1 Фессалоникаын оліссезлӧ 3:13 - Бур Юӧр 2019

¹³ Сія ась вынсьӧтас тіянлісь сьӧлӧммезнытӧ, медбы вӧліт сӧстӧммезӧн да вежаэзӧн Ен Айным одзын, кӧр миян Дӧсвидзись Кристос Исусным локтас быдӧс вежаэскӧт. Аминь.

1 Фессалоникаын оліссезлӧ 3:13 Referans Kwoze

1 Фессалоникаын оліссезлӧ 5:23

Лӧньсӧ сетісь Еныс ась керас тіянӧс быдсӧн вежаэзӧн. Дӧсвидзись Кристос Исусным локтік кежӧ ась видзас тіянӧс сӧстӧммезӧн: и ловнытӧ, и оланнытӧ, и вывтырнытӧ.

Колосын оліссезлӧ 1:22

Ӧні Еныс тіянкӧт бурасис Кристосыс вывтырын, Сы кулӧм пыр. Сія тіянӧс мӧдӧ сувтӧтны одзас сӧстӧммезӧн да вежаэзӧн. Сылӧ колӧ, медбы тіян сайын эз вӧв нем умӧльыс.

Ефесын оліссезлӧ 5:27

Кристосыс сідз керис, медбы Вичкусӧ вайӧтны одзас быд ладорсянь югьяланаӧн, медбы сы вылын эз вӧв ӧтік нятёк, кытшӧмкӧ чукыр али мыйкӧ мӧдік. Сія ась лоӧ вежаӧн, медбы нем умӧльыс эз вӧв сы сайын.

1 Фессалоникаын оліссезлӧ 2:19

Кин миян гажыс, надеяыс да ошкан юркытшыс? Этӧ тійӧ. Мийӧ пондам ошшасьны тіянӧн Дӧсвидзись Кристос Исусным одзын Сылӧн локтӧм коста.

Иуда 1:14

Енокыс Адамсянь сизимӧт ай. Сія одзланьсясӧ висьтавлӧм сідз: «Видзӧт! Локтӧ Дӧсвидзисьыс Аслас лыдтӧм вежа ангеллэзкӧт.

Иуда 1:24

Ошкӧ Сійӧ, Кин вермас видзны тіянӧс усьӧмись. Еныс вермас тіянӧс вайӧтны Аслас югьяланінӧ сӧстӧммезӧн да гажӧтчиссезӧн.

1 Фессалоникаын оліссезлӧ 4:15

А этна тіянлӧ висьталӧм кыввезным Дӧсвидзисьлӧн: миян коласісь мукӧдыс пондасӧ овны Дӧсвидзисьлӧн локтӧмӧдз. Мийӧ, овны кольччӧммес, огӧ одзалӧ кулӧммесӧ.

1 Фессалоникаын оліссезлӧ 3:11

Ась Ачыс Ен Айным да Дӧсвидзись Кристос Исусным лӧсьӧтасӧ миянлӧ туйсӧ тіян дынӧ.

Филипын оліссезлӧ 1:10

Кристослӧн бертан лунӧ сэк буржыксӧ тӧдӧмсянь тійӧ лоат сӧстӧмӧсь. Сэк некин оз вермы висьтавны тіян йылісь умӧльсӧ.

2 Фессалоникаын оліссезлӧ 2:1

Гижам миян Дӧсвидзись Кристос Исуслӧн локтӧм йылісь да Сы дынӧ миян ӧксьӧм йылісь. Воннэзӧ, кеймисям тіянлӧ:

2 Фессалоникаын оліссезлӧ 1:10

Эта лоас Дӧсвидзисьлӧн локтан Лунӧ. Сэк Сылӧн быдӧс вежа отирыс пондасӧ ошкыны Сійӧ. Веритіссес быдӧнныс пондасӧ дивуйтчыны Сы одзын. И тійӧ лоат ны коласын, тійӧ эд веритіт миян висьтасьӧмӧ.

Римын оліссезлӧ 14:4

Кин тэ сэтшӧмыс, мӧдіклісь рабсӧ осудитісь? Усьӧ сія, сулалӧ я ─ сылӧн Кӧзяиныс сійӧ тӧдӧ. Сія пондас сулавны, Еныслӧн выныс эд эм сійӧ лэбтыны.

1 Петра 5:10

Тійӧ ӧні мыйкӧ дырна пессят-мырсят. Но быдӧс бурсетӧмыс локтӧ Енсянь. Сія тіянӧс Кристос Исусыс пыр корис Аслас пырся югьяланінӧ. Ӧні Сія Ачыс керас тіянӧс быдсӧн бурресӧн, лэбтас да вынсьӧтас, велӧтас чорыта видзсьыны.

1 Коринфын оліссезлӧ 15:23

Быдыс ловзяс аскадӧ: одзлань Кристосыс, сэсся Сы локтӧм коста Кристослӧн отирыс.

Матвей 25:31

«Морт Зон Аслас югьялӧмӧн локтас вежа ангеллэскӧт. Сія пуксяс юралісьӧн Аслас югьялана пукӧс вылӧ.

Марк 8:38

Ӧння кадӧ олӧны умӧльсӧ керись, лэдзчисьӧм отир. Ны одзын кинлӧ тӧдны Менӧ да Менчим кыввезӧс рожа кулян, и сійӧ мортсӧ тӧдны Морт Зонлӧ лоас рожа кулян, кӧр локтас Айыс югьялӧмӧн вежа ангеллэзкӧт».

Лука 1:6

Нія кыкнанныс олісӧ Ен сьӧрті веськыта. Быдӧс керисӧ Дӧсвидзисьлӧн велӧтӧммез, тшӧктӧммез сьӧрті.

Галатияын оліссезлӧ 1:4

Сія сетіс Асьсӧ миян умӧль керӧммез понда, медбы мездыны миянӧс ӧння кадісь, кӧда тырӧма лёкнас. Исусыс сійӧ керис Ен Айным лӧсьӧтӧм сьӧрті.

1 Фессалоникаын оліссезлӧ 3:2

а Тимофей воннымӧс ыстам тіян дынӧ». Сія миян моз Енлӧ уджалӧ, висьтасьӧ Кристослісь Бур Юӧрсӧ. Тимофейыс вынсьӧтас тіянлісь веритӧмнытӧ, кокньӧтас сьӧлӧмнытӧ,

1 Фессалоникаын оліссезлӧ 4:17

Сэсся мийӧ, ловйӧн кольчӧммес, ныкӧт ӧтлаын лэбтісям кымӧр вылын руас пантасьны Дӧсвидзиськӧт. Сэксянь Дӧсвидзисьыскӧт пыр ӧтлаын лоам.

2 Фессалоникаын оліссезлӧ 1:7

А тіянлӧ да миянлӧ, ӧні пессись-мырсиссеслӧ, Еныс сетас шоччӧтсӧ. Сія лоас, кӧр Дӧсвидзись Исусыс Аслас вына ангеллэзкӧт локтас енӧжсянь.

Яков 5:8

Ыджыт мылаӧн видзчисьӧ и тійӧ. Вынсьӧтӧ ассиныт сьӧлӧммезнытӧ, Дӧсвидзисьлӧн локтӧмыс сибалӧ.