Zozye 24:6 - Labib An Kreol Seselwa

⁶ Mon'n fer zot bann zanset sorti Lezip, e zot ti ariv kot lanmer Rouz. Bann Ezipsyen ti pourswiv zot bann zanset ziska lanmer Rouz avek kales lager ek zot kavalye.

Zozye 24:6 Referans Kwoze

Ebre 11:29

Par lafwa, pep Izrael ti travers lanmer Rouz konmsi ti later sek. Me kan bann Ezipsyen ti esey fer parey, zot tou, zot ti noye.

Akt de Zapot 7:36

Pour li fer bann Izraelit sorti Lezip, Moiz ti fer serten siny ek mirak dan sa pei, dan lanmer Rouz e pandan 40 an dan dezer.

Mise 6:4

Mon'n fer ou monte sorti Lezip. Mon'n delivre ou dan lesklavaz. Mon'n donn ou koman sef Moiz, Aaron ek Mirianm.

Psonm 78:13

I ti separ lanmer an de pour fer zot traverse; i ti fer delo debout parey en miray.

Nehemi 9:11

Ou ti ouver lanmer devan zot; zot ti travers lanmer lo later sek. Me bann ki ti pe pourswiv zot, ou ti anglouti dan profonder, parey en ros ki tonm dan fon lanmer.

Egzod 12:51

Sa menm zour, SENYER ti delivre pep Izrael Lezip, organize an group koman en larme.

Egzod 12:37

Bann Izraelit ti kit lavil Ranmses e zot ti al ver Soukot. Ti annan anviron 600,000 zonm apye, san kont bann zanfan.