Zozye 8:35 - Labib An Kreol Seselwa

³⁵ Zozye ti lir tou bann parol ki Moiz ti'n ordonnen, devan bann fanm, bann fanmir antye, ek bann etranze ki ti pe viv parmi zot.

Zozye 8:35 Referans Kwoze

Deterononm 31:12

Ou ava rasanble lepep: Zonm, fanm, zanfan, etranze ki pe reste dan ou bann lavil, pour ki zot antann e aprann respe pour SENYER, ou Bondye e obzerv byen tou bann parol sa lalwa.

Nehemi 8:2

Alor, premye zour, setyenm mwan, pret Esdras ti anmenn liv lalwa devan lasanble antye; tou dimoun: Zonm, fanm, avek tou sa bann ki ti kapab tande e konpran.

Zeremi 26:2

La sa ki mwan, SENYER, mon deklare: Al met ou debout dan lakour tanp e anons tou sa ki mon'n demann ou dir sa pep ki sorti depi bann lavil Zida pour vin ador mwan. Pa mank okenn parol dan mon mesaz.

Akt de Zapot 21:5

Me apre en semenn, nou ti kontiny nou vwayaz. Zot tou, avek zot fanm ek zot zanfan, ti kondwir nou ziska an deor lavil. Nou ti azenou lo bor lanmer e nou ti priye.

Mark 10:14

Kan Zezi ti war sa, i pa ti kontan. I ti dir avek son bann disip, “Les bann zanfan vin kot mwan, pa anpes zot, akoz Rwayonm Bondye i pour sa bann ki resanble zot.

Zoel 2:16

Rasanble tou dimoun, konsakre zot pour en lasanble sakre. Rasanble bann vyeyar. Reini bann zanfan, menm bann pti baba. Nouvo marye, kit lakaz! Nouvel marye, kit lasanm!

Esdras 10:1

Letan Esdras ti pe priye e konfes son pese an pleran devan tanp Bondye, en gran lafoul dimoun: Zonm, fanm, ek zanfan sorti parmi pep Izrael antye, ti rasanble otour li, e zot ti plere asodlarm.

Deterononm 29:11

Zot bann zanfan, zot bann fanm, zot osi prezan. Dan zot kan i annan osi bann etranze, bann ki koup dibwa pour ou ek bann ki al sers delo pour ou.

Akt de Zapot 20:27

Annefe, mon pa'n negliz nanryen pour anons zot plan Bondye an antye.

Deterononm 4:2

Zot pa devre azout nanryen, ni tir nanryen dan sa bann parol ki mon ordonn zot. Gard bann komannman SENYER, zot Bondye parey mon'n donn zot.

Egzod 12:38

En kantite etranze ti osi mont avek zot. Zot ti anmenn osi zot troupo mouton ek kabri.

Zakari 8:23

La sa ki SENYER liniver i deklare: Dan sa bann letan, dis etranze ki koz diferan langaz, pou vin anpandan avek en Zwif. Zot pou atrap son lenz e dir li: Nou oule vin avek ou, nou'n tande ki Bondye i avek ou.

Deterononm 29:9

Alor, met byen an pratik bann parol sa lalyans, pour zot reisi dan tou sa ki zot antreprann.

Deterononm 29:10

Ozordi, zot tou, zot in rasanble devan SENYER, zot Bondye, dan prezans bann sef sak tribi, zot bann ansyen ek zot bann zofisye, tou bann zonm dan Izrael.

Nehemi 8:3

Depi bomaten ziska midi, i ti lir dan liv, devan laplas ki anfas avek laport Delo, dan prezans tou dimoun: Zonm, fanm ek tou bann ki ti kapab konpran; tou dimoun ti ekout atantivman lektir liv lalwa.