1 Фессалоникаын оліссезлӧ 5:11 - Бур Юӧр 2019

¹¹ Сійӧн ӧтамӧднытӧ ӧзйӧтӧ-туйдӧтӧ да вынсьӧтӧ. Тійӧ эд сідз и керат.

1 Фессалоникаын оліссезлӧ 5:11 Referans Kwoze

Ефесын оліссезлӧ 4:29

Некытшӧм умӧль баитӧм ась оз пет тіян ӧмись. Баитӧ дзир бурӧ, медбы кывзісьсӧ вынсьӧтны веритӧмас да сылӧ бур вӧлі.

Еврейезлӧ 10:25

Пыр пондам ӧксьывлыны ӧтлаӧ. Огӧ пондӧ керны мукӧдыс моз, кӧдна дугдісӧ вовлывлыны. Пондам вынсьӧтны ӧтамӧднымӧс, Дӧсвидзисьлӧн Луныс эд сибалӧ.

Римын оліссезлӧ 15:2

Миянлӧ быдӧннымлӧ колӧ тӧждісьны матісьным понда, медбы сылӧ вӧлі буржык. Сысянь нылӧн веритӧмныс вынсялӧ.

Еврейезлӧ 3:13

Вынсьӧтӧ ӧтамӧднытӧ быд лун, кытчӧдз кадсӧ позьӧ шуны «талун». Ась некин тіян коласісь оз бӧбась умӧльсӧ керны да сысянь оз чорзьӧт сьӧлӧмсӧ.

1 Фессалоникаын оліссезлӧ 4:18

Сідзкӧ, ӧтамӧднытлісь сьӧлӧммезнытӧ бурмӧтӧ этна кыввезӧн.

Римын оліссезлӧ 14:19

Сідзкӧ, пондам кошшыны сійӧ, мый вайӧтӧ ас коласаным лӧсявны да ӧтамӧднымӧс вынсьӧтны.

1 Коринфын оліссезлӧ 14:12

Тійӧ Лолыслісь ӧддьӧн корат верман-кужан козиннэсӧ. Сідзкӧ, корӧ сэтшӧммезӧ, медбы вермит вичкусӧ вынсьӧтны.

Ефесын оліссезлӧ 4:12

Нійӧ сувтӧтіс зорӧтны вежа отирсӧ, керны Еныслісь уджсӧ, вынсьӧтны Кристослісь Вывтырсӧ, Вичкусӧ.

Иуда 1:20

Донаэзӧ, тійӧ кеймиканыт ӧтлаасьӧ Вежа Лолыскӧт, вежа веритӧмас асьнытӧ вынсьӧтӧ!

Ефесын оліссезлӧ 4:16

видзӧ вывтырсӧ. Сія вывтырсис быд торсӧ ӧтлаӧтӧ быдпӧлӧс сӧннэзӧн. Вывтырын быд торлӧн аслас удж. Сідз вывтырыс быдмӧ да вынсялӧ радейтӧмас.

1 Коринфын оліссезлӧ 10:23

«Меным быдӧс позьӧ». Быдӧсісь эд абу бурыс. «Меным быдӧс позьӧ», а быдӧсыс эд мортсӧ оз велӧт бурас.

2 Петра 1:12

Тійӧ и тӧдат, и вынсьӧтӧмӧсь эта велӧтӧмын. А ме некӧр ог дугды казьмӧтлыны тіянлӧ эта йылісь.

2 Коринфын оліссезлӧ 12:19

Эдӧ я юраныт пыртӧ, мийӧ асьнымӧс дорьямӧ пӧ тіян одзын? Мийӧ, Кристоскӧт ӧтлаасьӧммес, висьталам Ен одзын: донаэзӧ, этӧ быдӧс керим, медбы тіянӧс вынсьӧтны.

1 Коринфын оліссезлӧ 14:29

Енсянь юӧртіссес ась баитӧны кыкӧн, куимӧн я. Мӧддэс висьталӧмсӧ ась тӧдмалӧны да авйӧны.

Римын оліссезлӧ 15:14

Воннэзӧ, ме бура тӧда: тіян уна быдкодь бурыс, тійӧ уна тӧдат, асьныт вермат ӧтамӧднытӧ велӧтны.

1 Тимофейлӧ 1:4

да эзӧ чулӧтӧ весись кадсӧ абутӧмыс йылісь баитӧмнаныс, орӧттӧг эзӧ бӧрйисьӧ чужан вужжезас. Сэтісь лэбтісьӧ уна етшасьӧм. Сія оз отсав керны Еныслісь уджсӧ, кӧдӧ позьӧ керны дзир веритӧмӧн.

1 Фессалоникаын оліссезлӧ 4:10

Македония пасьта веритіссесӧ тійӧ радейтат. Корам тіянӧс и одзлань ӧддьӧнжык радейтны ӧтамӧднытӧ.

1 Коринфын оліссезлӧ 14:5

Ме сьӧрті дак, быдӧнныт бы баитіт мӧдік кыввез вылын. Буржык эд, пондат кӧ Енсянь юӧртны. Отирыслӧ эд Енсянь юӧртісьыс коланажык мӧдік кыввез вылын баитісься. Но мӧдік кыввез вылын баитісьыс пондас кӧ вуджӧтны баитӧмсӧ, сэк сы висьталӧмсянь вичкуыс пондас вынсявны.