Zoel 2:16 - Labib An Kreol Seselwa

¹⁶ Rasanble tou dimoun, konsakre zot pour en lasanble sakre. Rasanble bann vyeyar. Reini bann zanfan, menm bann pti baba. Nouvo marye, kit lakaz! Nouvel marye, kit lasanm!

Zoel 2:16 Referans Kwoze

2 Kronik 29:5

I ti dir zot: Ekout mwan, bann levit! Konsakre zot, e konsakre tanp SENYER, Bondye zot zanset. Retir tou bann lobze enpir ki trouv dan sanktyer.

2 Kronik 20:13

Alor, tou bann zonm Zida ti debout devan SENYER avek zot fanm ek zot bann zanfan.

1 Korentyen 7:5

Pa bezwen refiz kanmarad; amwen ki zot tonm dakor pandan en serten letan, pour lapriyer. Apre, retourn ansanm, pour ki Satan pa profite pour tant zot e fer zot perdi kontrol.

Zoel 1:14

Donn lord pour fer en zenn. Rasanble bann zabitan pour en lasanble solannel! Rasanble bann ansyen ek tou zabitan dan pei, dan tanp SENYER zot Bondye e enplor SENYER.

1 Samyel 16:5

I ti dir, “Wi! Mon'n vin ofer SENYER en sakrifis. Pirifye zot, e vin avek mwan pour ofer sakrifis.” I ti osi demann Zese ek son bann garson pour pirifye zot e i ti envit zot pour ofer sakrifis SENYER.

Egzod 19:22

Bann pret ki vin devan SENYER ava pirifye zot, pangar ki SENYER i pini zot e ki i annan parmi zot ki mor.”

Egzod 19:10

SENYER ti dir Moiz, “Al kot ou pep e dir zot pirifye zot ozordi ek demen, e fer zot lav zot lenz.

Matye 9:15

Zezi ti reponn zot, “Eski bann envite dan en maryaz i kapab tris, letan nouvo marye i avek zot? Me ler pou arive kan nouvo marye pou nepli avek zot. Alor, la zot ava zennen.”

Psonm 19:5

I parey en nouvo marye ki sorti dan son lasanm. Parey en atlet, avek lazwa i lans li dan son lakours.

Liv Zob 1:5

Kan bann zour lafet ti'n fini, Zob ti fer son bann garson vin kot li pour pirifye zot. I ti leve granmaten e ofer sakrifis pour sakenn zot; i ti dir dan li menm: Petet mon bann zanfan in fer pese e zot in modi Bondye dan zot leker! Zob ti toultan fer sa.

2 Kronik 35:6

Zot ava egorz zenn mouton Pak, pirifye zot e fer preparasyon pour zot bann frer Izraelit, parey SENYER in ordonnen par lentermedyer Moiz.”

2 Kronik 30:19

ki pe vin avek tou zot leker ver ou, SENYER, Bondye zot zanset, menm si zot pa pir parey lalwa sanktyer i egzize.

2 Kronik 30:17

Dan lasanble, bokou dimoun pa ti'n pirifye zot pour ofer sakrifis SENYER. Alor, bann levit ti bezwen egorz bann mouton Pak, pour tou bann ki pa ti'n pirifye zot e ki pa ti kapab ofer zot mouton pour SENYER.

Zozye 7:13

Leve aprezan! Konsakre lepep! Dir zot: Pirifye zot pour demen, akoz la sa ki SENYER, Bondye Izrael i deklare: Izrael! I annan parmi zot, bann byen ki mon ti'n donn lord pour detri. Zot pa pou kapab fer fas avek zot bann lennmi osi lontan ki zot pa fer disparet parmi zot, sa bann lobze ki mon'n donn lord pour detri.

Egzod 19:15

I ti dir zot, “Met zot pare pour trwazyenm zour e pa bezwen ganny relasyon seksyel avek zot bann fanm.”

Matye 21:16

Zot ti demann Zezi, “Ou tande ki zot pe dir?” Zezi ti reponn zot, “Wi. Zanmen zot in deza lir: Ou'n fer louanz sorti dan labous bann zanfan ek bann pti baba!”

Zozye 8:35

Zozye ti lir tou bann parol ki Moiz ti'n ordonnen, devan bann fanm, bann fanmir antye, ek bann etranze ki ti pe viv parmi zot.