1 Фессалоникаын оліссезлӧ 1:4 - Бур Юӧр 2019

⁴ Воннэзӧ, мийӧ тӧдам, Еныс тіянӧс радейтӧ. Сія тіянӧс бӧрйис.

1 Фессалоникаын оліссезлӧ 1:4 Referans Kwoze

2 Фессалоникаын оліссезлӧ 2:13

Воннэзӧ, миянлӧ пыр колӧ буркывтны Енсӧ тіян понда. Дӧсвидзисьыслӧ тійӧ ӧддьӧн донаӧсь. Сія одззасянь ни вӧлі бӧрйӧм тіянӧс мездыны. Лолыссянь эд тійӧ лоит вежа отирӧн да пондіт веритны быльыслӧ.

2 Петра 1:10

Воннэзӧ, быд керӧмнаныт вынсьӧтчӧ мыччавны: тіянӧс былись Еныс бӧрйис да корис. Сідз кӧ пондат керны, сэк некӧр одӧ падмӧ.

Римын оліссезлӧ 9:25

Осия небӧгын гижӧм тай: ─ Аслам отирӧн шуа отирӧс, кӧдна эзӧ вӧлӧ Менам. Шуа донаэзӧн, кӧдна вылӧ одзжык эг и видзӧт.

Колосын оліссезлӧ 3:12

Тійӧ Енлӧн бӧрйӧммез, тійӧ ─ вежа отир. Сія тіянӧс радейтӧ. Сідзкӧ, лоӧ небыт сьӧлӧмаӧсь, бура отсасьӧ, лоӧ бур мывкыдаӧсь, рамӧсь, мыла быртӧг кужӧ видзсьыны,

Ефесын оліссезлӧ 1:4

Быдӧс аркмӧтӧмся одзжык эд Сія миянӧс, Кристоскӧт ӧтлаасьӧммесӧ, вӧлі бӧрйӧм ни. Бӧрйӧм, медбы мийӧ вӧлім вежаӧсь да сӧстӧмӧсь Сы одзын. Сія миянӧс ӧддьӧн радейтӧ,

Римын оліссезлӧ 1:7

Гижа Римын оліссезлӧ, Енлӧн дона отирлӧ. Тійӧ ─ Сылӧн бӧрйӧм вежа отир. Бурсетӧм да лӧнь олан тіянлӧ Ен Айнымсянь да Дӧсвидзись Кристос Исуссянь!

1 Петра 1:2

Ен Айным тіянӧс одззасянь ни вӧлі бӧрйӧм. Аслас Лолӧн Сія тіянӧс керис вежа отирӧн, медбы тійӧ кывзісит Кристос Исуссӧ да Сы Вирӧн сӧстӧммит. Еныслӧн бурсетӧмыс да лӧнь оланыс тіян ась содасӧ!

1 Фессалоникаын оліссезлӧ 1:3

Ен Айным одзын мийӧ пыр касьтывлам тіянлісь веритӧмсянь керӧмнытӧ, радейтӧмсянь уджалӧмнытӧ да мыла быртӧг миян Дӧсвидзись Кристос Исус вылӧ надейтчӧмнытӧ.