1 Фессалоникаын оліссезлӧ 1:8 - Бур Юӧр 2019

⁸ Тіян дынсянь эд Дӧсвидзисьлӧн Кылыс паськаліс Македонияӧттяс да Акаияӧттяс. Да и быдлаын пондісӧ тӧдны Енлӧ веритӧмныт йылісь. Сійӧн миянлӧ мӧдіккезлаын нем оз ков висьтасьны тіян йылісь.

1 Фессалоникаын оліссезлӧ 1:8 Referans Kwoze

Римын оліссезлӧ 1:8

Медодз висьтала: Кристос Исус нимӧн буркывта ассим Енӧс быдӧнныт понда. Кристослӧ веритӧмныт йылісь юӧрыс паськалӧ эд муыс пасьта.

Осьтӧм 14:6

Сыбӧрын ме казялі: енӧж шӧрӧттяс лэбзис мӧдік ангел. Сылӧн вӧлі пырся Бур Юӧр. Сылӧ коліс Юӧрсӧ висьтасьны му вылас оліссезлӧ: быд увтырлӧ, быд чужан вужлӧ, быдкодь кыв вылын баитіссезлӧ да быд отирлӧ.

3 Иоан 1:12

Димитрийыс йылісь быдӧнныс баитӧны бурӧ. Сідз и ачыс быльыс висьталӧ, и мийӧ сідз висьталам. Тійӧ эд тӧдат, мийӧ огӧ бӧбӧтчӧ.

2 Фессалоникаын оліссезлӧ 1:4

Сійӧн мийӧ Енлӧн вичкуэзын и ошшасям тіянӧн. Висьтасям веритӧмныт йылісь да ыджыт мылаӧн видзсьӧмныт йылісь вашӧтлӧммез да пессьӧм-мырсьӧммез коста.

2 Фессалоникаын оліссезлӧ 3:1

А ӧні воннэзӧ, кора тіянӧс: кеймӧ миян понда. Дӧсвидзисьлӧн Кылыс ась перыта паськалӧ, медбы сійӧ бурӧ пуктісӧ да сія йиджис кывзіссес сьӧлӧмӧ тіянын моз.

Осьтӧм 22:17

Лолыс да невестаыс шуӧны: «Лок!» Кылісьыс ась висьталӧ: «Лок!» Кинлӧн косьмӧ горшыс ─ ась локтӧ. Кинлӧ колӧ, ась вештісьтӧг босьтӧ олан васӧ.

Римын оліссезлӧ 16:19

Тійӧ быдӧс керат Кристослӧн велӧтӧм сьӧрті. Эта йылісь быдыс тӧдӧ. Сійӧн ме гажма тіян йылісь касьтывтӧн. Лоӧ перытӧсь керны бурсӧ, жагӧнӧсь керны умӧльсӧ.

2 Коринфын оліссезлӧ 3:4

Сідз вермам висьтавны, мийӧ эд бура надейтчам Еныс вылӧ, а надейтчӧмным ─ Кристоссянь.

1 Коринфын оліссезлӧ 14:36

Тіян дынісь разь петіс Еныслӧн кылыс? Поди, дзир тіян дынӧ локтіс?

Ап. керӧммез 18:12

Акаияас Римсянь сувтӧтӧм юралісьнас вӧлі Галлион. Сэк иудейес ӧтлаасисӧ да Павелсӧ кутісӧ. Вайӧтісӧ сійӧ Галлионыс дынӧ суд вылӧ.

Римын оліссезлӧ 15:26

Ны коласісь мукӧдыс эд умӧля олӧны. Македонияись да Акаияись вичкуэс Ерусалимись воннэзнымлӧ ыстісӧ отсӧт.

2 Коринфын оліссезлӧ 2:14

Ошкам Енсӧ! Миянӧс, Кристоскӧт ӧтлаасьӧммесӧ, Сія нуӧтӧ, пыр сетӧ быдӧс вермавны. Миян отсӧтӧн Сія сетӧ отирыслӧ тӧдны Ас йывсис. Сія Бур Юӧрыс паськалӧ чӧскыт ру моз.

Колосын оліссезлӧ 3:16

Кристослӧн кылыс ась тыртӧ тіянӧс. Быдсӧн мывкыднаныт велӧтӧ, вежӧрсьӧтӧ ӧтамӧднытӧ Енсӧ ошкан кыввезӧн, сьыланкыввезӧн, Ловсянь сетӧм сьылӧтаннэзӧн. Енлӧн бурсетӧм понда сьӧлӧмсянь ошкӧ-сьылӧтӧ Дӧсвидзисьсӧ.

1 Тимофейлӧ 2:8

Меным колӧ, медбы ай отир быдлаын кеймиканыс лэбтывлісӧ киэзнысӧ сӧстӧм сьӧлӧмӧн, лӧгтӧг да етшасьтӧг.

2 Тимофейлӧ 2:9

Бур Юӧрыс понда ме ӧні и песся-мырся, лёк керись моз пукала домӧттэзын. Но Еныслісь Кывсӧ оз позь домавны.