Zonas 4:6 - Labib An Kreol Seselwa

⁶ SENYER Bondye ti fer en plant pouse. Sa plant ti pous par lao Zonas e donn li lonbraz pour soulaz li. Alor, Zonas ti byen kontan.

Zonas 4:6 Referans Kwoze

1 Korentyen 7:30

Bann ki an dey, fer konmsi zot pa an dey; bann ki pe rezoui, fer konmsi zot pa dan lazwa; bann ki pe aste, fer konmsi zot napa nanryen,

Levanzil dapre Lik 10:20

Malgre sa, pa rezoui akoz bann lespri in soumet avek zot; me rezoui plito akoz zot non in ganny ekri dan lesyel.”

Zonas 1:17

SENYER ti fer en gro pwason anval Zonas ki ti reste dan vant sa pwason pandan trwa zour ek trwa nwit.

Ezai 39:2

Ezekyas ti byen akey zot. I ti montre zot, tou son bann trezor: Larzan, lor, bann zepis, bann delwil parfimen, tou son bann magazen zarm ek tou sa ki ti dan son bann kof. Ezekyas pa ti kasyet nanryen; i ti montre zot tou sa ki ti annan dan son pale e dan tou son rwayonm.

Ester 5:9

Sa zour, Haman ti sorti kontan avek leker zwaye. Me ler i ti war Mardose devan lantre pale e ki Mardose pa ti ni leve, ni montre respe devan li, i ti ranpli avek lakoler kont li.

Amos 6:13

Zot selebre akoz zot laviktwar lo lavil Lodabar, savedir: Pa vo nanryen. Zot dir: Nou ase for pour pran Karnaim, lavil ki reprezant lafors.

Proverb 23:5

Ler ou lev lizye pour get larises, in fini ale; en kou an gran, i'n ganny lezel, parey en leg, in anvole ver lesyel.

Zonas 4:5

Apre sa, Zonas ti sorti dan Niniv e al asiz Les avek lavil. I ti fer en payot e asiz anba la pour li kasyet soley. I ti asize dan lonbraz e espere ki pou arive avek lavil.

Zonas 4:7

Me lannmen bomaten, Bondye ti fer en lever pik sa plant e i ti fletri.

Liv Zob 7:2

Parey en lesklav ki rod lonbraz; parey en labourer ki pe esper son lapey.