Zoel 3:13 - Labib An Kreol Seselwa

¹³ Lans zot fosi, rekolt in mir. Vini, vin pile, akoz moulen rezen in plen; bann basen pe deborde. Zot mesanste in depas limit.

Zoel 3:13 Referans Kwoze

Mark 4:29

Kan dible in mir, sa zonm i pran son fosi akoz i'n ariv ler pour fer rekolt.”

Oze 6:11

Pour ou osi Zida, byento mon pe prepar en rekolt, mon pou retabli destinen mon pep.

Ezai 63:3

Mon ti tousel pour kraz rezen dan preswar, personn parmi lepep pa'n vin avek mwan. Dan mon lakoler, mon'n pil lo zot; mon'n kraz zot avek lakoler. Zot disan in fann partou lo mwan; tou mon lenz in tase.

Matye 13:39

Lennmi ki senm move zerb i reprezant dyab. Larekolt, se lafen lemonn; bann travayer se bann lanz.

Zeremi 51:33

Annefe, la sa ki SENYER liniver, Bondye Izrael i deklare: Byento Babilonn pou ganny kraze parey en ta dible ki pe al ganny pile. Letan pour rekolte in arive.

Lamantasyon 1:15

SENYER in rezet tou bann vayan gerye ki ti pe defann mwan. I'n anvoy en larme pour detri mwan. I'n detri tou mon bann zennzan. Parey rezen i ganny kraze pour fer diven, SENYER in kraz Zida, sa zoli zenn fiy.

Deterononm 16:9

Ou ava kont set semenn depi zour ki fosi in konmans koup tiz dible.

Zenez 18:20

Apre, SENYER ti dir, “Akoz lakizasyon kont Sodonm ek Gomor i gran e zot pese i grav,

Zenez 15:16

Katriyenm zenerasyon ou desandans pou retourn isi, akoz kriyote bann Amorit pa ankor ariv lo son nivo.”

Zenez 13:13

Bann zabitan Sodonm ti move e zot ti komet bann aksyon tre grav kont SENYER.

Revelasyon 14:14

Answit, mon ti war en nyaz blan, e lo sa nyaz ti annan en personnaz ki ti resanble en zonm. I ti annan en kouronn annor lo latet e en fosi byen koupe dan lanmen.

Revelasyon 19:15

Dan son labous ti sorti en lepe byen koupe pour li detri bann nasyon. I pou renny lo zot avek en baton an fer. Avek son lipye, i pou pil diven gran lakoler Bondye Toupwisan dan preswar.

Ezai 17:5

Izrael pou parey apre rekolt ler bann zepi dible in ganny met an ta, ler tou rekolt i ganny ranmase dan Vale Refaim.