1 Фессалоникаын оліссезлӧ 3:6 - Бур Юӧр 2019

⁶ Ӧні Тимофейыс бертіс тіян дынсянь. Сія миянлӧ вайис радейтӧмныт да веритӧмныт йылісь бур юӧр. Миянӧс пӧ тійӧ видзат тӧдвыланыт да миян моз ӧддьӧн мӧдат адззисьлыны миянкӧт.

1 Фессалоникаын оліссезлӧ 3:6 Referans Kwoze

1 Коринфын оліссезлӧ 11:2

Воннэз, ошка тіянӧс. Менчим висьталӧмӧс тійӧ видзат тӧдвыланыт. Быдӧс керат велӧтӧмыс сьӧрті.

1 Фессалоникаын оліссезлӧ 1:3

Ен Айным одзын мийӧ пыр касьтывлам тіянлісь веритӧмсянь керӧмнытӧ, радейтӧмсянь уджалӧмнытӧ да мыла быртӧг миян Дӧсвидзись Кристос Исус вылӧ надейтчӧмнытӧ.

Ап. керӧммез 18:5

Сэтчӧ Македонияись локтісӧ Сила да Тимофей. Сэк Павелсӧ Вежа Лов ӧзйӧтіс висьтасьны иудейеслӧ: Исусыс и эм Кристос-Мездӧтісьыс.

Филипын оліссезлӧ 1:8

Еныс эд тӧдӧ: ме Кристос Исусыс моз ёна радейта тіянӧс.

1 Иоан 3:23

Еныс тшӧктіс, медбы мийӧ веритім Сылӧн Кристос Исус Зонлӧ да радейтім ӧтамӧднымӧс.

Еврейезлӧ 13:7

Видзӧ тӧдвыланыт ассиныт велӧтіссезнытӧ, кӧдна висьтасисӧ тіянлӧ Енлісь Кывсӧ. Видзӧтӧ, кыдз нія олісӧ, да ны моз веритӧ.

Еврейезлӧ 13:3

Эд вунӧтлӧ отсавны пукаліссеслӧ, жыв и тійӧ ныкӧт ӧтлаын пукалат. Отсалӧ и нылӧ, кӧдналӧ лёк кериссезсянь умӧльыс усьӧ. Тійӧ эд кытчӧдз и асьныт му вылас олат.

Филимонлӧ 1:5

Меным эд кывсис Дӧсвидзись Исуслӧ веритӧмыт йылісь да быдӧс вежа отирсӧ радейтӧмыт йылісь.

2 Тимофейлӧ 1:3

Ме сӧстӧм сьӧлӧмӧн айезным моз уджала Еныслӧ. Ой и лун кеймикам дугдывтӧг касьтывла тэнӧ, ошка Енсӧ тэ понда.

1 Тимофейлӧ 1:5

Ме сеті этнӧ тшӧктӧммесӧ, медбы тіян вӧлі радейтӧм. Радейтӧмыс петӧ сӧстӧм сьӧлӧмсянь, умӧльсӧ кертӧг олӧмсянь да былись веритӧмсянь.

2 Фессалоникаын оліссезлӧ 1:3

Воннэзӧ, миянлӧ дугдывтӧг колӧ буркывтны Енсӧ тіян понда. Тіян веритӧмныт эд содӧ, ӧтамӧднытӧ радейтӧмныт быдӧннытлӧн вынсялӧ.

1 Фессалоникаын оліссезлӧ 2:17

Воннэзӧ, мийӧ тіянкӧт янсалім кытшӧмкӧ кадӧдз. Сьӧлӧммезным эд миян пыр ӧтлаын. Мийӧ ӧддьӧн гажтӧмтчим, сійӧн бы адззылам тіянӧс.

1 Фессалоникаын оліссезлӧ 2:9

Воннэзӧ, миян уджным тӧдвыланыт. Енлісь Бур Юӧрсӧ висьтасьӧмным коста мийӧ вовлім садь быртӧдз. Мийӧ уджалім ой и лун, медбы миянсянь некинлӧ тіян коласісь эз вӧв сьӧкыт. Асланым киэзӧн шедтім оланын коланасӧ.

Колосын оліссезлӧ 4:18

Ме, Павел, медбӧрья кыввесӧ гижа аслам киӧн. Месянь тіянлӧ пым юӧр. Тӧдвыланыт видзӧ менчим Кристос понда пукалӧмӧс. Еныслӧн бурсетӧмыс ась лоас тіянкӧт быдӧнныткӧт! Аминь.

Колосын оліссезлӧ 1:4

Миянлӧ кывсис Кристос Исуслӧ тіян веритӧм йылісь да быдӧс вежа отирсӧ радейтӧмныт йылісь.

Галатияын оліссезлӧ 5:6

Вундыштыштӧм тэ, абу я, Кристос Исускӧт ӧтлаасьӧммеслӧ сія нем оз сет. Эстӧн медколанаыс веритӧм, кӧда тыдалӧ радейтӧм пыр.

1 Коринфын оліссезлӧ 13:13

Этна куимыс пыр лоасӧ: веритӧм, надейтчӧм да радейтӧм. Ны коласісь радейтӧмыс медвына.

Ап. керӧммез 18:1

Афинсис мунӧм бӧрын Павел локтіс Коринфӧ.

Ап. керӧммез 16:1

Павел локтіс Дервия да Листра каррезӧдз. Листраын вӧлі Тимофей нима велӧтчись. Мамыс сылӧн вӧлі иудей отирись, Кристослӧ веритісь морт. Айыс сылӧн вӧлі грек.

1 Фессалоникаын оліссезлӧ 3:7

Эта сьӧкыт кадӧ, кӧр миянӧс вашӧтлӧны, тіян веритӧм йылісь кылӧмсянь мийӧ вынсялім.