Zoel 2:1 - Labib An Kreol Seselwa

¹ Sonn tronpet lo montanny Siyon! Kriye lo mon montanny sakre! Tranble, zot bann zabitan pei Zida! Zour SENYER pe vini, i byen pros.

Zoel 2:1 Referans Kwoze

1 Pyer 4:7

Lafen tou keksoz i pros. Pour sa rezon, viv en fason rezonnab avek en lespri vizilan pour zot kapab priye.

Zoel 2:15

Sonn tronpet dan Siyon! Donn lord pour fer en zenn! Rasanble bann zabitan pour en rasanbleman sakre.

Zoel 1:15

Maler! Zour SENYER i pros. Zour destriksyon ki Bondye Toupwisan pou anvoye.

Zoel 3:17

Alor, zot ava konnen ki mwan SENYER, zot Bondye. Mon reste dan Siyon, mon montanny sakre. Zerizalenm pou vin en landrwa sakre, kot okenn etranze pou nepli kapab antre.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Sofoni 3:11

Sa zour, ou pou nepli onte akoz ou bann move aksyon ki ti fer ou revolte kont mwan. Mon pou fer disparet parmi zot, tou bann ki fyer e arogan. Ou ava arete montre ou lorgey lo mon montanny sen.

Sofoni 1:14

Sa gran zour SENYER i pros; i tre pros, i pe arive byen vit. Menm bann gerye i kriy osekour.

Zeremi 5:22

Mwan SENYER, mon demann ou: Akoz ou napa respe pour mon lotorite? Akoz ou pa tranble devan mwan? Mwan menm ki'n met disab koman en baryer pour lanmer. Sa baryer pou touzour la, e lanmer pa pou zanmen depas li. I kapab azite; sa pa pou servi nanryen. Pli gro laroul pa pou kapab depas li.

Ezai 66:2

Tou sa ki egziste, se mon lanmen ki'n fer; alor, tousala i pour mwan. Me mon pran pitye pour sa ki malere, sa ki dan dekourazman, sa ki annan gran respe pour mon parol. SENYER ki deklare.

1 Tesalonisyen 5:2

Zot konnen zot menm, ki zour Senyer pou ariv koman en voler dan lannwit.

Abdyas 1:15

Annefe, zour SENYER i pros, en zour terib pour tou bann nasyon. Ou pou ganny trete parey ou'n tret lezot. Ou bann move aksyon pou retonm lo ou latet.

Amos 3:6

Eski tronpet i sonnen dan lavil san fer enkyet bann zabitan? Eski en maler i arive dan en lavil si SENYER pa'n anvoye?

Oze 5:8

Fer tande korn lager dan Gibea, soufle tronpet dan Rama. Sonn lavertisman dan Bet-Aven get deryer ou, Benzamen.

Ezekyel 7:12

Letan in arive, sa zour pe aprose! Bann aster pa bezwen selebre, bann vander pa bezwen aflize, akoz en gran lakoler pou tonm lo tou dimoun.

Zeremi 4:5

Al anonse dan Zida! Dir zot: Al proklanmen dan Zerizalenm! Soufle tronpet atraver pei! Kriy byen for avek bann zabitan: Rasanble zot; annou al kasyet dan bann lavil fortifye.

Let Zak 5:8

Demenm, zot osi, pran pasyans. Gard kouraz, akoz zour retour nou Senyer i pros.

Filipyen 2:12

Mon bann zanmi! Zot in touzour obei mwan kan mon ti parmi zot. Aprezan ki mon lwen avek zot, kontinyen obeir plis ankor. Travay avek limilite ek respe pour zot ganny sove.

Sofoni 1:16

Sa zour, zot pou antann son tronpet, tapaz lager kont bann lavil fortifye, e kont bann fortres.

Amos 8:2

SENYER ti demann mwan, “Amos, ki ou war?” Mon ti reponn “En pannyen fri mir.” Alor, SENYER ti dir mwan: Letan lafen pour mon pep Izrael, in arive. Mon pa pou eparny li.

Oze 8:1

Met ou tronpet avek ou labous! Maler, parey en leg, in tonm lo lakaz SENYER, akoz zot in kas mon lalyans e zot in revolte kont mon lalwa.

Ezekyel 33:3

Kan sa santinel i war lennmi pe vin atak pei, i sonn tronpet e averti zabitan.

Ezekyel 12:23

Alor, dir zot: La sa ki Senyer BONDYE i deklare: Mon pou fer arete sa proverb; i pa pou ganny repete ankor dan pei Izrael. Dir zot o kontrer, letan pe arive pour tou vizyon ganny akonpli.

Ezekyel 7:10

Sa zour zizman i la! La i vini! Ou tour in arive! Baton in pet an fler! Larogans in fleri!

Danyel 9:20

Mon ti ankor pe koze, mon ti pe priye pour demann pardon mon pese ek pese mon pep, Izrael, e prezant mon siplikasyon devan SENYER, mon Bondye an faver montanny sakre mon Bondye.

