Zoel 1:13 - Labib An Kreol Seselwa

¹³ Zot bann pret! Met zot lenz dey! Lamante, zot ki servi lo lotel! Antre dan tanp e pas lannwit dan lenz dey. Lamante, zot bann serviter Bondye! I nepli annan lofrann vezetal ek lofrann diven dan tanp zot Bondye.

Zoel 1:13 Referans Kwoze

Zeremi 4:8

Pour sa rezon, met zot lenz dey; plere, lamante, akoz SENYER pe devers son gran lakoler lo zot.

Zoel 2:17

Zot bann pret ki servi SENYER! Lamante ant lotel ek laport sanktyer. Dir: SENYER! Sov ou pep! Pa les ou bann zanfan vin en laont parmi bann nasyon! Pa les bann nasyon dir: Oli zot Bondye?

Ezekyel 7:18

Zot pou anvlop zot dan lenz dey, zot pou konny ansanm avek lafreyer. Zot figir pou kouver avek laont; zot tou, zot pou bezwen raz zot latet telman zot onte.

Zeremi 9:10

Mon pou lamante lo bann montanny e plere pour bann laplenn, akoz zot in ganny brile. Personn pa pase e nepli annan tapaz bann troupo. Zwazo ek zannimo sovaz in ale; pa reste nanryen.

1 Rwa 21:27

Kan Akab ti antann sa bann parol, i ti desir son lenz, met lenz dey lo li e i ti zennen. I ti dormi dan sa lenz dey e mars dousman.

2 Korentyen 11:23

Eski zot serviter Kris? La mon pou koz konmsi mon'n perdi konpletman larezon: Wi! Mon serviter Kris plis ki zot ankor. Mon'n travay bokou plis ki zot; mon'n ganny met dan prizon pli souvan ki zot; mon'n ganny bate bokou plis ki zot, e mon'n pli souvan obor lanmor ki zot.

2 Korentyen 6:4

O kontrer, nou fer tou nou posib pour viv koman bann serviter Bondye: Nou'n persevere omilye bann soufrans, dan bann moman detres, e dan bann kalamite.

2 Korentyen 3:6

Li menm ki'n fer nou vin bann serviter en nouvo lalyans ki pa depann lo en lalwa ekri, me lo Lespri Sen. Lalwa ekri i donn lanmor, me Lespri Sen li, i donn lavi.

1 Korentyen 9:13

Zot konnen ki sa bann ki travay dan tanp, zot ganny zot manze dan tanp, e ki bann ki ofer sakrifis lo lotel, zot ganny zot par dan sa bann sakrifis.

1 Korentyen 4:1

Zot devre konsider nou koman bann serviter Kris, bann administrater plan sekre Bondye.

Ezai 61:6

Zot zanfan pou ganny apele: Pret pour SENYER. Zot pou ganny nonmen: Serviter nou Bondye; zot pou benefisye lo fortin bann nasyon e zot pou profit lo zot larises.

2 Samyel 12:16

David ti sipliy Bondye an faver sa zanfan: I ti fer en zenn. Ler i ti retourn se li, i ti dormi ater tou lannwit.

Nonm 29:6

Sa bann sakrifis ava anplis, avek sakrifis konplet pour nouvellin, son lofrann vezetal, ek bann sakrifis ordiner, son lofrann vezetal ek lofrann diven dapre regleman. Sa bann lofrann ava donn en loder ki fer plezir SENYER.

Revelasyon 11:3

Mon pou anvoy mon de temwen abiye dan lenz dey. Zot pou profetize pandan 1,260 zour.

Ezai 22:12

Sa zour, Senyer BONDYE liniver ti demann zot pour plere e lamante; pour raz zot latet e met lenz dey.

Ezekyel 21:12

Ou ki en imen, kriye e plennyen! Sa lepe i kont mon pep e kont tou bann prens ki gouvern Izrael. Zot pou ganny masakre ansanm avek leres mon pep. Tap zot pwatrin avek dezespwar.

Oze 9:5

Ki ou pou fer zour rankont pour lafet, zour lafet SENYER?

Zoel 2:14

Petet i ava sanz son desizyon, e donn ou son benediksyon! Alor, ofer SENYER, ou Bondye en lofrann dible ek diven.

Nonm 28:4

Ou ava ofer en zenn mouton bomaten e en lot zenn mouton, soley kouse.

Nonm 28:7

Pour lofrann bomaten, ou ava ofer en lit diven ki ou ava vers lo lotel pour sak zenn mouton devan SENYER.

Nonm 28:14

Lofrann diven ki ganny verse kot lotel ava konmsa: De lit pour en toro; en lit edmi pour en mouton mal; en lit pour sak mouton. Sa i bann regleman pour bann sakrifis ofer konmansman sak mwan tou dilon lannen.

Ezekyel 27:31

Akoz ou, zot pou raz zot latet e met lenz dey. Zot pou kriye e lamante akoz ou.

Zoel 2:12

La sa ki SENYER i deklare: Retourn kot mwan avek tou zot leker: Zennen, plere, lamante.