San Juan 19:40 - Dios oca gotirituti

⁴⁰ To bajiri José, Nicodemo rãca, Jesús rujʉrire rujiocõari sudijãiri botiquẽnarijãirine sʉtisere tucõari, ĩre gũmañujarã ĩna. Yʉa judꞌio masa, to bajiro yirũgũcajʉ yʉa, bajirearãre yujerã.

San Juan 19:40 Referans Kwoze

San Juan 11:44

To bajiro ĩ yirone, bajirocarꞌire ĩna yujerꞌi ñaboarine, budicoadicami Lázaro. Ĩ ricarire to yicõari, ĩ rujʉre quẽne sudine dʉrearꞌi ñacami. Ĩ gʉbori, ĩ rʉjoa quẽne sudine gũmarꞌi ñacami. To bajiri, —Ĩre õjaña mʉa. Vajaro ĩ —ĩnare yicami Jesús.

Hechos 5:6

Sĩgʉ̃ri mame bʉcʉarã Ananꞌias rujʉre gũmacõari, ĩre yujerã vacoasujarã ĩna.

San Lucas 24:12

To bajiboarine, Pedrojʉama, ĩna gotisere ajicõari, ũmacoasuju ĩ. Ũma vaejacõari, sojejʉ mubiarꞌi, ĩasõñuju ĩ. Jesúre ĩna gũmaboare rĩne ñañuju ti. Tire ĩacõari, “¿No bajiro bajicõari, bajiyujari ti?” yitʉoĩarejaigʉne, tudicoasuju ĩ.

San Mateo 26:12

Adio sʉtiquẽnase yʉre so yuejeojama, yʉre ĩna yujeroto rĩjoro yuejeo rĩjoro cʉtigo yamo.

San Marcos 14:8

Adio, quẽnaro so yimasiro cõro yʉre yamo. Yʉre sʉtiquẽnase so yuejeojama, yʉre ĩna yujeroto rĩjoro yuejeo rĩjoro cʉtigo yamo.

San Juan 12:7

To bajiri Judas to bajise sore ĩ yijare, ado bajiro ĩre yicami Jesús: —Tone yicõato. Yʉre ĩna yujeroto rĩjoro yuejeo rĩjoro cʉtigo yamo so.