. Вежа олантӧг эд некин оз вермы адззывны Дӧсвидзисьсӧ.

Яков 3:18

Отирсӧ ӧтамӧдкӧт бурӧтіссес-лӧньсьӧтіссес кӧдзӧны лӧнь оланлісь кӧдзыссӧ. Сэтісь воӧмыс ─ Ен сьӧрті веськыта олӧм.

Ефесын оліссезлӧ 4:3

Вынсьӧтчӧ видзсьыны Ен Ловсянь йитчӧмын да лӧньын, кӧда тіянӧс ӧтлаӧтӧ.

Галатияын оліссезлӧ 5:22

А Ловлӧн воӧмыс ─ радейтӧм, гаж, лӧнь, уна мылаӧн видзсьӧм, бурсӧ керӧм, отсасьӧм, веритӧм,

2 Коринфын оліссезлӧ 13:11

Воннэзӧ, медбӧрын висьтала: пыр лоӧ гажаӧсь, вежсьӧ бурланьӧ, ӧтамӧднытӧ бурӧтӧ, ӧтамӧдныткӧт лӧсялӧ, олӧ лӧня. Сэк лӧньсӧ да радейтӧмсӧ сетісь Еныс оз коль тіянӧс.

Иоан 15:17

Менам тшӧктӧмӧ сэтшӧм: радейтӧ ӧтамӧднытӧ».

2 Тимофейлӧ 2:22

Том кадся быдкодь ӧзйӧтчӧммез дынісь пышшав. Дӧсвидзисьсӧ сӧстӧм сьӧлӧмсянь кориссезкӧт вынсьӧтчы овны Ен сьӧрті веськыта, веритӧмӧн, радейтӧмӧн да лӧня.

2 Фессалоникаын оліссезлӧ 3:16

Ачыс Дӧсвидзисьыс, лӧньсӧ Сетісьыс, ась быдлаын да быд кадӧ сетас тіянлӧ Ассис лӧньсӧ. Дӧсвидзисьыс ась лоас тіянкӧт быдӧнныткӧт!

Колосын оліссезлӧ 3:15

Еныслӧн сетӧм лӧньыс ась веськӧтлӧ сьӧлӧммезнаныт. Тійӧ эд корӧмӧсь лӧнь оланӧ, ӧктӧмӧсь ӧтік вывтырӧ. Енсӧ буркывтны эд вунӧтӧ!

Галатияын оліссезлӧ 6:6

Кинӧс Ен Кылас велӧтӧны, сія ась быдӧсісь, мый сылӧн эм, янсӧтӧ велӧтісьыслӧ.

Галатияын оліссезлӧ 4:14

Менам шогӧтӧсь вывтыр вылӧ видзӧттӧг менӧ панталіт Енлісь ангелӧс моз, кыдз Кристос Исуссӧ. Тійӧ эдӧ бергӧтчӧ ме дынісь.

Матвей 10:40

«Кин тіянӧс гортас лэдзӧ, сія Менӧ лэдзӧ. Кин Менӧ лэдзӧ, сія лэдзӧ Менӧ Ыстісьсӧ.

1 Фессалоникаын оліссезлӧ 5:14

Воннэзӧ, корам тіянӧс: дышшесӧ мывкыдсьӧтӧ, поліссесӧ вынсьӧтӧ, вынтӧммеслӧ отсалӧ. Быдӧнныскӧт видзсьӧ ыджыт мылаӧн.