Danyel 9:16

Senyer, dan ou lazistis, mon sipliy ou, detourn ou lakoler kont ou lavil, Zerizalenm, ou montanny sakre. Akoz nou bann pese ek bann fot nou zanset, Zerizalenm ek ou pep i ganny ensilte par tou nou bann vwazen otour nou.

Danyel 6:26

Mon ordonnen ki partou dan mon rwayonm, tou dimoun i montre respe ek loner anver Bondye Danyel. Annefe, Bondye i vivan e i viv pour touzour! Son rwayonm pa pou zanmen ganny detri! Son dominasyon pou reste ziska lafen.

Ezekyel 33:6

Par kont, si en santinel i war lennmi pe vini e i pa sonn tronpet; bann zabitan pa ganny averti; lennmi i arive e touy en dimoun, sa lanmor i arive akoz fot sa santinel, e mon pou demann li rann kont disan sa zonm.

Zeremi 16:10

Kan ou pou dir sa pep tousala, zot pou demann ou akoz SENYER nou Bondye in deside anvoy tou sa bann gran maler lo nou. Ki krim nou'n komet? Ki pese nou'n fer.

Zeremi 16:7

Personn pa pou ofer manze dimoun ki an dey, ni rekonfort li dan son lapenn. Personn pa pou donn zot keksoz pour bwar, menm si i zot papa oubyen zot manman ki'n mor.

Ezai 66:5

Ou ki annan respe pour parol SENYER, ekout sa ki i dir: Ou prop frer ki ay ou, ki'n rezet ou akoz mwan, in dir: SENYER i montre ou son laglwar, pour ki nou war zot lazwa. Me se zot ki ganny kouver avek laont.

Ezai 2:12

Annefe, SENYER liniver in gard son zour pour li azir kont bann ki fyer e vantar, ler i pou abes sa bann ki krwar zot siperyer.

Psonm 119:120

Mon lekor i ganny frison akoz respe devan ou. Ou bann desizyon i fer mwan per.

Psonm 87:1

SENYER in konstri son lavil lo montanny sakre.

Nonm 10:3

Kan ou ava sonn tou le de tronpet, pep Izrael antye ava rasanble otour ou, devan lantre Latant Rankont SENYER.

Zakari 8:3

La sa ki SENYER i deklare: Mon pou retourn Siyon. Mon pou reste ankor dan milye Zerizalenm. Zerizalenm pou ganny apele Lavil Fidelite. Montanny SENYER liniver pou ganny apele Montanny Sakre.

1 Kronik 15:28

Alor, Izrael antye ti fer monte Kof Lalyans SENYER avek rezouisans avek rezonnman kor, tronpet, ek senbal, e avek lakonpannyman laarp ek lir.

1 Korentyen 14:8

Si sa enn ki soufle tronpet pa donn en son kler, lekel ki pou prepar li pour al lager?

Revelasyon 6:17

Annefe, sa gran Zour zot lakoler in arive. Lekel ki pou kapab tenir kont li?

Egzod 10:14

ki ti kouver Lezip antye. Ti annan bann gran lesen sotrel ki zanmen zot ti'n ganny war dan Lezip e zanmen pou war ankor.

Ezekyel 30:3

Sa zour SENYER i pros, en zour ki lesyel pou kouver avek nyaz; i pou en zour maler pour tou nasyon.

Zoel 2:11

SENYER i fer tande son lavwa devan son larme, son gran larme pwisan ki egzekit son lord. Zour SENYER i gran e vreman terib. Lekel ki pou kapab reziste?

Zoel 2:31

Avan sa zour SENYER i arive, soley pou vin sonm, lalin pou vin kouler disan. I pou en zour gran e terib.

Zoel 3:14

Gran, Gran lafoul pe rasanble dan vale zizman. Zour SENYER i pros; i pe vin dan vale zizman.

Amos 5:18

Maler pour zot ki pe esper avek lenpasyans sa zour SENYER! Pour ki rezon zot pe esper sa zour SENYER? I pou en zour teneb, non pa en zour lalimyer.

Zakari 14:1

Sa zour ki pour SENYER pe vini, kan bann depouy lager pou ganny partaze parmi zot.

Nonm 10:2

Fer de tronpet annarzan; forz li avek en sel morso metal. Ou ava servi pour konvok lasanble e ler zot deplas kan.

Ezai 13:6

Lamante! Akoz zour SENYER i pros. I pe vini parey en dezas ki'n ganny anvoye par Bondye pwisan.

Ezai 13:9

Sa zour SENYER pe vini, en zour terib, deborde avek gran lakoler. En zour ki i pou fer later vin en landrwa devaste e ekstermin tou sa bann ki fer pese.

Ezekyel 21:12

Ou ki en imen, kriye e plennyen! Sa lepe i kont mon pep e kont tou bann prens ki gouvern Izrael. Zot pou ganny masakre ansanm avek leres mon pep. Tap zot pwatrin avek dezespwar.

Sofoni 1:7

Fer silans devan Senyer BONDYE! Akoz zour zizman SENYER i pros. SENYER in prepar en sakrifis; i'n konsakre son bann envite.