Zozye 1:11 - Labib An Kreol Seselwa

¹¹ Pas partou dan kan e donn lepep sa lord: Prepar zot, akoz dan trwa zour zot pe travers larivyer Zourden, pour pran posesyon sa pei ki SENYER, zot Bondye pe donn zot.

Zozye 1:11 Referans Kwoze

Deterononm 9:1

Izrael, ekoute! Ozordi, ou pe al travers larivyer Zourden, pour sas bann nasyon ki pli gran, pli for ki ou, e pran posesyon bann gran lavil ki fortifye ziska dan lesyel.

2 Rwa 20:5

“Retournen, e dir Ezekyas, sef mon pep: La sa ki SENYER, Bondye ou papa David i deklare: Mon'n antann ou lapriyer, mon'n war ou larm. Mon pou geri ou; dan trwa zour ou pou mont dan tanp SENYER.

Oze 6:2

I pou redonn nou lavi apre de zour; dan trwazyenm zour i pou releve nou, pour nou viv ankor dan son prezans.

Zozye 3:2

Trwa zour plitar, bann sef ti pas dan kan,

Deterononm 11:31

Kan zot ava travers larivyer Zourden pour al okip pei ki SENYER, zot Bondye pe al donn zot, e kan zot ava pran sa pei kot zot ava reste,

Egzod 19:11

Zot ava met zot pare pour trwazyenm zour, akoz trwazyenm zour, SENYER pou desann lo montanny Sinai devan lepep antye.

Zozye 1:2

I ti dir li, “Mon serviter Moiz in mor. Aprezan, leve, travers larivyer Zourden, ou avek tou sa pep e antre dan sa pei ki mon pe donn bann Izraelit.

Zozye 1:10

Alor, Zozye ti donn lord bann sef parmi lepep:

Deterononm 3:18

Dan sa letan, mon ti donn zot sa lord: SENYER, zot Bondye in donn zot sa pei pour zot pran posesyon. Tou bann gerye ava pran zot zarm, e travers devan zot bann frer Izraelit.