Zonas 2:9 - Labib An Kreol Seselwa

⁹ Me mwan, mon pou ofer ou sakrifis, e sant ou rekonesans. Mon pou gard mon bann promes. Zis SENYER ki Sover!

Zonas 2:9 Referans Kwoze

Psonm 3:8

SENYER! Delivrans i dan ou lanmen. Devers ou benediksyon lo ou pep.

Psonm 50:14

Ofer Bondye en sakrifis remersiman e gard tou ou bann promes ki ou'n fer anver Bondye Treo.

Ebre 13:15

Alor, par Zezi, annou touzour ofer Bondye en sakrifis louanz, setadir, annou toultan loue son non avek nou labous.

Psonm 50:23

Sa enn ki anmenn mwan son lofrann, i onor mwan. Sa enn ki mars dan bon semen, mon pou fer li war delivrans Bondye.

Oze 14:2

Anmenn parol avek ou e retourn kot SENYER. Dir li: Pardonn tou nou bann krim; aksepte sa ki bon; dan plas toro, nou ofer ou bann fri nou labous.

Psonm 68:20

Nou Bondye i en Bondye sover. BONDYE i Senyer ki sov nou dan lanmor.

Romen 12:1

Alor, mon bann frer ek ser! Pour tou sa bonte ki Bondye in manifeste anver nou, mon ankouraz zot pour ofer zot lekor koman en sakrifis vivan, sen e agreab, devan Bondye. Sa i ava zot ladorasyon spirityel.

Ezai 45:17

Me Izrael i ganny sove par SENYER; i sov li pour touzour. Zanmen i pou ganny kouver avek laont ni ganny ensilte.

Revelasyon 7:10

Zot ti kriye avek en lavwa for: Nou delivrans i sorti kot nou Bondye ki pe asiz lo tronn e kot Zenn Mouton!

Levanzil dapre Zan 4:22

Zot, zot pa konnen ki zot adore; me nou, nou konnen sa ki nou adore, akoz delivrans i vin atraver bann Zwif.

Zeremi 33:11

tapaz lafet, dimoun riye, bann zenn marye sante. Ou pou antann dimoun pe sante kan zot pe anmenn zot lofrann remersiman dan tanp SENYER: Loue SENYER liniver, akoz SENYER i bon, e son fidelite i pour touzour! Annefe, SENYER i deklare: Mon pou redonn sa pei son prosperite parey i ti ete avan.

Liv Zob 22:27

Kan ou ava priy li, i ava ekout ou; ou ava kapab tenir ou bann promes.

Zenez 35:3

Apre, annou leve e al Betel, pour mwan kapab fer en lotel pour Bondye ki ti ekout mwan kan mon ti dan detres e ki'n avek mwan partou kot mon'n ale.”

Akt de Zapot 4:12

Zis li menm ki kapab sov zot, akoz napa okenn lot non dan lemonn antye, ki Bondye in donnen par lekel nou kapab ganny sove.”

Psonm 107:22

Ofer bann sakrifis remersiman e sant avek lazwa, tou son bann mervey.

2 Samyel 15:7

Apre 4 an, Absalon ti dir lerwa, “Permet mwan al Hebron pour al ranpli mon ve ki mon'n fer devan SENYER,

Deterononm 23:18

Ou pa pou anmenn dan tanp SENYER, ou Bondye, okenn larzan prostitisyon koman en lofrann remersiman pour nenport ki ve. Tousala i degoutan devan SENYER, ou Bondye.

Psonm 27:1

SENYER i mon lalimyer e mon sover. Lekel ki mon pou per? SENYER i mon protekter kont tou danze. Mon pa pou zanmen per.

Psonm 95:2

Annou apros li avek rekonesans! Annou kriy nou lazwa pour li avek bann kantik louanz.

1 Samyel 12:21

Pa tourn kont li pour swiv bann fo bondye ki pa servi dan nanryen, ni kapab delivre zot, akoz zot pa vo nanryen.