Zozye 6:24 - Labib An Kreol Seselwa

²⁴ Zot ti met dife dan lavil avek tou sa ki ti ladan, eksepte larzan, lor, bann lobze an bronz, an fer ki zot ti met dan trezor SENYER.

Zozye 6:24 Referans Kwoze

Zozye 8:28

Zozye ti bril lavil e fer li vin en landrwa abandonnen, ziska ozordi.

Revelasyon 17:16

Sa dis korn ki ou ti war ek sa bebet, pou ay sa prostitye. Zot pou depouy li avek tou sa ki i posede e kit li touni. Zot pou devor son laser e bril li avek dife.

2 Rwa 25:9

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

Revelasyon 18:8

Pour sa rezon, dan en sel zour, son bann fleo, lanmor, dey ek lafanmin, pou tonm lo li. I pou ganny zete dan dife. Annefe, Senyer Bondye ki ziz li, i pwisan.

Deterononm 13:16

Ou ava rasanble tou bann piyaz lager lo laplas piblik sa lavil. Apre, ou ava met dife e bril sa lavil avek son bann piyaz lager, koman en sakrifis brile pour SENYER, ou Bondye. Sa lavil ava reste en ta debri pour touzour, e zanmen i ava ganny rekonstri.

Zozye 6:19

Larzan ek lor, tou bann lobze an bronz e an fer, ava ganny konsakre pour SENYER; zot ava ganny met dan trezor SENYER.

Deterononm 20:16

Me konsernan bann lavil sa bann pep ki SENYER, ou Bondye pou donn ou koman patrimwann, ou pa pou les viv nanryen ki respire.

Zozye 6:25

Zozye ti sov lavi Rahab, sa prostitye, ensi ki tou bann manm son fanmir e tou sa ki i ti annan. Depi sa zour, i reste parmi Izrael, akoz i ti'n kasyet bann mesaze ki Zozye ti'n anvoye pour eksplor Zeriko.

Nonm 31:10

Zot ti met dife partou dan bann lavil ek kanpman.

Deterononm 13:17

Pa gard okenn piyaz lager, sankwa SENYER pa ankoler kont ou. I ava pran pitye pour ou e dan son konpasyon, i ava fer ou vin nonbre parey i ti fer serman avek ou bann zanset.

Zozye 11:11

Zot ti masakre tou sa ki ti vivan. Zot ti detri tou san kit nanryen vivan e zot ti met dife dan lavil Asor.

2 Samyel 10:5

Ler David ti antann sa, i ti anvoy zwenn zot. Annefe, sa bann zonm ti onte. David ti fer dir zot: Reste dan lavil Zeriko ziska ki zot labarb in repouse; apre zot ava retournen.

1 Kronik 18:11

David ti konsakre sa bann lobze pour SENYER, ansanm avek tou larzan ek lor ki i ti'n sezi avek bann pep Edonm, Moab, Amonit, Filisten ek Amalesit.