Zozye 24:32 - Labib An Kreol Seselwa

³² Lezo Zozef ki pep Izrael ti'n anmenn avek zot depi Lezip, ti ganny antere Sikenm, dan sa morso later ki Zakob ti'n aste avek bann desandan Amor, fondater lavil Sikenm, pour 100 pyes larzan; sa later ti'n vin patrimwann bann desandan Zozef.

Zozye 24:32 Referans Kwoze

Zenez 50:25

Zozef ti demann bann garson Izrael fer sa promes, “Kan Bondye i fer zot sorti Lezip, anmenn mon lezo avek zot.”

Zenez 33:19

I ti aste sa later pour 100 pyes larzan avek bann garson Hamor, kot i ti kanpe.

Egzod 13:19

Moiz ti pran bann lezo Zozef avek li, akoz Zozef ti'n demann pep Izrael fer en serman: Kan Bondye i delivre zot, zot ava anmenn mon lezo avek zot.

Akt de Zapot 7:16

Zot lekor ti ganny transporte Sikenm e ganny antere dan en latonm ki Abrahanm ti'n aste pour en sonm larzan avek bann garson Hamor.

Ebre 11:22

Par lafwa, ver lafen son lavi, Zozef ti anonse ki bann Izraelit pou kit Lezip. I ti dir ki fodre fer avek son lezo.

Levanzil dapre Zan 4:5

I ti ariv dan en lavil ki ti apel Sikar, pre avek morso later ki Zakob ti'n donn son garson, Zozef.

Zenez 48:22

Mon donn ou Sikenm, en par anplis ki ou bann frer, lavil ki mon ti pran avek bann Amorit avek mon lepe ek mon fles.”

Akt de Zapot 7:15

Zakob ti al reste Lezip kot i ti mor, e kot nou bann zanset osi ti mor.

Zenez 50:24

En zour Zozef ti dir son bann frer, “Mon pre pour mor, me Bondye pou vin sekour zot e fer zot sorti dan sa pei e anmenn zot ver later ki i ti promet Abrahanm, Izaak ek Zakob.”