Zoel 2:11 - Labib An Kreol Seselwa

¹¹ SENYER i fer tande son lavwa devan son larme, son gran larme pwisan ki egzekit son lord. Zour SENYER i gran e vreman terib. Lekel ki pou kapab reziste?

Zoel 2:11 Referans Kwoze

Malasi 3:2

Me lekel ki pou kapab reziste sa zour kan i vini? Lekel ki pou reste debout kan i pou aparet? Annefe, i pou parey dife ki fonder i servi pour netway metal, parey savon ki blansisez i servi.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Revelasyon 18:8

Pour sa rezon, dan en sel zour, son bann fleo, lanmor, dey ek lafanmin, pou tonm lo li. I pou ganny zete dan dife. Annefe, Senyer Bondye ki ziz li, i pwisan.

Revelasyon 6:17

Annefe, sa gran Zour zot lakoler in arive. Lekel ki pou kapab tenir kont li?

Zoel 3:16

SENYER i kriye depi Siyon; i fer tande son lavwa depi Zerizalenm. Lesyel ek later i tranble. Me SENYER i en labri pour son pep, en proteksyon pour Izrael.

Zeremi 30:7

Maler! En zour terib pe vini; en zour ki ou pa kapab konpare. I en letan detres pour Zakob! Me i pou ganny delivre.

Psonm 46:6

Bann nasyon i dan lafreyer; bann rwayonm i tranble. Ler Bondye i fer tande son lavwa, later i fonn.

Amos 5:20

Sa zour, SENYER pou anmenn fernwanr, non pa lalimyer. I pou en zour teneb, san okenn lalimyer.

Zoel 1:15

Maler! Zour SENYER i pros. Zour destriksyon ki Bondye Toupwisan pou anvoye.

Zeremi 50:34

Me zot defanser i for. Son non i SENYER liniver. I pour entervenir dan zot faver, pour ki i anmenn lape dan pei, me ki i fer tranble bann zabitan Babilonn.

Ezai 42:13

SENYER i avanse parey en ero; parey en gerye, i montre son lakoler; i kriy for, i donn en lavertisman lager; i lans defi kont son bann lennmi.

Ezai 13:4

Ekout sa tapaz ki sorti dan montanny! I parey en gran lafoul. Ekout sa soulevman bann rwayonm, bann nasyon ki'n rasanble! Sa SENYER liniver ki pe enspekte son bann troup avan konba.

Nonm 24:23

Balaanm ti kontinyen: Maler! Lekel ki pou sirviv aksyon Bondye?

Zoel 2:31

Avan sa zour SENYER i arive, soley pou vin sonm, lalin pou vin kouler disan. I pou en zour gran e terib.

Zeremi 25:30

Ou, Zeremi, al anons tou sa ki mon deklare. Ou ava dir bann pep: La sa ki SENYER liniver i deklare: Parey tapaz ki en lyon i fer, SENYER pou apel depi lao dan lesyel. I pou fer son lavwa tande dan son tanp sakre. Parey en zwazo ki atak en mouton, i pou kriy byen for kont son pep. I pou kriye parey ler zot pe kraz rezen, kont tou zabitan lo later.

Amos 5:18

Maler pour zot ki pe esper avek lenpasyans sa zour SENYER! Pour ki rezon zot pe esper sa zour SENYER? I pou en zour teneb, non pa en zour lalimyer.

Amos 1:2

Amos ti dir: SENYER i kriye depi Siyon, e i fer antann son lavwa depi Zerizalenm. I annan dezolasyon dan laplenn. Latet montanny Karmel i sek.

Zoel 2:25

Mon pou ranplas tou sa ki zot in perdi, devore par sotrel, senir, kasbol, mon gran larme, ki mon'n anvoy lo zot.

Ezekyel 22:14

Eski zot pou annan ase kouraz ek lafors pour sa zour ki mon pou pran aksyon kont zot? Mwan SENYER ki deklare, mon pou fer li.

Ezai 7:18

Sa zour, SENYER pou soufle lo ou pour fer vini bann mous sorti Lezip dan lanbousir larivyer Nil, ek mous dimyel sorti Asiri.

1 Tesalonisyen 4:16

Annefe, kan sinyal pou ganny donnen avek lavwa en larkanz, e son tronpet Bondye, Senyer li menm pou desann sorti dan lesyel, e bann ki'n mor dan Kris pou resisite an premye.

Zoel 1:6

En nasyon in anvai zot pei; zot tro nonbre e zot for. Zot ledan i parey ledan lyon; zot lanmaswar i parey lanmaswar en femel lyon.

Zoel 2:1

Sonn tronpet lo montanny Siyon! Kriye lo mon montanny sakre! Tranble, zot bann zabitan pei Zida! Zour SENYER pe vini, i byen pros.

Zoel 2:2

En zour fernwanr ek brouyar, en zour avek nyaz epe ki kouver montanny. En gran larme zensek, nonbre e for, ki nou pa'n zanmen war, pe vini. Zanmen en keksoz parey in deza arive, e i pa pou zanmen ariv ankor dan lavenir.

Zoel 3:14

Gran, Gran lafoul pe rasanble dan vale zizman. Zour SENYER i pros; i pe vin dan vale zizman.

Abdyas 1:15

Annefe, zour SENYER i pros, en zour terib pour tou bann nasyon. Ou pou ganny trete parey ou'n tret lezot. Ou bann move aksyon pou retonm lo ou latet.

Psonm 18:14

I ti lans son bann dart e dispers bann lennmi. I ti lans bann zekler e zot ti taye.

Psonm 68:18

SENYER Bondye! Ou'n mont lao. Ou'n anmenn bann prizonnyen avek ou. Bann pep in ofer ou kado, menm bann ki rebel kont ou.