Zozye 1:6 - Labib An Kreol Seselwa

⁶ Reste for e pran kouraz, akoz ou ki pou fer sa pep pran posesyon sa pei ki mon'n promet pour donn zot zanset.

Zozye 1:6 Referans Kwoze

Danyel 10:19

I ti dir mwan, “Pa per, ou ki Bondye i kontan, reste trankil! Reste for! Pran kouraz!” Letan i ti pe koz avek mwan, mon ti reganny lafors e mon ti dir, “Koze, mon senyer, ou'n redonn mwan lafors.”

Zozye 1:9

Pa mon'n ordonn ou: Reste for, pran kouraz. Pa per, pa tranble, akoz SENYER, ou Bondye, i avek ou partou kot ou pou ale.

Zozye 1:7

Reste for e pran kouraz. Fer sir ou obei tou bann lalwa ki mon serviter Moiz ti ordonn ou. Pa tourn ni adrwat, ni agos, e ou ava reisi partou kot ou ava ale.

Efezyen 6:10

Anfen, pran ou lafors dan linyon avek Senyer e dan son gran pwisans.

1 Korentyen 16:13

Veye! Reste ferm dan lafwa. Pran kouraz e fortifye zot!

2 Timote 2:1

Alor ou, mon garson, pran ou lafors dan lagras ki sorti kot Zezi-Kri.

1 Kronik 28:10

Fer atansyon aprezan, akoz SENYER in swazir ou pour konstri en lakaz koman son sanktyer. Pa per pour azir.

1 Kronik 22:13

Si ou respekte e met an pratik tou bann lalwa ek regleman ki SENYER in donn Moiz pour Izrael, ou ava reisi. Reste for, pran kouraz e pa per; pa les lafreyer pran ou.

Agze 2:4

Alor, la sa ki SENYER i deklare: Pran kouraz, Zorobabel! Pran kouraz, Gran-Pret Zozye, garson Yosadak! Pran kouraz zot tou ki dan sa pei! Konmans travay. SENYER liniver ki deklare,

Psonm 27:14

Met ou lespwar dan SENYER; reste for, repran kouraz. Met ou lespwar dan SENYER.

Zakari 8:9

La sa ki SENYER liniver i deklare: Pran kouraz, zot ki ozordi pe antann sa bann parol ki bann profet ti prononse zour kan fondasyon tanp SENYER liniver, ti ganny poze.

1 Rwa 2:2

Byento mon pou pran semen ki tou dimoun lo later i pran. Montre ou for, montre ki ou en zonm.

Zenez 26:3

Reste dan sa pei koman en etranze e mwan, mon pou avek ou, mon pou beni ou, akoz mon pou donn ou ek ou desandans sa bann pei. Mon pou gard serman ki mon ti fer avek ou papa, Abrahanm.

1 Samyel 4:9

Pep Filisten! Pran kouraz e azir koman bann zonm brav, pour ki zot pa vin lesklav bann Ebre, parey zot ti nou lesklav! Azir koman bann zonm brav e al lager.

Deterononm 31:23

Answit, SENYER ti donn son bann lord Zozye, garson Noun: Reste for e pran kouraz, akoz ou pou kondwir bann Izraelit dan pei ki mon ki promet zot par serman; mon pou avek ou.

Deterononm 1:21

Gete! SENYER, ou Bondye in donn ou sa pei. Monte, al pran posesyon parey SENYER, Bondye ou bann zanset in promet zot; pa bezwen per, pran kouraz.

Deterononm 11:8

Alor, obei tou sa bann komannman ki mon pe ordonn zot ozordi. Konmsa, zot ava ganny lafors pour travers larivyer Zourden e pran posesyon sa pei.

2 Samyel 10:12

Montre kouraz, e annou konbat koman bann brav solda pou nou pep, e pour bann lavil nou Bondye; SENYER ava fer sa ki li menm i war bon.”

Zenez 12:7

SENYER ti aparet avek Abranm. I ti dir li, “Mon pou donn sa pei ou desandans.” Abranm ti konstri en lotel la, pour SENYER ki ti'n aparet avek li.

Nonm 26:53

Diviz pei Kanaan par tribi dapre zot popilasyon e zot grander.

Nonm 33:53

Zot ava pran posesyon sa later e enstal zot; mon pe donn zot sa pei koman zot posesyon.

Deterononm 1:8

La, mon met sa pei devan zot; ale e pran posesyon sa pei ki SENYER in promet zot bann zanset, Abrahanm, Izaak ek Zakob ek zot bann desandans apre zot.

Zozye 1:18

Sa ki revolte e ki dezobei ou lord e pa obei tou ou parol, pou ganny touye. Reste for e pran kouraz.”

Zozye 5:6

Annefe, pep Izrael ti'n mars pandan 40 an dan dezer, ziska ki tou sa nasyon ti'n disparet, bann gerye ki ti'n sorti Lezip ki pa ti'n ekout SENYER. SENYER ti'n fer serman ki sa bann zonm pa pou war sa pei ki i ti'n promet avek zot bann zanset pour donn nou, sa pei kot dile ek dimyel i koule.

Zozye 10:25

Zozye ti dir zot, “Pa per e pa tranble. Reste for e kouraze, akoz konmsa ki SENYER pou tret tou bann lennmi dan konba.”

Zozye 13:6

tou bann zabitan dan montanny, depi Liban ziska Misrefot-Maim, tou bann Sidonit. Mon pou sas tou sa bann pep anmezir ki pep Izrael pou vin dir mwan. Partaz pei zis par tiraz osor, avek Izrael, parey mon'n ordonn ou.

Zozye 18:3

Alor Zozye ti dir pep Izrael, “Ziska kan zot pou atann pour al pran posesyon sa pei ki SENYER, Bondye zot zanset in donn zot?

Zozye 21:43

SENYER ti donn bann Izraelit sa pei antye parey i ti'n promet zot zanset. Zot ti pran posesyon sa pei kot zot ti etabli zot.

1 Kronik 28:20

David ti dir ankor avek son garson Salomon, “Reste for, pran kouraz e azir. Pa bezwen ni per, ni dekouraze, akoz SENYER Bondye, mon Bondye i avek ou. I pa pou les ou tonbe, i pa pou abandonn ou, tan ki bann travay pour servis dan Tanp SENYER pa ankor fini.

2 Kronik 15:7

Me zot, montre zot for. Pran kouraz, akoz zot zefor pou ganny rekonpanse.

2 Kronik 20:7

Ou ti sas bann zabitan sa pei, kan ou pep, Izrael, ti ariv isi, pour ou donn sa pei pour touzour, desandan ou zanmi, Abrahanm.

2 Kronik 20:11

aprezan, la rekonpans ki nou gannyen: Zot vin sas nou dan propriyete ki ou menm, ou'n donn nou.