1 Фессалоникаын оліссезлӧ 3:5 - Бур Юӧр 2019

⁵ Ме эг ни вермы видзсьыны, сійӧн ысті Тимофейсӧ тӧдны тіян веритӧм йылісь. Ме полі, ылӧтлісьыс эз жӧ бы ылӧт тіянӧс, да миян уджным эз ло весись.

1 Фессалоникаын оліссезлӧ 3:5 Referans Kwoze

Матвей 4:3

Сэк Сы дынӧ локтіс ылӧтлісь да шуис: «Тэ кӧ Енлӧн Зон, висьтав, этна иззэс ась пӧртчӧны няньӧ».

2 Коринфын оліссезлӧ 2:11

Сэк сотанаыс миянлӧ умӧльсӧ оз кер. Мийӧ эд тӧдам, мый сія юрас видзӧ.

Филипын оліссезлӧ 2:16

Тійӧ видзсят олан сетан Кыв бердӧ. Сійӧн ме понда ошшасьны Кристослӧн локтан лунӧ: ме ассим олан туйӧс эг мун весись, эг весись мырсьы.

Ефесын оліссезлӧ 4:14

Сэк мийӧ огӧ ни лоӧ учӧт челядь кодьӧсь. Огӧ ни сюрӧ быдпӧлӧс бӧбӧтана велӧтӧммезас, кӧдна тӧв моз ас сьӧраныс ӧтмӧдӧрӧ кыскӧны. Сэтшӧм велӧтӧммес петӧны ылӧтны кужись отирсянь.

Галатияын оліссезлӧ 4:11

Тіян понда менӧ полӧм кутӧ. Эг я ме весись уджав тіян дынын?

Галатияын оліссезлӧ 2:2

Ме сэтчин муні Енлӧн осьтӧм сьӧрті. Вичкуын ыджытжыккезӧ пуктӧммезлӧ висьтаси, кыдз висьтася Бур Юӧрсӧ мӧдік отирлӧ. Меным коліс нысянь тӧдны, эг я ме весь кутчы эта удж бердӧ, кӧдӧ ӧнӧдз кера.

1 Коринфын оліссезлӧ 7:5

Гозйӧн олӧм коста ӧтамӧдныт дынісь эд ылӧтчӧ. Баитчӧм бӧрын, медбы кӧслунавны да кеймыны, ӧтамӧдныт дынісь мымдакӧ вермат видзсьыны торйын. Сэсся бӧра олӧ ӧтлаын, медбы эз вермы ылӧтны сотанаыс, одӧ вермӧ кӧ видзсьыны.

1 Фессалоникаын оліссезлӧ 3:6

Ӧні Тимофейыс бертіс тіян дынсянь. Сія миянлӧ вайис радейтӧмныт да веритӧмныт йылісь бур юӧр. Миянӧс пӧ тійӧ видзат тӧдвыланыт да миян моз ӧддьӧн мӧдат адззисьлыны миянкӧт.

1 Фессалоникаын оліссезлӧ 2:1

Воннэзӧ, асьныт тӧдатӧ: тіян дынӧ вовлӧмным эз вӧв весись.

Ап. керӧммез 15:36

Чулаліс мымдакӧ кад. Павелыс шуис Варнаваыслӧ: «Мунам каррезӧт, кытӧн висьтасим Дӧсвидзисьлісь Кывсӧ, пантасьлам воннэзнымкӧт да видзӧтам нылісь олансӧ».

2 Коринфын оліссезлӧ 6:1

Мийӧ Еныскӧт ӧтвыв уджаліссез. Сійӧн кеймисям тіян одзын: Енлісь бурсетӧмсӧ босьтӧ сьӧлӧманыт, медбы сія эз вӧв тіянлӧ весись сетӧм.

Филипын оліссезлӧ 2:19

Дӧсвидзись Исус отсӧтӧн ме лӧсьӧтча чожа ыстыны тіян дынӧ Тимофейсӧ. Сія меным висьтасяс тіян олӧм йылісь, и менам сьӧлӧмӧ бурмас.