Zonas 2:4 - Labib An Kreol Seselwa

⁴ Mon ti dir: Mon pe ganny sase devan ou. Koman mon pou war ou tanp sen ankor?

Zonas 2:4 Referans Kwoze

Psonm 31:22

Dan mon dezespwar mon ti pe dir: Ou'n zet mwan lwen avek ou. Me ou'n antann mon siplikasyon kan mon ti kriy ver ou.

Psonm 5:7

Me mwan, akoz ou gran fidelite, mon kapab antre kot ou; mon pou prostern avek respe, dan direksyon ou tanp sen.

Ezai 38:17

Mon lanmertim ti sirman pour mon prop boner ki mon ti dan latristes. Dan ou lanmour pour mwan, ou'n anpes mwan tonm dan lafos destriksyon; ou'n zet mon bann pese lwen deryer ou.

2 Kronik 6:38

Si zot retourn kot ou senserman avek tou zot leker, ver sa pei ki ou'n donn zot zanset, ver sa lavil ki ou'n swazir, e ver sa tanp ki mon'n konstri pour ou,

Danyel 6:10

Kan Danyel ti aprann ki sa lord ti'n ganny sinyen, i ti al dan son lakaz, dan lasanm letaz, kot bann lafnet ki vir ver Zerizalenm. Trwa fwa par zour, i ti met li azenou pour priye e loue son Bondye, parey i ti abitye fer.

Zeremi 7:15

Mon pou rezet zot lwen avek mwan, parey mon ti fer avek zot frer, bann zabitan Efraim.

Ezekyel 37:11

Apre, SENYER ti dir mwan: Ou ki en imen, ekoute! Sa bann lezo i pep Izrael antye. Zot dir: Nou en bann lezo sek, nou lespwar in mor, nou'n perdi.

Zeremi 15:1

La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Ezai 49:14

Me Siyon ti dir: SENYER in abandonn mwan; mon SENYER in oubliy mwan.

1 Rwa 9:7

mon pou retir Izrael dan sa pei ki mon'n donn zot, e mon pou rezet sa Lakaz ki mon'n konsakre pour mon non. Izrael ava vin en size ridikil e en fab parmi bann nasyon.

1 Rwa 8:48

si zot repanti avek tou zot leker; si depi la, dan pei zot lennmi, zot priye dan direksyon pei ki ou'n donn zot zanset, ver lavil ki ou'n swazir e ver sa lakaz ki mon'n konstri pour ou loner,

1 Rwa 8:42

e i vin priy dan sa lakaz;

Zonas 2:7

Kan lanmor ti pre avek mwan, mon ti mazin SENYER. Mon lapriyer ti mont kot ou, e dan ou tanp sen, ou ti ekout mwan.

Psonm 42:8

Lizour, SENYER i montre mwan son fidelite. Aswar, mon sant pour li, mon priy Bondye ki donn mwan lavi.

Psonm 88:6

Ou'n anvoy mwan dan fon latonm, dan profonder fernwanr.

Psonm 88:7

Ou lakoler pe pez lo mwan; ou bann gro laroul i kraz mwan.

Lamantasyon 3:54

Ler delo ti mont par lao mon latet, mon ti dir: Mon pe noye.