Zonas 1:14 - Labib An Kreol Seselwa

¹⁴ Alor, zot ti priy SENYER. Zot ti dir: SENYER! Nou demann ou pa les nou perdi nou lavi akoz lavi sa zonm. Pa rann nou responsab disan en inosan. Ou SENYER, ou fer sa ki oule.

Zonas 1:14 Referans Kwoze

Psonm 115:3

Nou Bondye i dan lesyel; i fer tou sa ki fer li plezir.

Psonm 135:6

SENYER i fer tou sa ki i oule, dan lesyel e lo later, dan lanmer e dan bann profonder.

Deterononm 21:8

SENYER! Pardonn ou pep Izrael ki ou'n delivre; pa rann Izrael responsab disan en inosan. Apre, zot ava ganny pardonnen pour sa disan ki'n ganny verse.

Efezyen 1:11

Dan nou linyon avek Kris, nou'n resevwar par ki nou ti'n ganny promet. Annefe, dapre son plan, Bondye ti'n swazir nou davans, e Bondye i realiz tou, dapre sa ki i'n oule e ki i'n deside.

Psonm 107:28

Alor, dan zot detres, zot ti kriy ver SENYER e i ti delivre zot dan zot langwas.

Matye 11:26

Wi, Papa! Sanmenm sa ki fer ou plezir.

Zonas 1:16

Sa bann maren ti ganny en gran lafreyer pour SENYER e zot ti ofer li en sakrifis e fer bann ve.

Zonas 1:5

Bann maren ti per e sakenn ti kriy ver son bondye. Zot ti zet marsandiz dan lanmer pour fer bato pli leze. Pandan sa letan, Zonas ti'n al kasyet dan lakal bato kot i ti tonm dan en profon sonmey.

Efezyen 1:9

I'n fer nou konn son plan sekre dapre ki dan son bonte, i ti'n deside pour akonpli davans, par Kris.

Akt de Zapot 28:4

Kan bann zabitan ti war sa serpan anpandan avek son lanmen, zot ti dir, “Sirman sa zonm i en kriminel. Menm si i'n sap lanmer, lazistis Bondye pa'n permet li viv.”

Ezai 26:16

SENYER! Zot ti rod ou ler zot ti dan detres. Zot ti priye ler ou ti pe pini zot.

Zenez 9:6

Sa enn ki fer koule disan en et imen, li osi en et imen pou fer koule son disan, akoz zonm ti ganny fer dan limaz Bondye.

Zonas 1:13

Malgre sa, bann maren ti naz zaviron avek tou zot kouraz pour esey ariv ater, me zot pa ti kapab, akoz lanmer ti'n vin pli move ankor.

Zonas 3:8

Dimoun ek zannimo fodre kouver zot avek lenz dey. Zot ava kriy ver Bondye avek tou zot lafors. Zot pou repanti e aret vyolans ki zot pe pratike.