1 Фессалоникаын оліссезлӧ 2:8 - Бур Юӧр 2019

⁸ Миянӧс сьӧлӧмным кыскӧ тіян дынӧ. Мийӧ тіянлӧ висьтасим Бур Юӧрсӧ и ассиным ловнымӧс пуктім тіян понда. Тійӧ сэтшӧм донаӧсь лоит миянлӧ.

1 Фессалоникаын оліссезлӧ 2:8 Referans Kwoze

1 Иоан 3:16

Исусыс миян понда сетіс Ассис олансӧ. Сы сьӧрті мийӧ пондім тӧдны радейтӧмсӧ. Сідз и миянлӧ воннэзным понда колӧ сетны ассиным оланнымӧс.

2 Коринфын оліссезлӧ 12:15

Ме кокнита понда видзны ассим быдӧс, мый эм, да и ачымӧс сета тіян понда. Ме эд тіянӧс ёна радейта, поди, сійӧн тійӧ менӧ умӧля радейтат?

Филипын оліссезлӧ 2:17

Ме уджала тіян веритӧм понда. И ковсяс кӧ меным тіян понда нельки кисьтны ассим вирӧс да вайны ачымӧс езъялан козин туйӧ, ме и сэк гажма. Понда гажӧтчыны тіянкӧт ӧтлаын.

Еврейезлӧ 13:17

Кывзісьӧ тіян вылын сувтӧтӧммесӧ. Керӧ висьталӧмныс сьӧрті. Нія дугдывтӧг эд тӧждісьӧны тіян понда. Нылӧ быдӧнныт понда ковсяс Еныс одзын кыв видзны. Тіянкӧт нія ась уджалӧны кокнит сьӧлӧмӧн. Пондасӧ кӧ нія сьӧкыта ышлолавны, тіянлӧ сэтісь оз ло бурыс.

Филипын оліссезлӧ 4:1

Менам воннэзӧ, ме тіянӧс ёна радейта. Пыр видзчися тіянкӧт пантасьны. Тійӧ эд менам гажӧ да ошшасян юркытшӧ. Донаэзӧ, ёна видзсьӧ Дӧсвидзисьыс бердӧ!

Галатияын оліссезлӧ 4:19

Челядьӧ, менам тіян понда бӧра кага чужтан шог. Сія менам шогыс оз чулав сэтчӧдз, кытчӧдз тійӧ олӧмнаныт одӧ пондӧ вачкисьны Кристосыс вылӧ.

2 Коринфын оліссезлӧ 6:1

Мийӧ Еныскӧт ӧтвыв уджаліссез. Сійӧн кеймисям тіян одзын: Енлісь бурсетӧмсӧ босьтӧ сьӧлӧманыт, медбы сія эз вӧв тіянлӧ весись сетӧм.

Филимонлӧ 1:1

Гижӧ Павел, Кристос Исус понда пукалісь. Тимофей вонӧкӧт гижам дона Филимонлӧ, миянкӧт уджалісьлӧ.

Колосын оліссезлӧ 4:12

Пым юӧр ыстӧ тіян Епафрас, Кристос Исуслӧн раб. Сія дугдывтӧг кеймӧ, пессьӧ тіян понда, медбы тійӧ вынсяліт да лоит быдсӧн бурӧсь и медбы тіян быдӧс вӧлі Еныс сьӧрті.

Колосын оліссезлӧ 1:28

Мийӧ ӧні Сы йылісь висьтасям. Отирсӧ туйдӧтам да велӧтам быдсӧн мывкыднаным. Сідз керам, медбы Кристос Исускӧт ӧтлаасьӧм отирсӧ вайӧтны Еныс одзӧ быдсӧн буррезӧн.

Колосын оліссезлӧ 1:7

Сійӧ тіянлӧ висьтасис дона Епафрас, кӧда миянкӧт уджалӧ. Сія Кристослӧн надейнӧй кысъялісь, уджалӧ тіян дынын.

Филипын оліссезлӧ 2:20

Тимофейыс моз тіян понда сідз тӧждісиссес менам сэсся абуӧсь.

Римын оліссезлӧ 15:29

Ме тӧда: кӧр локта тіян дынӧ Бур Юӧрнас, Кристосыс бласлӧвитас тіянӧс тырмӧмви.

Римын оліссезлӧ 10:1

Воннэзӧ! Ме сьӧлӧмсянь кейма да кора Енсӧ мездыны Израиль отирсӧ.

Филипын оліссезлӧ 1:8

Еныс эд тӧдӧ: ме Кристос Исусыс моз ёна радейта тіянӧс.

Лука 7:2

Сэтӧн олӧм сё воинӧн веськӧтлісь, кӧдалӧн кысъялісьыс шогалӧм, вӧлӧм кулан дорын ни. Веськӧтлісьыслӧ сія вӧлӧм ӧддьӧн дона.

Римын оліссезлӧ 1:1

Гижӧ Павел, Кристос Исуслӧн раб. Менӧ бӧрйис Еныс. Сія сувтӧтіс менӧ нуӧтны апостоллісь удж ─ юӧртны отирлӧ Ассис Бур Юӧрсӧ.