Zozye 1:7 - Labib An Kreol Seselwa

⁷ Reste for e pran kouraz. Fer sir ou obei tou bann lalwa ki mon serviter Moiz ti ordonn ou. Pa tourn ni adrwat, ni agos, e ou ava reisi partou kot ou ava ale.

Zozye 1:7 Referans Kwoze

1 Kronik 22:13

Si ou respekte e met an pratik tou bann lalwa ek regleman ki SENYER in donn Moiz pour Izrael, ou ava reisi. Reste for, pran kouraz e pa per; pa les lafreyer pran ou.

Deterononm 5:32

Alor! Fer atansyon e met an pratik sa ki SENYER, zot Bondye in ordonn zot. Zot pa pou al ni agos, ni adrwat.

Zozye 1:8

Sa liv lalwa pa pou kit ou labous. Ou ava medit lo li lizour e lannwit, pour ki ou ava azir dapre tou sa ki'n ekri. Konmsa, ou ava prospere e ou ava reisi.

Proverb 4:27

Pa detourn ni adrwat ni agos; elwanny ou lipye devan sa ki mal.

Zozye 11:15

Sa ki SENYER ti'n ordonn Moiz son serviter, Moiz ti ordonn Zozye. Zozye ti fer li. I pa ti negliz nanryen ki SENYER ti'n ordonn Moiz.

Deterononm 12:32

Ou ava byen met an pratik tou sa ki mon'n ordonn ou. Ou pa pou ni azoute, ni tir nanryen.

Deterononm 31:7

Apre, Moiz ti apel Zozye. Devan pep Izrael, i ti dir li, “Reste for e pran kouraz, akoz ou ki pou al avek sa pep dan sa pei ki SENYER in fer serman avek zot bann zanset pour donn zot. Ou ki pou fer zot pran posesyon sa pei.

Deterononm 29:9

Alor, met byen an pratik bann parol sa lalyans, pour zot reisi dan tou sa ki zot antreprann.

Deterononm 28:14

san devye ni adrwat, ni agos, lo tou bann komannman ki mon pe ordonn ou ozordi, pour ou swiv e servi lezot bondye.

Proverb 8:20

Mon mars lo semen lazistis, tou dilon bann santye laverite,

1 Rwa 2:3

Reste fidel avek lord SENYER ou Bondye; fer son lavolonte e obei son lalwa, son komannman, son regleman, ek son lansennyman, tou sa ki'n ekri dan lalwa Moiz, e ou ava reisi dan tou sa ki ou fer.

Nonm 27:23

I ti enpoz lanmen lo latet Zozye e proklanm li koman son sikseser, parey SENYER ti'n dir par lentermedyer Moiz.

Zozye 1:1

Apre lanmor Moiz, serviter SENYER, SENYER ti koz avek Zozye, garson Noun e asistan Moiz.

Deterononm 11:8

Alor, obei tou sa bann komannman ki mon pe ordonn zot ozordi. Konmsa, zot ava ganny lafors pour travers larivyer Zourden e pran posesyon sa pei.

Zozye 1:9

Pa mon'n ordonn ou: Reste for, pran kouraz. Pa per, pa tranble, akoz SENYER, ou Bondye, i avek ou partou kot ou pou ale.

Zozye 23:6

Met tou zefor pour obzerve e met an pratik tou sa ki'n ekri dan Liv Lalwa Moiz, san ekarte ni adrwat, ni agos.

1 Rwa 2:2

Byento mon pou pran semen ki tou dimoun lo later i pran. Montre ou for, montre ki ou en zonm.

2 Rwa 22:2

Zozyas ti fer sa ki fer plezir SENYER e swiv semen son papa, David, san ekarte, ni adrwat ni agos.

2 Kronik 15:7

Me zot, montre zot for. Pran kouraz, akoz zot zefor pou ganny rekonpanse.

Liv Zob 1:8

SENYER ti demann li, “Eski ou'n remark mon serviter Zob? Napa personn koman li lo later. I en zonm zis e drwat ki annan bokou respe pour Bondye, e ki evite fer sa ki mal.”

Danyel 10:19

I ti dir mwan, “Pa per, ou ki Bondye i kontan, reste trankil! Reste for! Pran kouraz!” Letan i ti pe koz avek mwan, mon ti reganny lafors e mon ti dir, “Koze, mon senyer, ou'n redonn mwan lafors.”

Deterononm 4:2

Zot pa devre azout nanryen, ni tir nanryen dan sa bann parol ki mon ordonn zot. Gard bann komannman SENYER, zot Bondye parey mon'n donn zot.

Deterononm 29:8

Nou ti pran zot pei ki nou ti donn bann Ribenit, bann Gadit ek demi tribi Manase koman zot patrimwann.

2 Kronik 26:5

Ozyas ti fer tou pour servi Bondye toultan ki Zakari ti vivan. Zakari ti annan vizyon Bondye e ti ansenny li respe pour Bondye. SENYER ti fer li prospere osi lontan ki i ti servi li.

Psonm 80:19

SENYER! Bondye liniver! Retabli nou. Fer ou vizaz briye lo nou. Sov nou.