Zozye 22:23 - Labib An Kreol Seselwa

²³ Si nou'n konstri en lotel pour nou detournen avek SENYER, oubyen si ti pour nou ofer bann sakrifis konplet, ek bann lofrann vezetal, oubyen pour ofer bann sakrifis lape, SENYER li menm ava demann nou kont.

Zozye 22:23 Referans Kwoze

1 Samyel 20:16

Zonatan ti fer en lalyans lanmitye avek David e avek son fanmir. SENYER ava vanz bann lennmi David.

Deterononm 18:19

Sa enn ki pa ekout parol ki sa profet ava dir dan mon non, mwan menm ki pou demann li rann kont.

Ezekyel 33:8

Si mon dir en malfeter ki i pou mor e ou pa averti li, si ou pa demann li sanz son lavi, sa zonm pou mor akoz son fot. Me ou, mon pou rann ou responsab son lanmor.

Ezekyel 33:6

Par kont, si en santinel i war lennmi pe vini e i pa sonn tronpet; bann zabitan pa ganny averti; lennmi i arive e touy en dimoun, sa lanmor i arive akoz fot sa santinel, e mon pou demann li rann kont disan sa zonm.

Ezekyel 3:18

Kan mon dir avek en malfeter: Ou pou mor, ou devre anons li e averti li pour ki i sanz son kondwit e viv. Si ou pa fer li, i pou mor, byensir akoz son fot; me ou, mon pou demann ou rann kont son lanmor.

2 Kronik 24:22

Lerwa Zoas ti oubliy bonte Yoyada, papa Zakari anver li. I ti touy son garson ki, an mouran ti dir: SENYER pou fer ou rann kont pour sa.

Deterononm 12:11

Alor, zot ava anmenn kot SENYER, zot Bondye dan sa landrwa ki i ava'n swazir pour manifeste prezans son non, tou sa ki mon'n dir zot: Zot bann sakrifis konplet, zot bann sakrifis lape, zot bann ladim, zot bann donasyon, tou bann lofrann volonter ki zot ava ofer anver SENYER.

Zenez 9:4

Me fo-dre pa ki zot manz lavyann avek son lavi, setadir, son disan.

Zozye 22:24

Non! Nou ti fer sa akoz nou ti trakase ki demen ou bann zanfan ava kapab dir avek nou bann zanfan: Ki relasyon zot annan avek SENYER, Bondye Izrael?