Zonas 2:2 - Labib An Kreol Seselwa

² Dan mon dezespwar mon ti apel ou SENYER e ou ti reponn mwan. Depi dan profonder lanmor mon ti kriy osekour, e ou ti reponn mwan.

Zonas 2:2 Referans Kwoze

Psonm 120:1

Dan mon detres, mon ti kriy ver SENYER e i ti reponn mwan.

Psonm 34:6

Kan en malere i kriye, SENYER i antann li. I delivre li dan tou son detres.

Psonm 86:13

Ou fidelite anver mwan i vreman gran; ou'n sov mwan dan profonder lanmor.

Ebre 5:7

Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.

1 Samyel 30:6

David ti dan en gran tourman, akoz lepep ti pe mazin saboul li akoud ros. Zot tou, zot ti bokou ankoler, sakenn pour son bann garson e bann fiy. Me David ti repran kouraz e met son konfyans dan SENYER, son Bondye.

Matye 12:40

Annefe, parey Zonas ti pas trwa zour ek trwa nwit dan vant balenn, Fis-de-Lonm pou pas trwa zour ek trwa nwit dan vant later.

Psonm 116:3

Lanmor ti'n fini anpay mwan; langwas lemonn lanmor ti'n sezi mwan. Lafreyer ek ladetres ti'n sezi mwan.

Psonm 22:24

SENYER pa'n ni rezet, ni mepriz dimoun pov ki dan maler. I pa ti kasyet li son figir; i ti reponn li kan i ti kriy ver li.

Psonm 4:1

Mon Bondye ki zis! Reponn mwan ler mon kriy ver ou. Soulaz mwan ler mon dan detres. Pran pitye pour mwan, ekout mon lapriyer.

Levanzil dapre Lik 22:44

Akoz i ti dan langwas, Zezi ti priy plis ankor; son transpirasyon ti tonm ater parey gro gout disan.

Ezai 14:9

Lemonn lanmor i la pour akey ou ler ou vini. Dan lemonn lanmor, bann mor pe leve pour akey ou; pour akey tou bann dirizan lo later. I fer leve lo zot tronn tou lerwa bann nasyon.

Psonm 65:2

Akoz ou ekout nou lapriyer, tou zabitan later ava tourn ver ou.

Psonm 61:2

Depi dan bout later, mon pe kriy ou ler mon dan dekourazman. Kondwir mwan lo sa ros kot mon pa kapab arive.

Psonm 16:10

Ou pa pou abandonn mwan dan lemonn lanmor. Ou pa pou les ou zanmi fidel fini dan lafos.

Akt de Zapot 2:27

akoz ou pa pou abandonn mwan dan lemonn lanmor, ni permet ou Sen konn dekonpozisyon.

1 Samyel 1:16

Pa pran ou servant pour en fanm san moral. Pandan tou sa letan, se mon soufrans ek mon douler ki mon pe eksprimen.”

Lamantasyon 3:55

Depi dan fon mon sitern mon ti apel ou non, SENYER.

Ezekyel 26:20

Mon pou fer ou desann dan lemonn lanmor avek bann ki'n ale depi lontan. Mon pou fer ou reste dan profonder later. Parey bann rin lantikite, ou pou reste avek sa ki dan lemonn lanmor; ou pou nepli annan okenn zabitan e mon pou donn later bann vivan ou labote.

Ezekyel 31:14

Konmsa, bann pye dibwa obor delo, pou nepli vin gran, okenn pye dibwa pa pou kapab pous par lao lezot touf zarbis. Okenn pye dibwa ki pous obor delo pa pou kapab vant son grander par lao lezot. Akoz zot tou, zot pe mor, zot pe al dan profonder later parmi bann imen, ansanm avek bann ki desann dan latonm.

2 Kronik 33:12

Dan son gran maler, Manase ti sipliy faver SENYER son Bondye e i ti imilye li bokou devan Bondye son bann zanset.

Levanzil dapre Lik 11:10

Annefe, sa enn ki demande i resevwar, sa enn ki rode i trouve, e laport i ouver pour sa enn ki frape.